2 SAMUELI 15:20 - Biblía Axweesantá Hhohho' ar Mungú 2004

²⁰ Kuúng lat'aáng /abene nina amoorí hardát. Xáy, laarí un taambeerúr áwa dinkwa nee atene? Ga/aaweek, an tláw, amór ni kaw a xuaaká? Kií/ amór do', dinkwa nee hhaeewók. AAKOÓ MUNGÚ hhoeemawós ngi dirógi laqan nee sla'aarirós ar warqawaaká.»

2 SAMUELI 15:20 Iomraidhean Croise

2 SAMUELI 2:5

muu guri ya/aáw amór Yabesh-gileadi, as ya/abtoorí kawa ooár ay, kiwa bay, «AAKOÓ MUNGÚ kuungá' nu tsuuqi, asma ilaiwa/amerhúng aga laqaandé' dír Saulo, aakoohúng, as kuwa folé'.

2 SAMUELI 2:6

AAKOÓ MUNGÚ kuungá' nu sla'aarír warqawaaká i laqan nee inkihhimu. Nee aníng sleeme kuungá' nu hhooeemií tleéhh, as kangwdá' taa tlehhé'.

WARA'AMI 25:10

AAKOÓ MUNGÚ mukdá' alqadoorós ga ohiím nee axweesantose, gun geeraharahaar ar sla'aarirós ar warqawaaká nee inkihhimuwose.

WARA'AMI 56:8

Amoqwaqwadingw'eé' sleémeero kuúng u xú', hhirhheerieé' kuúng i insleér, xáy, kaa gooínke baraá kitaábuuwoge?

WARA'AMI 57:3

alee/isaywós ngu gawaá doorií wá huuw iri ba/amis, kudá' aníng i hhitár wa slaá' nguwa mureekeesi. Mungú sla'aarirós ar warqawaaká nee inkihhimuuwose ngi laqán!

WARA'AMI 59:15

Nin tambeerusiyá' iwa muruú /aymár leelehhiitiya'. Birna aaxi'iiká i /orootliyá' xweera sleémeero.

WARA'AMI 61:7

I waawuti'in ar alee/isoó Mungú ay alhhe'eesay wasle, nee ngu de'en ar sla'aarirós ar warqawaaká nee inkihhimuuwose.

WARA'AMI 61:8

Án kuúng umuú qoomaaro u daa'ángw xirfií daá', as al'axweesante'eé' ngiwa boo/ees umuúqo deelooro.

WARA'AMI 85:10

Sla'aarír warqawaaká nee inkihhimu ti doogiyá'. Gan'amu nee wayda ti ma'amisiyá'.

WARA'AMI 89:14

Gan'amu nee sakwasleemár ganaa' an iihhafiirír waawuti'iimarók, sla'aarirók ar warqawaaká nee inkihhimu ki geehhoo', baraá umuúqo gár ta tlehhiita.

AXWEESANOÓ SAGALOOA 14:22

Áx mukdá' tlakweemaá eeharahár taqo dakuusikáhe, Ala mukdá' hhooeemaá eeharahár gár ta laqan a sla'aari nee inkihhimuuín.

AXWEESANOÓ SAGALOOA 3:3

Hhooeema nee inkihhimu mi kwahhaar. Na dahaaseek gawaá istók í ale, nee gooimeek baraá muunaáwók i alé.

AMOS 8:12

Muu iri toonganuus tlawtaqá wa tleemu ay taqá', tari /iikú wa tláy ay da/aáw, tari ti'ii'ín amorqá' nee taqae as axweesantá AAKOÓ MUNGÚ kawa leelehhiiti ala ngi slay'aaká.

Yohana 1:17

Asma hara'aya kana haniís ar dákw Mose, ala gurtleemu nee looeema nina hardihiyé' ar dákw Yesu Kristo.

1 SAMUELI 23:13

Naagáy Daudi nee mukós oo afiqoomoó tsiire lahhoó' Keila kari geexáy, tari tawoó quútl amór ta slay sagér'ine, aluuwo Saulo kuri báy, «Daudi aa goów baraá Keilaro.» Saulo iri daba tsatiít, kangós kudá' guri máy.