2 SAMUELI 15:25 - Biblía Axweesantá Hhohho' ar Mungú 2004

²⁵ Waawutmo Daudi Sadoki guri báy, «Sandakmoosuú alqadór Mungú ki/iseek baraá gixsa. Barnaxés aníng taa ya/án dír geeraá AAKOÓ MUNGUHE, aníng iqo ki/is nee i pa/aángwí sláy, sandakmoó alqadorós nguwa male ar, nee dír hotaawose.

2 SAMUELI 15:25 Iomraidhean Croise

2 SAMUELI 6:17

Naagáy sandakmoó AAKOÓ MUNGÚ kuri dahaás baraá heéma tidá' Daudi aa siíhh. Daudi ilahhooár da/a nee ilahhooár wayda gari haniís dír geeraá AAKOÓ MUNGÚ.

2 SAMUELI 7:2

Waawutmo Daudi iri oó' dír Natani, kuduú aarusmo, «Áx qayteek, aníng dír ni hoot a baraá doó taa tleéhh ar xaa'aá sahhta, ala sandakmoó Mungú dír i hooti a baraá heéma.»

WARA'AMI 122:1

Ana qwalaá/ tiwa báy, «Góh amór DOÓ AAKOÓ MUNGÚ.»

WARA'AMI 122:9

As Doó AAKOÓ MUNGÚ, Munguúrén, iwa baraawók i dirii'i, aníng a firiím as tawa hot ar amohhooa.

WARA'AMI 26:8

AAKOÓ MUNGÚ, aníng Do'ók kudá' ta hot u slaá', didár xirfuuwók i dirii'i.

WARA'AMI 84:10

Looár wák dír do'oge ka afhhamít, ta hotaá deelór kumér yaariire awa dír hatlá'. A tsiní bar aga sihhimiít dír afkú Doó Mungú wa ale, ta niwa hoota baraá maraá múk tlákw wa ale.

TI'INAANGW 15:13

Kuúng mukók oo taa ba/amís una geerahát ar sla'aarirók tidá' warqawaaká. Ina geerahát ar /uuruuwók ay didá' hhoohhoo' ar hotaawók.

TI'INAANGW 33:12

Mose AAKOÓ MUNGÚ guri báy, «Ga/aaweek, kuúng aníng ina beér, ‹Mukwí ar tlaweek.› Ala heé nee aníng ti alkoomá' ngwa o'oká. Tam adoorihe ina beér, ‹Aníng kuúng u xuú' nee ugwa gurií baá/.›

TI'INAANGW 33:13

Na'ás aníng kuúng u firiím, barnaxes iga qo tsuwa gurií bá/, lohuuwók dir'eé' laqaamang as kahhó' aníng ngiwa tsaahh adór aníng ira gurií bá/. Ka insleér sleeme adór xoororí tar tók.»

ISAYA 38:22

Hesekia iri malé oó', «Laya a milá as aníng niwa amór doó AAKOÓ MUNGÚ kaw?»

YEREMIA 25:30

Kuúng Yeremia, daanduú kaangwí sleémeero dir'ín i aarimeek nee tawa o', «AAKOÓ MUNGÚ in /orootl iimír gáwtá wa alé, in tsee' iimír didá' hhoohhoo' ar hotaawós, in /orootl ar afór ur gawaá mukós, in tsee' adór heé sabiíbuú tsoo/iít, daanduú múk baraakaá yaamu sleémeero.

YEREMIA 7:4

Axweesanaywí oo al/ayma mu harahhifaara', tawa kata', ‹Do'owí oo AAKOÓ MUNGÚ, Doó AAKOÓ MUNGÚ, Doó AAKOÓ MUNGÚ.›