2 SAMUELI 14:25 - Biblía Axweesantá Hhohho' ar Mungú 2004

²⁵ Baraá múk Israeli sleémeero, heé taa iia tleereés hhohh'aariro oo adór Absalomu i kaakaahh. Iimír tsa/aá ya'aawós wa tleemu ay tan/ér sagós, Absalomu ku xaslxaansli wásl.

2 SAMUELI 14:25 Iomraidhean Croise

1 WAAWITÁ 1:6

Slám inós kwa baloó iigahhatiiká nee baabuúwós, nguwa bay, «Adoorí masa tléhh?» Inós ku ló'wa hhoohhoó', kuna laqwaál alaá Absalomu wa ale.

YOBU 2:7

Neetlaangw iri didár geeraá AAKOÓ MUNGÚ wa tláy, Yobu guri slahh'eemiís ar inkahh'aá tlakw, inkahhi'iiká' slaqwa sleémeero ngina alti'iitiyé', iimír tsa/oó yaaér wa tleemu ay tan/ér saga.

AXWEESANOÓ SAGALOOA 31:30

Kaloó hhoohhó' i al/agín, nee hhohhoaari a tawo Ala /ameenír kilá' a tidá' AAKOÓ MUNGÚ gu ilaiwawaa/.

ISAYA 1:6

Iimír tsa/oó yaaér wa oohang ay gawaá saga, slafiingw i kaahh baraadae, ala aqo har inkahhi'iidá' tseeru'umiitá', kudá' taa tseegiiká, laqaá kaa malhhasiiká, laqaá kaa dí/tár slikiiká.

ESEKIELI 23:15

i him'ér koná' afetleero, nee gawaá sager'ine i warqamaá urén koná'. Sleémeero a slaqmís nee waawitá, slaqsa'aá múk Babuloni, yaamuloouusér yaamaá Kaldayo.

DANIELI 1:4

Daaqoó xaslxaansli wásl, oo hhohhó', oo sageeloén, awa xu'utír koomá', múk isláhh intsaahhasaro, kudá' gadiyér baraá doó waawutmo ngi aleeslawá', nee ngiwa intsaahhatisi gooír múk Kaldayoro nee tsifrir'ine.

Matayo 23:27

«Kuungaá intsaahhatuusér hara'ayár Mose nee múk Farisayo, awa hhaahhafuuse, a tsaxwaahúng, kuungá' a slaqás nee /aantaá taa sliík ar chokaá'a. Bira tsee/aá wa aán, ki hhohho', ala baraadane gár aa hats a fadaá múk aa qaatl nee slasla/areema sleémeero.

Efeso 5:27

Asma inós gár i slai a múk hhohhó' gun sláy, oo dakuús wásl, kudá' gár slasla/aar ga koomaaká, laqaá muruú tlákw oo dimbadimbé oo adór kwí, masók an múk hhohhó' oo xaslxaanslír koomaaká.

DABE 28:35

AAKOÓ MUNGÚ gurunge'eeriiwók nee ya'aawoge gin um'aá tlákw i kwaahh awa baloó hunguu/a'aaká, iimír tsa/a'aá ya'aá wa tleemu ay tan/ér saga.

1 SAMUELI 16:7

Ala AAKOÓ MUNGÚ Samueli guri báy, «Gitsee/awós laqaá tlenaangós mi i qaytaar, asma aníng ugwa sií'. AAKOÓ MUNGÚ adór ir xumiisi a adór mukoká, asma muu gár i ga/ay a gitsee/a, ala AAKOÓ MUNGÚ gár i ga/ay a muuná.»

1 SAMUELI 9:2

Kishi garmoó masoomo gu kón, umuuwós a Saulo, garmoó hhoohhoó', baraá múk Israeliwo heé adór inós ga áw i kaahh hhohh'aariro. Inós a heé tleér muu sleémeero ba/a, asma birta alqoomeesiyé' muu sleémeero dír suumarós gan i qwaqwadín.