2 SAMUELI 14:11 - Biblía Axweesantá Hhohho' ar Mungú 2004

¹¹ /Ameenidá' guri beér, «Na'mamís waawutámo, alefirimáng dír AAKOÓ MUNGUHE, Munguúwók, as kudá' marmár bu'utá wa slaá', ar na/aay'eé' kudá' taa gaás inós dakúsár hatlá' ar ur mingiwa tleéhh, ar na/aay'eé' kuduú hatlá' nguwa gaasi.» Waawutmo Daudi gari báy, «Ar adoodá' AAKOÓ MUNGÚ ir daadeér, garmaawók gár gu aw i káhh, tam se'emirós ar wák i yaamií hu'ká.»

2 SAMUELI 14:11 Iomraidhean Croise

IIMU/UUNGW 14:22

Abramu waawutmoó Sodoma guri báy, «Dakw'eé' ugwa tleés amór AAKOÓ MUNGÚ, Munguú Gáwtí dirií', tleehharusmoó doori nee yaamu,

IIMU/UUNGW 31:50

Dasuueé' bura baramaanús, laqaá bar /ameenár hatlá' aga duxút, tam heé xumiís i kahhi, inslaweek, Mungú i xumiis.»

2 SAMUELI 14:10

Waawutmo gari báy, «Umuúqo heé kiíng iga /aymuú bayi, amor'eé' huwang, nee kiíng i baloó kwatiitiiká.»

2 SAMUELI 14:12

/Ameenidá' guri beér, «Án kuúng u firiím, anír sagadiyuso'oorók, iiárií qaasáng, gár wák ngi oó' dirók, waawutámo.» Waawutmo gari báy, «ooang.»

2 SAMUELI 14:21

Waawutmo Daudi Yoabu guri báy, «Iia qaseek hamí adoodá' ta sla' aga ya/aám! Áx garmaadá' ta bay Absalomu watlisang amór do'.»

1 WAAWITÁ 1:52

Solomon iri oó', «Barnaxes aa heé hhoó' tleehhiít tam se'eemirós ar wák i yaamií hu'uká, ala tlakweema birnga tleéhh aqo in gwaa'.»

YEREMIA 4:2

Barnaxes lo'o aga /ák ar looeema nee ar sakwasleemár ganaa' nee ar hotaá ganaa'á', tari ó', ‹Ar adór AAKOÓ MUNGÚ ir hotaatina,› daqaní xoordu tsuuqa ngiri dir'eé' wa slayá', tari xirfayeemisiyá' as aníng.»

FAARO 35:19

Heé guruú doó kudá' taa gaás an heé li/aay gu buú' oo heedaádá' kunday ra/aát nguwa gaasi, bar ta sadoogiye' nee kwí a qo gun gaas.

FAARO 35:21

laqaá guna tuú' ar kundaay iri gwaá', naagáy heewí hee gwaa tuu' ar kundaay iri gwaá' a tsu/utusmo, nee gár kuwa hariím aqo kun gaas. Heé guruú doó kudá' taa gaás an heé li/aay gu buú' bir taa sa doogiyé'.

FAARO 35:27

nee barnaxes heedaáduú guruú do'dá' taa hee gaás, kooaáng kundayra/aát ngwa sláy tsee/aá gixsadár guway wa ale, aqo gun gaas, daqaní heedaadá' i dakuúsár konká.

Matayo 10:30

Tam kuungá' sleeme se'éngw gawaá sagerhúng sleémeero kwaa faár.

Tlehhema'aá ya/Abuuse 27:34

Gawaá adoorihe án kuungá' nun harhhheehhe'eés, muruú /ayma /ayaak, asma an gár tar slafa'. Asma tam oo wák baraá tla/angwhunge, se'eemír sagós i qwatká.»

1 SAMUELI 14:45

Muu Saulo guri báy, «Xáy, Yonatan aqo in gwaái, kudá' arba/atír ur ngaa huuw baraá Israeliro? Tisíng i amoosií pa/ ar adoodá' AAKOÓ MUNGÚ ir daadeér, tam se'eemír wák ar sagós i baloó hu'ká yaamií ale, asma gadiyeérí gana tleéhh ar alee/isoó Mungú.» Gawaá adoriihe mukdá' Yonatan guri tuú/ baraá gwa'araro.

1 SAMUELI 20:42

Aluuwo Yonatan Daudi guri báy, «Tláw ar wayda. Aníng nee kuúng al'axweesani aga qaroó qaasaán ar umuú AAKOÓ MUNGÚ, kari lo'ór wa /ayaán, AAKOÓ MUNGÚ a lamabu'usmo tla/angwrene ay kureerisleém, nee tam baraá xwaylár nangw'eé' nee xwaylár naangoge sleeme, ay kureeraá kureér,» Daudi iri sihhiít iri tláy, Yonatan iri kií/ baraá gixsa.

1 SAMUELI 28:10

Saulo lo'o gari /aáy, ar umuú AAKOÓ MUNGÚ, iri oó', «Ar adór AAKOÓ MUNGÚ ir daadeér, kiíng slahhtá ta sleer as daanduú kaangwí i káhh.»