2 SAMUELI 15:10 - Biblía Axweesantá Hhohho' ar Mungú 2004

¹⁰ Ala laatí, Absalomu muu guna qawti ya/aáw baraá tlahh'aá Israeli sleémeero, tari oó', «Kuungá' afór tarumbeéta bara sa axasé', daqaní ta oa', ‹Absalomu a waawutmoó Hebroni.› »

2 SAMUELI 15:10 Iomraidhean Croise

2 SAMUELI 13:28

Absalomu sagadiyuuserós gari báy, «Xumamisé' bar Amnoni difaái ngaa wáh, afa gway sláy, án bar aga oó', ‹Amnoni slahhaak,› daqaní ku gasá'. Adoorí an adór aníng naa oó' dirhúngí ale. Pihhé' ar muunuú migi.»

2 SAMUELI 14:30

Naagáy Absalomu sagadiyuuserós gari báy, «Ga/awaak, qaymór Yoabu ar angaánoó shayiíri ka bihhaá te'eeni tseew. Tlawé', da/aak ar asla.» Gawaá adoorihe sagadiyuusér Absalomu qaymoodár Yoabu gari dá/ ar asla.

2 SAMUELI 15:9

Waawutmo guri báy, «Tláw ar wayda.» Naagáy Absalomu iri tláy, iri Hebronír káy.

2 SAMUELI 19:10

Slám Absalomu kudá' naa slikaán ar di/i as tawa waawutmoorén, hamí kwa gaás baraá slaqwarár wa ale. Asma waáy, hamí loohír Daudi kur ki/san tawa waawutmo mas axweesanaaká?»

2 SAMUELI 2:1

Alaá kaangwihe, Daudi Aakoó Mungú guri yaahaás, «Xáy, a daqáwa amór gixsár wák baraá gixsadaá Yudawo?» AAKOÓ MUNGÚ guri báy, «Daqáw.» Daudi guri yaahaás, «Gixsár ni kaw a gaalá?» AAKOÓ MUNGÚ guri mu/aywaáts, «Gixsár Hebroni na kaweek.»

2 SAMUELI 2:11

Daudi múk tlahhoó Yuda guna sawaawuti'ín kureeri faanqw nee slahheraá lahhoó' bara Hebronír wa ale.

2 SAMUELI 5:5

Baraá Hebroniro inós múk Yuda guna sawaawuti'ii'ín kureeri faanqw nee slahheraá lahhoó'. Nee baraá Yerusalemuwo múk Israeli nee múk Yudawo gina sawawiti'ii'ín kureeri mibeeri tám nee tám.

1 WAAWITÁ 1:11

Aluuwo Natani Bat-sheba, aayír Solomon gana báy, «Aga axaskáhe adór Adonia, garmoó Hagiti, kura waawutmoó wa qaás, slám aakoorén Daudi gár i xui i káhh.

1 WAAWITÁ 1:34

Daqaní amoodae kaahamusmo Sadoki nee aarusmo Natani ngu di/tár iimbalaaxiye', as tawa waawutmoó Israeli, tarumbeéta ka ufahhá' ta oa'. ‹Waawutmo Solomon i hootaatin.›

2 WAAWITÁ 9:13

Qoomaadár kilae geeraharuuseedár hatlá' ar slaqwaruuse tlabaaín ngiri duuxiyé' ar gaanlaay, ngiri dinkwarí qaasiyé' as Yehu iwa sihhiiti gawaá ufuduú tlaba, nee tarumbeéta ngiri ufaahhiyé' ar afór ur, tawa kaahi, «Yehu a waawutmo!»

1 QOM'I 11:3

Aluuwo bariisér múk Israeli sleémeero tay daqáy dír waawutmo Daudi baraá Hebroni. Inós alqado giri oó' dir'ín geeraá AAKOÓ MUNGÚ wa ale. Inós kway iimbalaáx as tawa waawutmoó múk Israeli, ar adoodá' AAKOÓ MUNGÚ ngira oó' dír Samueli.»

1 QOM'I 12:23

Qoomár Daudi iwa amór Hebroni i dirii'i, slaqwaruusér xooslaá koom nee ar slaqwarár xuu' ina hardáh dír Daudi ale, as nguwa alee/is as inós iwa waawuti'in kitángw Saulo wa ale, ar adoodá' AAKOÓ MUNGÚ ngira oó'. Faaror'ín a tí:

1 QOM'I 12:38

Slaqwaruuseerí sleémeero tina amohhe'és slaqwaraaro, tay tláy ay Hebroni, as Daudi kuwa waawutmoó yaamaá Israeli sleémeero wa qaasi. Múk Israeli kudá' aa meet sleeme kana slaá' Daudi kuwa waawutmooín wa qaasi.