2 SAMUELI 14:12 - Biblía Axweesantá Hhohho' ar Mungú 2004

¹² /Ameenidá' guri beér, «Án kuúng u firiím, anír sagadiyuso'oorók, iiárií qaasáng, gár wák ngi oó' dirók, waawutámo.» Waawutmo gari báy, «ooang.»

2 SAMUELI 14:12 Iomraidhean Croise

IIMU/UUNGW 18:27

Abrahamu iri ilawaáts, iri oó', «Aga qo qiítl nee Aako tawa axweesaan, aníng aqo adór teeri nee da/ara.

IIMU/UUNGW 18:32

Abrahamu iri malé oó', «Aáko, ma buhhaar, án ni malé ilawaáts waiiká' kilooine. Xáy, bar awa mibaangw i dayá'?» Aako iri oó', «A qwaareesaaká as kusingá' mibaangw.»

IIMU/UUNGW 44:18

Naagáy Yuda Yosefu guri i tseewúy guri báy, «Aáko, án ya/aamáng tiwa aleekalaa/. Án kuúng u firiím mi i buhhaar, asma kuúng aqo adór Farao sleeme.

2 SAMUELI 14:11

/Ameenidá' guri beér, «Na'mamís waawutámo, alefirimáng dír AAKOÓ MUNGUHE, Munguúwók, as kudá' marmár bu'utá wa slaá', ar na/aay'eé' kudá' taa gaás inós dakúsár hatlá' ar ur mingiwa tleéhh, ar na/aay'eé' kuduú hatlá' nguwa gaasi.» Waawutmo Daudi gari báy, «Ar adoodá' AAKOÓ MUNGÚ ir daadeér, garmaawók gár gu aw i káhh, tam se'emirós ar wák i yaamií hu'ká.»

2 SAMUELI 14:13

/Ameenidá' guri beér, «Asma waáy kuúng múk Mungú musa tlakweemár slá'? Adór kwasleemarí kara tsati, kuúng kilók taa sakwasleemút tawa dakuúsár koon. Asma aga ya/aandiiká garmaawók kudaá goow iwa ki/i amór do'.

2 SAMUELI 20:17

Yoabu iri daqáy, iri tseewúy amoorós, /ameenirí guri beér, «Xáy, kuúng a Yuabuuwo?» Iri oó', «Eeít! A aníng.» /Ameenidá' guri beér, «Iiárií qaasáng, aníng ar sagadiyuso'oorók.» Yoabu gari báy, «A axamiís.»

1 WAAWITÁ 2:14

Adonia gari báy, «Eeít, gaa ka hhoo'.» Aluuwo iri oó', «/Aymuú ni ooár waa slaa' i deer.» Inós guri beér, «Ooeek.»

YEREMIA 12:1

Aá AAKOÓ MUNGÚ, kuúng an ganá' aníng tam ui qununu/a. Aníng yaahasarka a koóm diroge. Ahaá múk tlákw baré gadiyeduuín i ya/aa/á'? Ahaá baré múk al/aymuuse aa diihhe'eés?

Tlehhema'aá ya/Abuuse 26:1

Agripa Paulo guri báy, «Pa/aangw ngwa haniís oo axweesanaywók kuwa o'.» Paulo dakós guri tleés, tiri aleekal/án ar /aymi'iiká',

1 SAMUELI 25:24

Abigaili tina kwáhh dír ya'aá Daudi iri ó', «Aakooeé', tlaákwasíng sleémeero a daanduueé'. Na'ás, sagadiyuso'oorók iiárií qaaseek nee axweesantós iiárií qaaseek.