2 SAMUELI 16:2 - Biblía Axweesantá Hhohho' ar Mungú 2004

² Waawutmo Daudi Siba guri yaahaás, «Gár muruuwí ngusa húp?» Siba guri báy, «Daqwaaye ar múk do'ók ar ta ii tsa/aa/an, mikaáte nee mamaá xaai kukaá qoomár age awa masoomba sleémeero, difaái ar mukdaádá' /araraám waxeero baraá xaanxáy wa ale.»

2 SAMUELI 16:2 Iomraidhean Croise

IIMU/UUNGW 21:29

Abimeleki Abrahamu guri yaahaás, guri báy, «Ahaá, dareemáywí faanqw oo bee/aangw taa bihhií amaásl oo milá?»

IIMU/UUNGW 33:8

Esau iri oó', «Boo/aywí nee aníng taa doogaan oo milá?» Yakobo iri oó', «Ana harahhiíf iwa ilaaot, aakooeé'.»

2 SAMUELI 15:1

Alaá kaangwihe Absalomu gaárirós gari sláy, nee farsuwo nee múk mibeeraá kooán in geeraawós wa ti'ii'ín.

2 SAMUELI 15:23

Qoomár Daudi iwa waaraahhi nee mukose, muu sleémeero baraá yaamuudae tari tseé' /aa/ewo. Waawutmo yaaér Kidroni gari waaraáhh dinkwa nee muu sleémeero, tari waaraáhh, amór xaanxaay kana xuú'.

2 SAMUELI 17:29

nee daneero, nee di/aay, bee/aangw nee di/tá /awak. Adoorí kana tleéhh as Daudi nee mukós kudá' ti alkoomá', asma tana oó', «Mukwí i qwariit, nee i waxiit, nee taa slaaqamiít as tawa baraá xaanxáy dirii'i.»

2 SAMUELI 19:26

Mefibosheti iri oó', «Aakooeé' waawutámo, sagadiyusmooeé' ina al/aáy. Asma aníng oo sagadiyusmoowók, una báw, ‹Daqway'eé' amohhe'eeseek as nguwa tsa/am as aníng nee waawutmo tiwa alkoomaan.› Kuúng a xú' anuú sagadiyusmoowók a taqoormo.

ESEKIELI 37:18

Yaamulouuseerók barnaxes ugwa yaahás, tawa kaahi, ‹Xáy, gaarí gár i laqaqaan ngi o'káhe?›

HAR'OHUUSE 10:4

Inós daaqaay ngu kon mibeeri tám, kudá' daqwaayér mibeeri tám gar hi'iimamiít nee gixsadaá mibeeri tám ngi koná', kudá' ta bay Hawot-yari tam ay laarí, baraá yaamaá Gileadiro.

HAR'OHUUSE 5:10

«Kaangwí ilaharisaak, kuungaásingaá daqaare awa daqwaayér /awak aga i tsa/aande', nee kuungásingá' iwaawitá' baraá hhafetaá tlaxo gawdén wa alé, tam kuungaásingá' hi'iimitá' lohuuwo, kangwsíng alki/itaak.

1 SAMUELI 14:28

Heeko wák guri báy, «Baabuúwók muu guna lo'ór /aymiís iwa kaahi, ‹Heé muruú /ayma laarí gwaa /aay i tsarere'eeti.› » Qoomaadae muu qwari gwaa slaaqatimís.

1 SAMUELI 25:27

Nee hamí aakooeé', na'ás, qeemuueé' kwí ni koom ilaooheek daaqaywók kwisíng nee kuúng ti koomá' tir qeer.