2 SAMUELI 15:24 - Biblía Axweesantá Hhohho' ar Mungú 2004

²⁴ Kaahamusmo Abiatari iri tláy, nee kaahamusmo Sadokiwo tana al tláy dinkwa nee múk Laáwi sleémeero ta sandakmoó loohiis kuduú alqadór Mungú. Sandakmooduú Mungú kuri yaamií qaás, ay dír muu sleémeero i waarahhi kudá' Yerusalemúr daáhh.

2 SAMUELI 15:24 Iomraidhean Croise

2 SAMUELI 15:27

Waawutmo Daudi, Sadoki guri male báy, «Qayteek, garmaawók kwí Ahima'asi, nee Yonatan garmoó Abiatari, ar tlaweek, ki/é' baraá gixsa ar wayda.

2 SAMUELI 15:35

Kaahamusmo Sadoki nee Abiatari ta dinkwa nee kuúng baraá gixsaro. Naagáy, umuú gár taaqo axasi ar amór doó waawutmoó daahh, ooeek dír kaahamuuse Sadoki nee Abiatari.

2 SAMUELI 20:25

Shausha a geeraharusmoó lohdaá gadiyeé gi qoomeemeés. Sadoki nee Abiatari a kaahamuusér Mungú.

2 SAMUELI 6:13

Mukdaádá' sandakmoduú AAKOÓ MUNGÚ loohiís, digiruú lahhoó' bur kwaa hi'iít, Daudi awu nee damár wahhaar gin ilahhooár wa tsuu/.

2 SAMUELI 8:17

Sadoki garmoó Ahitubu, nee Ahimeleki garmoó Abiatari, inooín a kaahamuuse. Seraya a sagesihhtusmoó gadiyeé.

1 WAAWITÁ 1:8

Ala kaahamusmo Sadoki, nee Benaya garmoó Yehoyada, nee aarusmo Natani, nee Shimei, nee Rei, nee xuumuusér Daudi, mukwí a dinkwaarooká nee Adonia.

1 WAAWITÁ 2:26

Slám waawutmo kaahamusmo Abiatari guri báy, «Tláw Anatoti baraá qamuuwók, asma kuúng gwa'ara ugwa sahariín, ala laarí u gaasaaká, asma sandakmoó Aakoó MUNGÚ una loohís geeraá Daudi baabuúeé' wa ale, nee slám kuúng nee baabuúeé' tunduna alslahh'eemiís.»

1 WAAWITÁ 2:35

Aluuwo waawutmo Solomon Benaya garmoó Yehoyada guri qaás tawa geeraharusmoó slaqwaruuseerós kitángw Yoabu wa alé. Sadoki guri qaás tawa kaahamusmo kitángw Abiatari wa ale.

1 QOM'I 15:2

Naagáy Daudi iri oó', «Heé hatlá' i kaahh oo sandakmoó Mungú gu gagaár aqo har múk tlahhoó Laáwi, asma inooín AAKOÓ MUNGÚ gina tsawaár as sandakmoó AAKOÓ MUNGÚ loohiso, nee inós nguwa sagadiyuusiya' daqisleém.»

ESEKIELI 48:11

Baraá yaamuuká' hhoohhooe kaahamuusér Mungú, tidár Sadoki, dir'ín ngi slaye', kudá' aníng iga sagadiyusiye' ar inkihhimu qoomár múk Iraeli iwa dee/anuút, adoodá' sleeme múk tlahhoó Laáwi aa tleéhh.

FAARO 4:15

Ala Aroni nee daaqaywós didá' hhoohhoo' birnga hhe'eesiyé' tuuntuukaro dinkwa nee xoosla sleémeerowo, nee qoomár birta amohhe'eesiyé' aai iimu/uumaaro, múk guruú doó Kohati tindi hardihi as heéma kawa gagaari. Ala inooín xooslár hhohho' makawa kwatiít, as matawa qaátl. Gaarí an gadiyér múk guruú doó Kohati qoomár barta heémár Mungú loohatimis.

FAARO 7:9

Ala Mose múk hhay Kohati gár ngway haniís tam ar niiná i káhh. Asma gadiyér'ín a xosluudá' hhohho' kan amohhe'eemiis, tidá' hariim kawa loohisi ar gawaá sum'i.

YOSHUA 3:3

Muu ngway bayé', «Kuungá' bara aandé' kaahamuusér Mungú ar tlahhoó Laáwi i sandakmoó alqadór AAKOÓ MUNGÚ Munguúhúng loohisiyá', daqaní kuungá' kitaangw ku gasá', ta aluuín wa tleerá'.

YOSHUA 3:6

Aluuwo Yoshua kaahamuusér Mungú gari báy, «Sandakmooduú alqadór AAKOÓ MUNGÚ ga koóm gawaá sum'iihúng i qaasaak, nee geeraá muu na wa hi'iimitaak.» Inooín adoodá' Yoshua ngaa báy ngiri tleehhiyé'.

YOSHUA 6:4

Kaahamuusér Mungú ar faanqw ar tarumbeétadaá faánqw koom awa taa tleéhh ar xareemaá gwaandaawe, i geeraá sandakmoó alqadór wa hi'it. Bál faanqwe kuungá' sleémeero gixsár Yeriko hi'iitano tir harwede' sagaáwa faanqw. Kaahamuusér Mungú i geeraá sandakmoó alqadór wa hi'it, nee tarumbeéta ngi ufhhane'.

YOSHUA 6:6

Naagáy Yoshua garmoó Nuni kaahamuusér Mungú gari ateét nee giri báy, «Sandakmoó alqadór AAKOÓ MUNGÚ taatahhaak, nee kaahamuusér faanqw baraá tla/angwhunge tarumbeétadaá taa tleéhh ar xareemaá gwaandaawe ngi gagat, nee ta geeraá sandakmoó alqadór Aakoó Mungú wa hi'iiti.»

1 SAMUELI 22:20

Nee baraá tla/ángw daaqoó Ahimelekiwo, garmoó Ahitubu heé wák kilós ina meét, umuuwós ku bay Abiatari, ina /akuút amór Daudi.

1 SAMUELI 4:11

Sandakmooduú alqadór Mungú kuri ar tláy. Hofni nee Finehasi, daaqaydá' tsár oo Eli, kuri tsuú/.