2 SAMUELI 14:2 - Biblía Axweesantá Hhohho' ar Mungú 2004

² Gawaá adoorihe muu guna ya/aáw amór Tekoár wa ale, as /ameenír sagaloo' kawa leehhi. /Ameenidá' kingiwa huúw, gari báy, «Ti /ameenír tsuunqumiis ilaqas. Inqwaruú tsunqusmo dahaaseek, di/i ma slikaar, ti ilaqas adór /ameenír tsunqumamiis daqtá yaariire, as mukós iwa faák.

2 SAMUELI 14:2 Iomraidhean Croise

IIMU/UUNGW 38:19

Iri tleér, slamaangós guri dúx, nee tlabaawós kudá' kwaali'iima giri dahás.

2 SAMUELI 11:26

Bat-sheba harér Uria kaangwí nguwa axás adór hhawaatuwós Uria ira gwaá', guri sa tsuunqumís.

2 SAMUELI 12:20

Naagáy Daudi adoorí ngiwa axaás, iri sihhiít yaamuú wa ale, iri hamtlín, tari sliík di/ito. Tlabaawós giri warqeés, iri tláy baraá Doó AAKOÓ MUNGÚ, guri sluufiís. Kár, nari kií/ amór do', muruú /ayma guri yaahaás, kuri sláy, inós iri /ayín.

2 SAMUELI 20:16

/Ameenirka sagaloo' kaangwí guna axás, oo baraá gixsár daáhh, iri ó', «Iia qaasaak! Iia qaasaak! Yoabu ádbawaak ni hardihi dir'eé', inós nee aníng a axweesaán.»

2 SAMUELI 23:26

Nee Helesi, oo múk Palti, nee Ira, garmoó Ikeshi, oo múk Tekoa,

1 WAAWITÁ 14:2

Yeroboamu hareerós gari báy, «Ti adór heé hatlá' ilaaqas, tláw baraá gixsár Shilo didá' aarusmo Ahiya aníng iwa báy, ‹Kuúng a waawutmoó múk Israeli.›

1 WAAWITÁ 14:5

Ala AAKOÓ MUNGÚ aarusmo Ahiya guna gurbuú' guri báy, «Ga/aaweek harér Yeroboamu i baraá loohírí dirí', i amór do'ók keér, asma kuúng uwa yaahas daanduú garmaawose, asma i tiiq, daqaní aníng gár inós ka beer ngi oó'.» Harér Yeroboamu iwa hardát tina /ameenír hatlá' ilaaqás.

2 QOM'I 11:6

Gixsadaá aa tleéhh a kuká': Betilehemu, nee Etamu, nee Tekoa,

2 QOM'I 20:20

Looa niwa tleér matlaatlér boo/e tana tseewa tláy amór xaanxoó Tekoa. Qoomár tawa tlatlay, waawutmo Yehoshafati ina geeraaín i sihhiít giri báy, «Aá múk Yuda nee yaamuloouusér Yerusalemu, án iiárií qaasaré'! AAKOÓ MUNGÚ haratlintiaak, kuungá' daqaní a gawduurá', nee aaruuseerós haratlintiaak, daqaní kuungá' a baaliindá'.»

NEHEMIA 3:27

Dír aluudá' iimír /ampár tleér wa tleemu ay koo/idár Ofeli kana /abeés tlehhmuuwo nee múk yaamaá Tekoa.

NEHEMIA 3:5

Bihhikariya' kina tleéhh nee múk Tekoár daáhh ala geeraharuusér gixsa gadiyér daba' tlehhtuuwo ina sí', tidá' taa oó' nee sagesihhtuuser'ín.

WARA'AMI 104:15

Nee difaáír muunaáwós gu qwala/aas, di/tá gitsee/awós ngir soohhayesi, nee fa/ár /uuru ngur slay.

DAHARUSMO 9:8

Tlabaawók umuú deélooro masók ki /awak, sagók di/tá slikiingw mingiwa dakuús.

YEREMIA 6:1

Múk Benyamíni, ti'iité' baraá Yerusalemuro, ta'aaimé' amór amohhooa. Tarumbeéta ufahhaak baraá gixsár Tekoaro, laya laqaamaak amoqár Bet-hakeremu. Asma amotlakwe ni bihhaá /iikú wa hardát dinkwa nee qwanoó ure.

AMOS 1:1

Kaangwí an axweesantá Amos, de'eemusmoó gixsár Tekoár daáhh. Geehhoeemaá aa ár daanduú xoorór Israeliwo kureeraá tsár geeraá kurkú kunseeliro, de'emaá Usia tawa waawutmoó Yuda, nee Yeroboamu, garmoó Yoashi tawa waawutmoó Israeli.

Matayo 6:17

Ala kuúng bara gwaawiín, sagók slikeek di/ito, nee gitsee/aawók ki hamátl.

RUTI 3:3

Gimáy, tláw, hamtliím, di/i slikeek, tlabaawók awa hhohho' tsiiteek. Daqaní ta tleér ay didá' iwa haritleemisi. Ala inós kiíng miwa ár ay dír inós /ayma nee wahaango i hhe'eesi.