2 SAMUELI 15:2 - Biblía Axweesantá Hhohho' ar Mungú 2004

² Absalomu aa intsahhán iwa tseewa tlaatlay matlaatlér boo/e, iri sihhiit dír loohír dahmuú aw, amór afkú gixsa. Umuúqo heé didár waaraahha oo kwasleemarós huúw amór waawutmo, as kwasleemarós ngiwa tsati, Absalomu heewí gun bihhií ateet guri yaahamiis, «Amór niwa tleér a baraá gixsa gaalá?» Barnaxés heewí aa oó', gixsár is'ee oo xoorór Israeli,

2 SAMUELI 15:2 Iomraidhean Croise

IIMU/UUNGW 34:20

Hamori nee garmaawós Shekemu tari hardáh dír afkú gixsar'ín, dír bariisér kwasleema, tari oó',

2 SAMUELI 19:8

Naagáy waawutmo nari tláy, iri iwiít dirós tidár dír afkú gixsa. Muu sleémeero ngiwa axaás adór waawutmo ir dír afkú gixsa, inooín sleémeero tari amoorós káy. Qoomaarihe múk Israeli sleémeero taa qaroó goów, umuúqo heewo amór do'ós.

2 QOM'I 10:7

Bariiseedá' gway mu/aywáts, guri beér, «Mukwí bura sa hhooeér, nee bura sla'atís, nee bar aga /ayma'aá tsuuár axwés dir'ín, daqaní kuúng u sagadiyuusiyá' ay kureér.»

YOBU 24:14

Iimi bir pisli'iimít tsu/utusmo in tseewa ti'iit, as kahhó' narkuute nee mukdá' aleeleém nguwa tsu/i, nee qoomár xweeraawo in fisisín.

TI'INAANGW 18:14

Taatoó harér Mose kaangwí Mose i tlehhiiti dír múk Israeli i ale nguwa ga/aa/áy, Mose guri yaahaás, guri báy, «Ahaá, muu mus muruuwí tlehhít? Slám baré ana kilók iwít, nee muu una harweér bihhe sleémeero matlaatlér wa oohang ay tsiindo.»

TI'INAANGW 18:16

Múk taa afo dakumiis birna hardáh un haraaki/ís, aníng an har'ohiím tla/ángw hee nee inslaawmoowose, nee in intsaahhatimís kaahír Munguhe nee adoodá' i slai.»

TI'INAANGW 18:26

Inooín kwasleemadaá muu ngina tlaaqiyé' umuú daqto. Qaa/oó ninákw sleémeero nguna tlaaqiyé', ala qaa/oó aa gawduy inooín nguna huwiyé' amór Mose.

AXWEESANOÓ SAGALOOA 4:16

Asma múk tlákw gu'ute gu oohahiindaaká bar tlakweema nga tleehhi'iiká, gu'uter'ín in /akút bar hee ngwa dahhi'iiká.

DANIELI 11:21

«Waawutmoó aluú wa hardáh ku ló'wa tlaákw tam waawuti'iimaro i harinká, inós nin hardah ar al/ayma nee waawuti'iima gari tláy.

Matayo 27:1

Looa niwa tleér kaahamuusér uren sleémeero ar Mungú nee bariisér múk Yahudi tari al'axweés adór ta laqi daanduú Yesuwo as kuwa gaasi.

DABE 17:8

«Siwarkaaro i ya/aán qaa/oó gawít niwa ti'iiti baraá gixsarhunge, oo har'ohuuse i aleesleeraaká tsatto, kwasleemár daanduú hee kuwa gaás laqaá daanduú hariimár hee kawa hara/uuntsín, laqaá hee kuna slahh'eés, daqaní ta tleerá' didá' AAKOÓ MUNGÚ Munguúhúng i tsawaari, as umuuwós kuwa ateetin.

RUTI 4:1

Boasi ina tláy amór afkú gixsa, didár kwasleema, iri didí iwiít. Naxés heedaádá' kangós Boasi aa oó' dír Ruti, iri didár waaraáhh. Inós an kuduú guruú doó Elimelekí tseéw. Boasi guri báy, «Xáy gan, qwaláng, diirí iwiitang.» Aluuwo inós nay hardáh, iri didí iwiít.