2 SAMUELI 13:3 - Biblía Axweesantá Hhohho' ar Mungú 2004

³ Ala Amnoni i mulqumoó kón, ku bay Yonadabu, garmoó Shama, hhiyoó Daudi. Yonadabu a heé kángw kilá' wa fuqurángw koóm.

2 SAMUELI 13:3 Iomraidhean Croise

IIMU/UUNGW 3:1

Ala dayshamo ku ilakahaár ta makaá sla/a sleémeero ba/a, kudá' AAKOÓ Mungú aa tleéhh. Inós /ameeni gari báy, «Xáy, adoorí an adór Mungú aa oói iwa kaahi, ‹Mamaá xaai sleémeero awa baraá asalmií diriiá' mi /ayaara'.› »

IIMU/UUNGW 38:1

Qoomaadae Yuda iri tláy dír hhaeewós wa alé, iri hardáh dír heeko oo baraá gixsár Adulami, umuuwós a Hira.

IIMU/UUNGW 38:20

Yuda deelmooduú leei guri ya/aáw ar mulqumoowós Hira, kuduú gixsár Adulami, as xosluuwós kudá' baldá' aa geexáy ngiwa tu/tá ay dír /ameenidae. Ala gaa didií ayká.

2 SAMUELI 13:2

Amnoni ina slahhahhaá' baraawose kángw kilá' wa ale, tam tiri tiqtusmoó ilaqaás, asma hho'oorós Tamari ngiwa slai, inós aa fuquská, nee a gár geehhoo' ar ya/aamaaká Amnoni ngiwa gaárí tleehhi.

2 SAMUELI 13:32

Ala Yonadabu, garmoó Shimea, hhiyoó Daudi, iri oó', «Aakooeé', ma adoorír xuaar tawa kat, daaqaywók kuwa sleémeero wa tsuú/. Amnoni kilós an heé taa gaás. Asma Absalomu ina tsabín Amnoni nguwa gaasi, iimír bál Amnoni hho'orós Tamari ngiwa óh ar /uuru, nee tay alqaát.

2 SAMUELI 13:4

Yonadabu Amnoni guri báy, «Kuúng a na/oó waawutmo. Gaa a milá masa slaqwa tlakuúr? Án kuúng uwa ga/aw a heé qwala/ wásl umuú siiwaro. Ahaá waáy, kangwsíng musungu o'ká dir'eé'.» Amnoni iri oó', «Tamari aga waatlakweés, hho'ór hhiyaaeé' Absalomu.»

2 SAMUELI 14:2

Gawaá adoorihe muu guna ya/aáw amór Tekoár wa ale, as /ameenír sagaloo' kawa leehhi. /Ameenidá' kingiwa huúw, gari báy, «Ti /ameenír tsuunqumiis ilaqas. Inqwaruú tsunqusmo dahaaseek, di/i ma slikaar, ti ilaqas adór /ameenír tsunqumamiis daqtá yaariire, as mukós iwa faák.

2 SAMUELI 21:21

Qoomár múk Israeli nguwa niqmisi, kuri gaás nee Yonatan garmoó Shimei, hhiyoó Daudi.

1 QOM'I 2:13

Yese garmaawós oo baris a Eliabu, oo tsár a Abinadabu, oo tám a Shimea.

1 QOM'I 27:32

Yonatan, maamoó waawutmo Daudi, inós an hara'ayusmo nee heé muruú tsatsahhaám nee a goousmo. Inós nee Yehieli garmoó Hakmoni, daaqoó waawutmo nguna intsaahhatimisiyé'.

ESTA 5:10

Ala Hamani muneerós gari guú/, iri waátl amór do'ós. Mulqeerós gari ateét, nee Sereshi hareerós.

ESTA 5:14

Naagáy hareerós Sereshi nee mulqeerós sleémeero Hamani kuri báy, «Xa'anoó tleér kungu tleehhi oo miíta mibeeri tsár nee tsár, daqaní matlo matlaatleero waawutmo ku ádbeér Mordekai ku gawaadií tarereei. Daqaní tari dát ar qwala/ baraá muruú /aymár i alé dinkwa nee waawutmo.» Axweesantí Hamani gari slaá', xa'ano guri tleéhh.

ESTA 6:13

Naagáy Hamani hareerós Sereshi nee mulqeerós gay kangwdá' i alki/iít sleémeero kudá' gwa slay. Mukós kuduú sagalooár koóm nee hareerose nguri bayé', «Ala bar Mordekaisíng uray gwaa sláy, slamí inós a heé Yahudi, kuúng a alesleeraaká nee heesíng tiwa tlaampa'asa', kuúng kangók i kaahh.»

AXWEESANOÓ SAGALOOA 19:6

Múk yaariír tin kilooín sla'atamamisiyá' dír geeraharuuse, nee umuúqo heewo ga slaa' tawa mulqumo dír heé múk /iimisa.

YEREMIA 4:22

AAKOÓ MUNGÚ i kaahi, «Muk'eé' a daktana, aníng i xuiaaká. Inooín a na/aá iimibo/ gár i tsatshhana' i káhh. Inooín lohdaá tlakweema tlehhit ngi xuiyá', ala kángw hhó' tleehhtuuwo ngu xuiaaká.»

1 Korinto 3:19

Asma sagalooár muu a daktu'uuma dír Munguhe. Asma Gooi i kat, «Mungú múk sageeloén gu ohaahín baraá al/aymar'ine.»

Yakobo 3:15

sagalooarí a tidá' naa gawaá doorí wa awetká, ala a tidár baraá yaamu, ar qeeruuwooká ala ar Neetlaangw.

HAR'OHUUSE 14:20

Hareerós tidá' kay haniís dír war/atuuwós.

1 SAMUELI 16:11

Samueli Yese guri báy, «Daaqaywók sleémeero i diiríhe?» Inós iri oó', «Kudá' niiná dir'ine i kaahh, aa meét baraá de'éngw bee/aangw.» Naagáy Samueli Yese guri báy, «Muu ya/aweek kungu huwi, atén a yaamií iwiitanaaká ay dír garmaasíng ni amoorí hardihi.»

1 SAMUELI 16:9

Yese Shama guri waarahhaás ar dír geeraá Samueli, Samueli iri male oó', «Tam kwí sleeme AAKOÓ MUNGÚ gwa tsawaariiká.»