2 SAMUELI 15:31 - Biblía Axweesantá Hhohho' ar Mungú 2004

³¹ Qoomaarihe, Daudi kuri báy, «Tam Ahitofeli, heé wák oo aa dee/aanuut, inós aa haraagwaá' dír Absalomu.» Ala Daudi iri firín iri oó', «AAKOÓ MUNGÚ, án kuúng u firiím, kaahír Ahitofeli i payshut.»

2 SAMUELI 15:31 Iomraidhean Croise

2 SAMUELI 15:12

Qoomár Absalomu ilahhooár muruú ta tsu/i ngiwa hanmiisi, ina ya/abín baraá gixsár Gilo, as Ahitofeli kuwa ateeti, kudaádá' waawutmo Daudi gu gurbuaaiím. Aahhír Absalomu /uuru guri sleér, múk nee inós ti alkoomakoomá' iri doogín.

2 SAMUELI 16:23

Qoomaadae umuúqo /aymuú Ahitofeli aa ooi, a adór axweesantá taa oó' nee Mungú. Nee umuúqo axweesantá Ahitofeli aa ooi, Daudi nee Absalomu aqo kan iwaa/.

2 SAMUELI 17:14

Absalomu dinkwa nee múk Israeli sleémeero tari oó', «Kángw Hushai, heé Arki, i ganaa' ta oo Ahitofeliwo.» Axweesantá Ahitofeli kana sií', asma AAKOÓ MUNGÚ axweesantadá' hho' ar Ahitofeli gana sií', as kahhó' AAKOÓ MUNGÚ Absalomu nguwa tlaákwí tleehhi.

2 SAMUELI 17:23

Ahitofeli ngiwa ár adór axweesantós kara kaángwí sií', iri tsa/án gawaá daqwaywós, iri waátl amór do', baraá gixsarós. Iwa hardáh muruú dír do'ós guri qoomeés. Tari tarereé', iri gwaá'. Kuri foól baraá /aantár baabuúwós.

2 SAMUELI 17:5

Absalomu iri oó', «Hushai, heé Arki, ateetare' sleeme u axaasaán gár i slai ooaro a milá.»

2 SAMUELI 17:7

Hushai Absalomu guri mu/aywaáts, «Qoomaarihe axweesantír Ahitofeli naa oó' i qoondaaká.»

YOBU 5:12

Kángw múk tlákw i qoomeemesi inós gu hhitín, as kahhó' baraá tlehhmi'ii'ine gár hhoo' makawa baloó sláy.

WARA'AMI 109:3

Muruú tlákw ngun gawaaeé' kaahiyá', in i slaqwiyá' tawó alé.

WARA'AMI 3:1

AAKOÓ MUNGÚ, wakuuser'eé' ka yaariir, aa ló'wa tláhh! Awa aníng i /amatsegiitá' ki yaariir.

WARA'AMI 41:9

Tam mulqumooeé' kudá' afhhamít, kudá' naa harahhiíf, kudá' nee aníng al/ayayimá', inós iga sakií/.

WARA'AMI 55:10

Tlaatla/aangw nee xweeraawo, koo/ír gixsa ngin harweditiyá', nee baraá gixsaro gár aa hats a tlehhmatlakwe nee slahh'amu.

WARA'AMI 55:12

Asma heé iga /ooslin a wakusmooeeneeká, geera bar inós aga qiítl, oo iga waqaa' a kudá' aníng iga aahhiiká, geera bar inós aga nahhaát as miwa ár.

ISAYA 19:3

Múk Misri iri sage qwaqwdín, aníng kangw'ín kudá' naa qoomeesiyé' un hhitiím, Inooín gurbua ngiri leehhiyá' dír slaqsi'idaá mungui nee dír gi'i nee dír iigu'utuuse nee da/aluuse.

ISAYA 44:25

Aníng layudaá lama in hhitiím, kudá' tlaa/aá xuá' in daktana tleéhh, axweesantá múk sageeloén an sií', tam xu'utir'ín an daktu'uuma tleéhh.

Yohana 13:18

«Án kaangwí naa káh oo kuungá' sleémeerowooká. Asma aníng muk'eé' kudá' naa tsawaár u xuú'. Ala tí ina tleehharút as Gooirí iwa bo/, tidá' kah, ‹Kudá' muruú /aymar'eé' gwa /aay, aa wakusmooeé' tleehhiít.›

1 Korinto 1:20

Gawaá adoorihe heé sagalooár koóm i diimá? Nee intsaahhatusmooduú hara'aya i diimá? Nee slám heé tlaampa'aamis gu baál i diimá de'emaakae? Ahaá, Mungú sagalooár múk baraaká' yaamu gaa laqáníke adór tar dakti'iima.

Yakobo 3:15

sagalooarí a tidá' naa gawaá doorí wa awetká, ala a tidár baraá yaamu, ar qeeruuwooká ala ar Neetlaangw.