2 SAMUELI 16:10 - Biblía Axweesantá Hhohho' ar Mungú 2004

¹⁰ Ala waawutmo iri oó', «Xáy, gaarí a milá ar baraá tla/ángw aníng nee kuungá' daaqoó Serúya? Barnaxes AAKOÓ MUNGÚ inós gwa báy, ‹Daudi lu'usek, heé gu yaahaás a heemá oo gu báw, asma milá adoorí mara tléhh?› »

2 SAMUELI 16:10 Iomraidhean Croise

IIMU/UUNGW 50:20

Kuungá' looeemaawo, ana slaé' aníng iwa gár tlaákw i tlehha', ala Mungú gana slaá' tawa gár hhoo', as xoorór ur ngiwa ba/amisi, adór hám i diri' laarí.

2 SAMUELI 19:22

Ala Daudi iri oó', «Daaqoó Seruya, gár aníng nee kuungá' i káhh. Asma milá misti adór wakuuser'eé' tlehhá' laarí? Xáy, hee kun gaási baraá Israeliwo laarí? Ahaá, aníng ti xuaakáhe adór tar waawutmoó Israeli deelór laarihe?»

2 SAMUELI 19:23

Waawutmo Shimei guri báy, «Kuúng tu gaasiiká.» Waawutmo lo'o gari /aáy as Shimei.

2 SAMUELI 3:39

Hám aníng iga mak iimbalaxé' ar di/i as tawa waawutmo, ala laarí aníng aga heé liitlaákw tleehhiít. Ala daaqaywú Seruya a múk aa harwaaraahh saga gawduwo dir'eene. Tlakuuseerí AAKOÓ MUNGÚ ngi slahhi ar adoodár hariímár tlakweemaaín i dirii'iya'.»

1 WAAWITÁ 17:18

/Ameenidá' Eliya guri beér, «Xáy, kuúng heé Mungú, gár adór tí a milá naa aníng i tléhh? Kuúng nina dooeéní hardáti as tlakweemaaeé' kiwa laqaan, nee gaarí an gár garmaaeé' gwaa gas?»

1 WAAWITÁ 2:5

«Tam adoorihe, kuúng a xú' adoodá' Yoabu aníng iga laáq, garmoó Seruya, adór geeraharuusér tsár ar slaqwaruusér Israeli ngaa laáq, Abneri garmoó Neri nee Amasa garmoó Yeteri. Inós tseere gana ku'uús qoomár wayduuwo as marmá ngiwa bui ar qoomaadár slaqwara. Inós múk dakuús wásl guna tsuú/, án afkós nguri /aáy, asma tlehhimi'iiwós kudá' aa tleéhh iga slahh'eesiyé'.

2 WAAWITÁ 18:25

Tam adoorihe, xáy, kuungá' ka xua' aníng nee AAKOÓ MUNGÚ ti kaahi koomanaakáhe as yaamuuhúng ngiwa i haratlaw, nee ngiwa qwaarees. AAKOÓ MUNGÚ an heé iga bay, ‹Yaamusingá' i haratlaweek nee ki hhaamís.› »

YOBU 9:12

Gaarós ar i slai gan taataahh gari ar tláy, heé inós ilaa/aro gu aleesláw a heemá? Heé inós gu báw, «Ma tlehh,» a heemá?

WARA'AMI 39:9

Aga xasliít afkwe'eé' ugwa mutsutsuú'. Asma kuúng an kudá' adoorí gaa tleehh.

DAHARUSMO 8:4

/Aymuú waawutmo i /uuruú kón, heé inós gu qiítl nguwa bay, «Kuúng gár ta tlehhit a milá?»

WA/AA/I 3:37

Heé gaa ga oó' iri tleehharút a heemá bar Aako gaa ooiiká?

DANIELI 4:35

Yaamuloouusér daanduú yaamu a gaarooká dirose. Dír malaykedá' gawaá doorí diriia adór i slai gan tlehhiit tam dír múk baraakaá yaamuwo. Heé dakós gu ilaá/ i kaahh tumu wák, laqaá heé gu báw, ‹Gár adoosíng kas tlehhit a milá?›

Matayo 16:23

Yesu iri warqáy amór Petro, guri báy «Quútl dír geeraaeene Neétlaangw! Kuúng a dukutsmo dir'eene. Asma inslawaywók kwisíng oo Munguheeká ala oo muu.»

Matayo 8:29

Mukdá' iri tseé', tari oó', «Garmoó Mungú, atén nee kuúng a milá? Nina hardáti as atén tiwa slahh'eemis dír qoomaarén ira xeeriiká?»

Yohana 18:11

Ala Yesu Petro guri báy, «Paángarók ki/iseek. Slahh'eemisuú Baabá naa aníng i haniís, aníng adór ngur maw sleemuuwo?»

Rumi 9:20

Ala kuúng heé, kuúng a heemá, tiwa tlaampa'aamisa' nee Mungú? Gár taa tleéhh, tleehharusmoowós gunqo beéra, «Aníng misa adoorír tléhh?»

1 Petro 2:23

Inós qoomár kuwa /ooslislín, /ooslima gaa tiqár buiiká. Qoomár kuwa slahh'eemiís, mukdá' gwa slahh'eemiis gwa dae tsatiiká, ala tiri qaás gawaá dabaá Mungú, kudá' sakwasleemár ganaa' ga tleéhh.

1 SAMUELI 26:19

Hamí daxta, aakooeé' kuú waawutmo, axweesantá sagadiyusmoowók iiárií qaaseek. Barnaxes AAKOÓ MUNGÚ una amor'eéní tliwií/, ilahhooa ngi oohi tidá' inslawaywós gu warqees. Ala barnaxes a afér muu, múk adór kwí AAKOÓ MUNGÚ ngu lu'usi kwí aníng i gusisiím dír aalir'eé' tidá' AAKOÓ MUNGÚ naa haniís tawa kaahi, ‹Tláw slaqsi'iidaá munguaá hatlá' sagadiyuseek.›