2 SAMUELI 16:1 - Biblía Axweesantá Hhohho' ar Mungú 2004

¹ Daudi iwa waaraáhh gawaá tsitsantá tloomaro, Siba, sagadiyusmoó Mefibosheti, Daudi guri al'áy ar mikaáte tsiire tsár, ngaa tsa/aás gawaá daqwaayér tsár, nee /ar'aá tsiirú wák awa sabiíbuú taa kahaás, nee mamaá xaai awa qoomár age tsiiruú wák, nee tlakoó kaahari oo taa hatsiís difaaíro.

2 SAMUELI 16:1 Iomraidhean Croise

2 SAMUELI 15:30

Ala Daudi ina kumamiít iri tsa/án tloomár Seituni, i hara /aa/amín, i ya/ataá konká, nee sagós gwaa tuuntuúk. Tam mukdaádá' sleémeero nee inós ti alkoomá', sagér'ín kaa tuuntuúk tawa tsa/aa/an gawaá tlooma, ta hara /aa/amín.

2 SAMUELI 15:32

Daudi iwa hardáh gawaá tsitsinír tlooma, didaádá' Mungú kuwa sluufmaamisi, heeko wák, umuuwós a Hushai, heé Arkír daáhh, nina hardáh as Daudi nguwa al'ay. Tlabaawós naa fehhamamiitiyé', nee sagós i teerír kón.

2 SAMUELI 19:17

Shimei nee múk tlahhoó Benyamini oo kumuú wák tina alkoné'. Siba, lawaalmoó múk doó Saulo, dinkwa nee daaqaywós oo mibaá nee kooán, nee sagadiyuuseerós ar mibeeri tsár, tana gaanslár tláy ay yaaér Yordani as tawa geeraá waawutmo Daudi wa hi'iiti.

2 SAMUELI 19:32

Barsilai, a aakoó aa uray, kureeriiwós a mibeeri dakaát. Inós waawutmo guna amohhe'eemiís, qoomár waawutmo iwa Mahanaimúr hooti, asma Barsilai inós tawa daqaarmo ló'wa ale.

1 QOM'I 12:40

Nee sleeme inslaaway'ín oo tseéw nee oo sawe, adór amór Isakari, nee Sebuluni nee Naftali, inooín muruú /ayma nguna huwiyé' ar daqwaaye, nee ar angaamiía nee ar wayshama', nee ar awe. Muruú /aymár tinda huúw a puurú, mikaátér tiíni, /ar'aá sabiíbu aa kah, difaái nee di/i, awe nee bee/aango. Múk Israeli iri ló'wa qwalaá/.

AXWEESANOÓ SAGALOOA 18:16

Heé taa aleesleemuú i haniís kwaa loohirí tleéhh. Iri dah ay dír geeraá múk urén.

YEREMIA 40:10

Aníng a hoót baraá gixsár Mispa wa alé, an daanduhúng wa sihhiít dír geeraá múk Kaldayo kudá' amoorén káw, ala kuungá' difaái na burumburaak nee mamaá qoomár age, nee di/to, hooté' baraá gixsaduudaá aalirhunge.»

YEREMIA 40:12

Aluuwo múk Yuda sleémeero niri waatliyé' baraá ayeemoodá' sleémeero aáng ki diyaa/i, tari daqáy amór Gedalia baraá Mispa. Inooín difaái nee mamaá xaai kudá' qoomár age ngina ló'wa burumburiné'.

AMOS 8:1

Aakoó MUNGÚ ina iigu'utúy laqán. Aníng niri qaytsiít, lakwaantír mamaá koom awa naa hamaariye' ngiri ár.

MIKA 7:1

Tsaxwaaeé'! Asma aníng a adór heé qwariít, oo bururú gwaa sleemisuú ay. Ala laatí tam /aroó wák oo taa meetiís ugwa slawiiká. /Ar'i sleémeero kaa buú'

1 SAMUELI 10:3

Didae bara geerií kumít ay ti'ituú Tabori, nee didae nee múk tám ti dogá' oo amór Mungú káw amdár Beteli, oo wák i deeloó tám kón oo aara, nee oo hatlá' i mikaátér tám kón, nee oo hatlá' i tlakoó kaahartá kón oo difaái.

1 SAMUELI 16:20

Yese daqwaay guri amohhe'eés nee mikaáte, nee tlakoó kaahari oo difaáír koóm, nee gurtuú niiná, giri ya/aáw ar garmaawós kwí ta bay Daudi ay amór Saulo.

1 SAMUELI 25:18

Abigaili iri gaanslút, mikaáte tsiire tsár gana taatáhh, nee tlakwa'aá tsár awa kaahari awa difaáír koomá', nee fu'unaá bee/ángw kooán awa taa kwasasahhaás, nee kílo mibaá nee faanqw ar pu/oó /ayto'o, mikaátér taa aledoók nee sabiíbuú kaaharén a tsiiruú wák, mikaátér taa aledoók nee mamaá /aantsí a tsiire tsár. Muruuwí sleémeero guna tsa/ás gawaá daanduú daqwaaye.