2 SAMUELI 15:30 - Biblía Axweesantá Hhohho' ar Mungú 2004

³⁰ Ala Daudi ina kumamiít iri tsa/án tloomár Seituni, i hara /aa/amín, i ya/ataá konká, nee sagós gwaa tuuntuúk. Tam mukdaádá' sleémeero nee inós ti alkoomá', sagér'ín kaa tuuntuúk tawa tsa/aa/an gawaá tlooma, ta hara /aa/amín.

2 SAMUELI 15:30 Iomraidhean Croise

2 SAMUELI 15:29

Gawaá adoorihe Sadoki nee Abiatari sandakmoó alqadór Mungú kuri ki/ís baraá gixsár Yerusalemu, inooín tari baraadá' wa hoót.

2 SAMUELI 19:4

Waawutmo gitsee/awós gina tuuntuúk, i /aa/amín ar afór ur i kaahi, «Ma /imamiís, garmaaeé' Absalomu! Ma /imamiís, Absalomu garmaaeé'! Garmaaeé'!»

2 SAMUELI 19:5

Yoabu iri dáh baraá doó waawutmo, guri báy, «Laarí taa mureekés ataá sagadiyuuseerók sleémeero, ateeká' slafiingók ngwa tu/aan, nee slafíngw na/iiwók awa daaqaay, nee slafíngw na/iiwók awa dasu, nee slafíngw /ameenaarók, nee slafíngw /ameenaarók tidá' quturmo wasle.

ESTA 6:12

Aluuwo Mordekai iri kií/ afkú doó waawutmo. Ala Hamani iri ta'aaín ay amór do'ós, i tsuunqumiis, sagós gwa tuuntuúk.

WARA'AMI 42:3

Tlaatla/aangw nee xweeraawo an /aa/amamiím, hhirhheerieé' nay adór muruú /aymar'eé' tleehhitiyé'. Tlaatla/aangw sleémeero muu in yaahamiis tawa kaahi, «Munguúwók i amá?»

WARA'AMI 43:5

Aníng gár nis gurhaamuut a milá? Nee mahar amoqwaqwadiím baraeene? Mungú un harahhiíf, asma aníng u malé xirfayeés, kuduú alee/isusmooeé' nee Munguúeé'.

ESEKIELI 24:17

Ala tawo quruú/, ma tseeaar. Heewí aa gwaa' mu sa tsuunqusaar. Ya/ataawók dahaaseek, nee warqamoowók oo saga tseegeek, afkók mu lu/aar, laqaá muruú /aymár tsuunqumis mu /ayaar.»

ESEKIELI 24:23

Warqamaá sagerhúng in tsegá' nee ya/atahúng in dahasá'. Kuungá' a tsuunqusa'aaká, laqaá a /a/a'aaká. Slám kuungá' tari hhimaamiá' as tlakweemaahúng, tiri kiloohúng i qununu/á'.

SEKARIA 14:4

Nee baalaadár kilae AAKOÓ MUNGÚ in sihhiit gawaá tloomár seituúni tidár Yerusalemuro bihhaá da/ií dirii', nee tloomár seituúni iri tla/aa feehhít, tlapár yaariir niri baraá tla/angwdá' wa ti'ít, iimír da/aáw wa tleemu ay /uwa, tlaqtá tloomaadá' ar wák iri /íkwí tleér nee ar hatlá iri báskwí tleér.

Matayo 5:4

Múk amohhoó' a kudá' gurhaamuút, asma inooín gurkwa/asa ngi slayá'.

Luka 19:29

Qoomár iwa tseewúy dír gixsár Betfage nee Betania, bihhaá tloomár xaaiikaari ta bay seituúni, eeharuuseerós ar tsár gari ya/aáw,

Luka 19:37

Qoomár iwa tseewúy Yerusalemu, dír /etángw tloomár seituúni, boo/oó úr oo eeharuuseerós, Mungú kuri xirfayeemiís ar qwala/, nee ar afór ur, as tlehhema'aá uren awa taa ár,

Luka 19:41

Yesu qoomár iwa tseewúy, gixsadá' gana ár, iri /aá/ as gixsadá',

Luka 21:37

Deeloodae Yesu in intsaahhatimamis baraá Doó Mungú wa ale qoomár tlaatla/aango. Nee xweeraawo in qatuú aa'áy gawaá tloomár xaaiikaari ta bay seituúni.

Luka 22:39

Iri tláy ay amór tloomár xaaiikaari ta bay seituúni, adoodá' /iisí i /imamisi. Eeharuuseerós nee inós tari alkoné'.

Tlehhema'aá ya/Abuuse 1:12

Aluuwo ya/abuuse niri gawaá tloomár Seituúnír wa awét, tidá' bihhaá Yerusalemúrí tseew, tari kií/ ay Yerusalemu, tloomadá' saweemaawo a har qoomoó hi'iitanór deelór Sabaáto.

Rumi 12:15

Qwalala/é' dinkwa nee mukdá' qwalalaá/. /Aa/amiimé' dinkwa nee mukdá' /aa/amiím.

1 Korinto 12:26

Nee diqito'ór wák barnaxes aa slahhá', diqaay sleémeero aa slahhaá' dinkwa nee diqito'oodá'. Ala diqito'ór wák barnaxes kaa xirfayeés, diqaay sleémeero i qwalalaa/ dinkwa nee diqito'oodá'.