2 SAMUELI 14:19 - Biblía Axweesantá Hhohho' ar Mungú 2004

¹⁹ Waawutmo gari yaahaás, «Xáy Yoabu i baraá kaangwí dirií'i?» /Ameenidá' iri ó', «Ar ló', aakooeé' waawutámo, ar adoodá' kuúng tar slafafiinda, heé kwirhhita ga aleesláw, bihhaá doó /iyáy, laqaá bihhaá doó basáy, i kaahh, gawaá daanduú kangwsíng taa oi, aakooeé' waawutámo. An inós heé axweesantí sleémeero nga aníng bay, tí aníng ar sagadiyuso'oorók naa dirógi oó'.

2 SAMUELI 14:19 Iomraidhean Croise

2 SAMUELI 11:11

Uria Daudi guri báy, «Sandakmoó alqado dinkwa nee múk slaqwara sleémeero oo Israeli nee oo Yudawo ta baraá xafáy dirii' as slaqwara. Aakooeé' Yoabu nee sagadiyuuserós sleémeero xafaay kwa tleéhh baraá darma. Xáy, i qoónda aníng niwa waatl amór doo'eé' niwa iwtanángw aw, nee wahaangw nee /ayma, niri qaát nee harer'eé'? Aníng adoosíng a tleehhaaká, bara tleéhh tam ni gwaá'.»

2 SAMUELI 14:18

Waawutmo /ameenidá' gari mu/aywaáts iri oó', «Umuú gár niqo yaahasa ma duqumaar.» /Ameenidá' iri ó', «Axweesáng, aakooeé' waawutámo.»

2 SAMUELI 14:3

Daqaní ta daqeér amór waawutmo axweesantadá' aníng ni kí baw, ka ó' dír waawutmo.» Yoabu axweesantá /ameenidá' i o' dír waawutmo, gari oó'.

2 SAMUELI 18:13

Bar geera un qawti garkaárí tleehha, gár ta duqun iqo káhh dír waawutmoowo. Kuúnguú kilá' aníng iqo kaángwií sí'.»

2 SAMUELI 3:27

Abneri niwa kií/ Hebroni, Yoabu guna ar bihhií suruúk dír afkú do' kuwa áy adór kwaáo' axweesantá tar suufi in deer. Nee inós tawa didií sihhiít, Yoabu guruú Abneri guri muút. Abneri iri gwaá', asma Abneri Asaheli, hhiyoó Yoabu, guna gaás.

2 SAMUELI 3:29

Lo'ór gaasár Abneri Yoabu ngu /aa/ak, nee múk do'ós sleémeero! Tiqtír slaangeetamo baraá múk doó Yoabuwo miwa hee dakús, laqaá tiqtír tsatmit ngu sleer, laqaá heé tiqti aa hhitiín oo qadiisár hi'iimiít ngu slay, laqaá baraá do'ose oo taa gaasi ar paánga miwa kahhuút, laqaá oo muruú /ayma gu dakuús miwa kahhuút.»

2 SAMUELI 3:34

Dabaawók kaa tseegiiká, tam ya'aawók kaa tseegiiká ar qutúr. Ana gwá' adór heé taa gaás nee tlakuuse.» Nee muu sleémeero guri male ale/aa/amín.

2 WAAWITÁ 2:2

Eliya Elisha guna báy, «Gám na'ás diirí meeteek, asma aníng AAKOÓ MUNGÚ iga ya/aáw Beteli.» Ala Elisha iri oó', «Adoodá' AAKOÓ MUNGÚ ir hotaatina nee adoodá' kuúng tar slafa, ar looeemaawo aníng kuúng u baloó geexawaaká.» Naagáy tay alkoné' ay Beteli.

TI'INAANGW 4:15

Kuúng tari axwés nee inós, nee /aymi'iiká' kiri qás baraá afkós. Aníng a dinkwa nee afkók, nee afkose, aníng kuungá' nu intsaahhatís ar ta tlehha'a.

AXWEESANOÓ SAGALOOA 25:2

Xirfuú Mungú a gaa lu/a, ala xirfuú waawutmo a gaa xuuxuua.

AXWEESANOÓ SAGALOOA 4:27

Ma warqawaar bartá doó /iyáy laqaá bartá doó basáy, quútl dír tlakweemaawo.

FAARO 20:17

Na'amaamís atén a waarahaán ar baraá yaamuuwók, qamu i adarahanaaká, tam qamaá sabiíbu, laqaá ma'aá baraá hhaleeri i wahanaaká. Atén loohiidá' ur ar waawutmo an eeharaán, nee tari kumiitaán a baloó bihhaá doó /iyáy warqawanaaká, laqaá awa doó basáy, ay dír tay waarahhaan baraá yaamuuwoge.› »

Luka 21:15

Asma aníng /ayma'aá sagalooa ngi haniís, awa ta oa', tam wakuuserhúng sleémeero kuungá' tlaampa'aasaro nuy aleesleeraaká, nee sleeme axweesantahúng kay si'iiká.

DABE 28:14

nee barnaxes kuúng aga warqeeriiká baraá axweesantí laarí naa ooi baraá umuúqo gaaro, nee bara warqeeriiká amór bartá doó /iyáy laqaá as doó basáy ar munguaá hatlá' kiwa sluufmisuú eer.

DABE 5:32

«Kuungá' masók ti harmagahhá' nee adoodá' AAKOÓ MUNGÚ Munguúhúng naa hara'ayín kawa tlehha', baraá kaahirose ma bihhií paranga/aara'.

YOSHUA 1:7

Gimáy piíhh nee ilakaahareés ló'wa ale, nee dabe sleémeero na boo/eeseek adoodá' sagadiyusmooeé' Mose ngira kuúngí hara'ayín. Ma warqawaar laqaá ma bihhií paslaar, daqaní arba/ati a sleér amór taqo keera.

1 SAMUELI 1:26

Hana Eli guri beér, «Aá aakooeé', adoodá' kuúng tar slafa, aníng an /ameenidá' naa dirók i tseewuur qoomár niwa sihhmiit, AAKOÓ MUNGÚ nguri firiím.

1 SAMUELI 17:55

Saulo Daudi nguwa ár iwa amór Goliati kay, Abneri geeraharusmooduú slaqwaruuseerós guna yaahaás, «Garmaawí oo heemá?» Abneri guri báy, «Ar adoodá' kuúng tar hotatiinda aníng u xuaaká.»

1 SAMUELI 20:3

Daudi iri oó', «Baabuúwók ga xuu', adór kuúng aníng ir slá', iri baraá muunaáwósí oó', ‹Kaangwí Yonatan munguwa xuú', miwa gurhamuút.› Looeemaawo adoodá' AAKOÓ MUNGÚ ir daadeér, nee adoodá' kuúng tar slaf, gwa'ara naa tseewuúr dir'eene.»

1 SAMUELI 25:26

Hamí aakooeé', adór AAKOÓ MUNGÚ slaáf ir daadeér, nee adór slafiingók i dirii'i, hamaá ga/eéra adór AAKOÓ MUNGÚ dakók ngura ilaá/, marmá aga bu'ká tseerdu kiwa ku'us, nee kuúng tari dakús. Wakuuseerók maweek, nee kudá' sleémeero kuúng u ar tlaákwí sla'á', i daktana tleehhitiye' adór Nabali wa ale.