2 SAMUELI 15:26 - Biblía Axweesantá Hhohho' ar Mungú 2004

²⁶ Ala bar AAKOÓ MUNGÚ aníng i slaiiká, naagáy, aníng ti amohhoó', inós umuú gaaro ar inós aa hhoeemaá wa ár bartose, ngi tleehhi.»

2 SAMUELI 15:26 Iomraidhean Croise

2 SAMUELI 10:12

Ala /atláng, hhawaati'isáng, tawa slaqwaan as mukrén nee as gixsadaá Munguúrén, AAKOÓ MUNGÚ adoodá' atén wa qoom ngi tleehhi, adoodá' inós ngira ár.»

2 SAMUELI 11:27

Qoomár /aa/aá Bat-sheba niwa faakiyé', Daudi iri ya/abín, Bat-sheba kawa huwi amór do'ós. Bat-sheba tari harér Daudi. Inós dír Daudiwo na/oó garma guri xwayluúr. Ala kaangwí Daudi aa tleéhh, AAKOÓ MUNGÚ guri buhhtís.

2 SAMUELI 19:28

Asma múk doó aakooeé' sleémeero gár niwa hariné' aqo tsu/uta dír geeraawoge, aakooeé' waawutámo. Ala anuú sagadiyusmoowók ina qás dinkwa nee mukdá' /ayiím gawaá meésarók wa ale. Xáy, gan'amuú ni koom i deéro tam oo niiná, tam oo uwa i /aa/amiim, waawutámo?»

2 SAMUELI 22:20

Ina huúw, iri qaás dír amohhoo', ina tuú/ asma aníng una sla'atís.

1 WAAWITÁ 10:9

I xirfuuti AAKOÓ MUNGÚ, Munguúwók kudá' gaa slaa' kuúng uwa qaasi waawutmoó múk Israeli wa alé. Asma AAKOÓ MUNGÚ múk Israeli gwaa ló'wa slaá' ay alhhe'eesay wasle, hám kuúng ugwa waawutmoó wa qaás, as kwasleemár ganaa' kawa tlehhit, nee hotaá ganaa'á' kiwa ar hot.»

1 QOM'I 21:7

Ala Mungú adoorí taa tleéhh gwaa sla'atiská, gawaá adoorihe múk Israeli gway muúx.

2 QOM'I 9:8

AAKOÓ MUNGÚ, Munguúwók i xirfuuti, kudá' kuúng ugwa slaa', uri gawaá kitaangós i qaás waawutmoó wa ale, asma Munguúwók múk Israeli gwaa slaá' nee giri gawdeés ay kureeraá kureér, gawaá adoorihe kuúng ugwa waawutmooín wa qaás, as sakwasleemár ganaa' nee hotaá ganaa'ae kiwa gawdes.»

WARA'AMI 39:9

Aga xasliít afkwe'eé' ugwa mutsutsuú'. Asma kuúng an kudá' adoorí gaa tleehh.

ISAYA 42:1

Ga/aawaak, sagadiyusmooeé' kudá' naa /uurií qaás, kudá' naa tsawaár, kudá' muunaáeé' gwaa qwal/aas. Qeeruueé' ugwa baraawós i qaás. Inós xoordu gin sakwasleemár ganaá' i huuw.

ISAYA 62:4

Kiíng ti male bayká, «Ar taa sií'.» Nee yaamuuwók ki male bayká, «Deewa'ame.» Ala tin bay, «Ar ni slaa'.» nee yaamuuwók kiri bay, «Awa taa duúx.» Asma AAKOÓ MUNGÚ kiíng ugwa sla'atís, nee yaamuuwók ki duux.

YEREMIA 22:28

Xáy, heewí ta bay Konia a adór hutloó aa gwaái kudá' ta waaqaaqai nee kuri kwaáhh tsee/ií alé? Ahaá waáy, inós nee na/iiwose gár kisa amór saáw i kwaáhh, baraá yaamaá i xuiiaaká?»

YEREMIA 32:41

Aníng in saqwalaá/ ngiwa hhooeemáy tlehhiit, nee aníng inooín in baraá yaamuukií qaás ar inkihhimu nee ar muunaáeé' sleémeero, nee ar qeeruueé' sleémeero.»

FAARO 14:8

Barnaxes AAKOÓ MUNGÚ gaa slaá', atén ti baraadá' i dahaas, nee yaamuudá' diihhooár ilwa nee dane ngi haniis.

Matayo 1:10

Hesekia ina laqwaál Manase. Manase ina laqwaál Amoni. Amoni ina laqwaál Yosia.

YOSHUA 9:25

Ala atén daxta a baraá dabaawók i diriiaán, tidá' hhoo' kuúng taa aán aténí tleehharo, tleehheek.»

HAR'OHUUSE 10:15

Ala múk Israeli ina kumiít axweesanto dír AAKOÓ MUNGÚ tawa kaahi, «Atén tlakweema iga tleehhaán. Ala tidá' kuúng ta sla' daandemoorene tleehheek, na'ás, atén laarí ti tu/.»

1 SAMUELI 3:18

Naagáy Samueli umuúqo /aymuuwo guna oó', oo aa duqún i kaahh. Eli iri oó', «Inós a AAKOÓ MUNGÚ. Inós adór i slai ngi tleehhi.»