2 SAMUELI 14:14 - Biblía Axweesantá Hhohho' ar Mungú 2004

¹⁴ Atén tam ado gaalá aqo an qatlaán. Atén a adór ma'aá naa ku'utiyé', ki ki/mamisiiká. Tam Mungú a barqantusmoowooká dír heewo, kwí nee kuqae. Inós loohi gan leelehhiit, as kudá' taa sií' niri gowiyé', niwa ki/iya'.

2 SAMUELI 14:14 Iomraidhean Croise

2 SAMUELI 11:25

Daudi iri oó' dír ya/abusmoodá', «Yoabu ku beer, ‹Gaasíng ma tlaákw wa araar, asma paánga aqo heé ira sleér, baraá slaqwaraaro aqo heé tara sláy. Áx kuúng magaáhh, slaqwaraaro gawaá daanduú gixsaro, ay dír gixsasíng kay qororo'os.› Adoorí an adór Yoabu kur muunií qas.»

2 SAMUELI 14:15

Waawutámo, aakooeé', aníng nina amoorók káw as tawa axweesaan, asma inooín aníng iwa dae tsatiyé'. Naagáy anír sagadiyuso'oorók, gár naa insláw a tí, ana oó', ‹Tsiní baraá axweesantá áw amór waawutmo, doóqaá adoodá' ni slaa' ngi tleehh dír anír sagadiyuso'orós.›

1 WAAWITÁ 11:39

As tlakweemaá Solomon aníng xwaylár Daudi a muúx, ala a daqisleemeeká.› »

YOBU 14:14

Ahaá, hee bira gwaá' i male slafíngwí kí/i? Deelo sleémeero ar gadiyér'eene un daám ay dír afiqoomár gweermor'eé' i xeer.

YOBU 30:23

Aníng aga tsaáhh daxta kuúng in gwa'arárar slá', dír do'odá' ta amohhe'eés as umuúqo hee.

YOBU 34:15

makaay sleémeero aqo nin qwaariyá', hee iri kii/ baraá hhape.

YOBU 34:19

Inós geeraharuuse ga ilaamurutiiká as adoodá' kawa urén, sleeme daqaare ga hhasliitiiká ta narkuuteero. Asma mukwí sleémeero a gadiyér dabaawós.

WARA'AMI 22:14

/Uuruueé' ina faák adór ma'aá naa ku'uutiye', fadueé' nay kwirhhimitiyé'. Muunaáeé' iri weéq baraaeene adór boohhayaangw.

WARA'AMI 22:15

Hheehhar'eé' ina kát adór qambeesamo, tsifrangw'eé' aa nag'aát baraá xaanxardu. Kuúng án iga meér adór tuuár baraá teeri.

WARA'AMI 58:7

I yaamií /one' adór ma'aá baraá hhasaangw, maheeriiwós masók i afér kon'aaká.

WARA'AMI 77:8

Sla'ariirók ar warqawaaká aa fáki ay alhhe'eesay wasle? Al'axweesantók tidár qari sleémeero aa warqeéri?

WARA'AMI 79:3

Tseerduuín kina ku'uús adór ma'aay, gixsár Yerusalemu ngiri harweeriyé' bihhe sleémeero, tam heé tu'u gi foliít i kaahh.

WARA'AMI 90:10

Kureeriirén a kureeri mibeeraá faanqw, laqaá birti slaqo hhó' a mibeeri dakaát. Ala waayaaqamuú yaariír un ar hootaán, deelo i kwahhmiská atén aqo an gaanslár tlawaán.

WARA'AMI 90:3

Hee un ki/ís baraá hhapeérií alé, bara ó', «Kuungá' muu, ki/é' baraá hhape amoodá' ta dahha'.»

TI'INAANGW 21:13

Ala barnaxes gwa haramamahhatiiká aqo har Mungú guna gawaá dabaawós i qaás, daqaní aníng wa/aamér múk aa tsu/uut ngi dirók i laqaám.

DAHARUSMO 9:5

Múk slaáf gaqo xuu' adór inooín tar qaátl, ala múk aa qaatl gár ta xui i káhh tam ar niiná, nee qeemuú i slayá' i kaahh, inooín kaa gunqareés baraá inslawoó muko.

WA/AA/I 3:31

Asma Aako ti baloó kwahhiiká ay kureeraá kureér.

ESEKIELI 18:23

Xáy, anuú Aakoó MUNGÚ gwa'arár heé tlaákw aqo saqwalaá/a? Aasla'áy a saqwala/aaká. Aníng gár ni slaa' masók inós luhuuwós kudá' tlakw gin máy, as iwa slafi.

TLAHHOÓ LAÁWI 26:40

«Ala barnaxes tlakweemaaín ngaa hhu'uu'uné', nee tlakweemaá baabi'ii'ine, gawaá aahhidá' tinda aníng i tleehhi, nee inooín aníng iwa tlampa'aamisiye',

FAARO 35:15

Gixsaduká' lahhooamaawo a dír xoorór Israeli ta i gogoowi dinkwa nee hoomár baraá ayaaín hoota, nee dahaayér deelór niinawe ar nee inooín aldinkwa. Umuúqo heé hee gwaa gaasi ar pa/aayo guwaywós a baraá gixsaduká'.

FAARO 35:25

Bariise heedaádá' gun tú/ gawaá dabaá heedaádá' li/oó bu'utuú wa sla'a, kuduú guruú doó heé taa gaás, nee heé aáng kuri ki/is baraá gixsaadár guwaay, too aáng aa i goów. Baraadá' gin wa hoot ay dír kaahamusmoó Mungú i gwaai kudá' qoomaadae taa tsawaár, kuri iimbalaax ar di/tá hhohho'.

FAARO 35:28

Asma heewí kundayra/aát aqo in hoot baraá gixsaadár guwáy wa ale, ay dír kaahamusmoodá' úr i gwaai. Ala bar kaahamusmoó úr oo Mungú aa gwaá', heewí kundayra/aát aqo in waatl ayaawós.

Matayo 22:16

Eeharuuser'ín dinkwa nee múk Herodewo, kiri ya/aáw amór Yesu tari oó', «Intsaahhatusámo, atén a xuaán adór kuúng tar heé ló', nee loohír Mungú adoodá' ir gana' tinar intsaahhatimís, tam kángw uroó hee u yaahamiská, asma hhohhoartá muu a ga/eeraaká.

Tlehhema'aá ya/Abuuse 10:34

Aluuwo Petro axweesani gari iimu/ún, inooín giri báy, «Daxta aníng aga tsaáhh adór Mungú ir barqaantír konká.

Rumi 2:11

Asma Mungú i barqaantusiiká.

DABE 10:17

Asma AAKOÓ MUNGÚ, Munguúhúng inós an Munguú munguaá hatlá' gi baál, nee inós an Aakoó bariise. Inós an Munguú úr nee oo /uuruú koóm nee oo dae tlaáq, inós i barqaantír konká laqaá i slukumár /ayiiká.

Ebrania 9:27

Muu gár kuwa hariím a in qaatl sagaáwa wák wa ale, nee alaá gwa'araaro tari sakwasleema.

1 Petro 1:17

Kuungá' Mungú bur firiiriindá', un Baabár ateetiindá', inósuudá' umuúqo heewo gu sakwasleemuút ar qoomoó tlehhemi'iiwós ar barqaanti wasle. Gawaá adoorihe, kuungá' hooté' ar Mungú kuwa ilaiwawa/a' baraá qoomaarí tawa hota' baraakaá yaamuú wa ale adór dahaaye.