2 SAMUELI 13:28 - Biblía Axweesantá Hhohho' ar Mungú 2004

²⁸ Absalomu sagadiyuuserós gari báy, «Xumamisé' bar Amnoni difaái ngaa wáh, afa gway sláy, án bar aga oó', ‹Amnoni slahhaak,› daqaní ku gasá'. Adoorí an adór aníng naa oó' dirhúngí ale. Pihhé' ar muunuú migi.»

2 SAMUELI 13:28 Iomraidhean Croise

IIMU/UUNGW 9:21

Difaáír sabiíbudá' ngiwa wahán, ina ooniít, tlaba' giri kwaáhh, iri qaát ar /aankwets baraá heémarose.

2 SAMUELI 11:13

Daudi Uria guri dah'ís amór do'ós ar muruú /ayma, nee muruú wahaango, Uria guri oonitiís. Tam adoorihe, xweeraadae Uria aa watliiká amór do'ós, aqo ina qaát gawaá qatanirós dinkwa nee sagadiyuusér aakoowós.

2 SAMUELI 11:15

Baraá slambare/idae Daudi gár aa gooín a tí, «Uria hhayuú geera ti qase', didá' slaqwara iwa tsimaamíhh, kuungá' ni alií ki/á', as kahhó' inós kuwa didií gaasi.»

2 SAMUELI 12:10

Gawaá adoorihe, as kuúng aníng iwa waaqá', nee harér Uria, heé xoorór Hiti, kari tók tléhh, dákw muu tsu/uta i hhooayká baraá múk do'oge.›

2 SAMUELI 13:27

Ala Absalomu harhhehhe'eemisuwo iri kumiít, waawutmo iri ya/án, Amnoni nee daaqayduú hatlá' tiwa alkona' baraá deelodá' ur.

2 SAMUELI 14:6

Aníng geeraawo daaqay'eé' oo tsár u koóm. Baalarka wake ta baraá xátstí dirii' tina ayé'. As heé gaa har'oh iwa kahhi, oo wák kuqá' guri gaás.

1 WAAWITÁ 20:16

Naagáy /ameetleemuuwo Ben-hadadi iwa xufiiti dinkwa nee waawitadá' mibeeri tám nee tsár inós ngwaa alee/iisár aye' slaqwara iri iimu/uún.

ESTA 1:10

Bál faanqwe waawutmo muunaáwós iwa qwalaá/ as difaái ngiwa xuúf, mukdá' faanqw taa karmuumúy, kudá' gu sagadiyumamiís, guri ateét. Mukwí an ín Mehumani nee Bista nee Harbona nee Bigta nee Abagta nee Setari nee Karkasi.

WARA'AMI 104:15

Nee difaáír muunaáwós gu qwala/aas, di/tá gitsee/awós ngir soohhayesi, nee fa/ár /uuru ngur slay.

TI'INAANGW 1:18

Naagáy waawutmoó Misri /ameenadá' /ameenár asla a'aw gari ateét gari yaahamiís, «Ahaá waáy gár adoorí kasa tlehhé', na/aá daaqaay kiwa meeré' tsu/utaaro?»

DAHARUSMO 10:19

Muruú /ayma kun qamín as qwala/ nee difaái muu gun qwal/atimís nee peésa muruuwí sleémeero ngun slasleér.

DAHARUSMO 9:7

Tláw, /ayiím ar qwala/, wahaám ar muunuú qwala/, asma Mungú gadiyeérók gaa qaroó ya/án.

DANIELI 5:30

Xweeraadaá kilae waawutmo Belshasa oo múk Kaldayo kuri gaás.

NAHUMU 1:10

Inooín tam adór laqayaá taa nagwahhii'i, tam ni hirqamitiia nari ma'aay tleehhiiyá' as xuftár difaáir'ín, ala kin qororo'oos, adór hhaanslaá kaaharén wa alé.

Luka 21:34

«Ti harmagahhe', munerhúng miwa hhitirút ar hheehha, nee xufta, nee ma daawimitaara' as muruú baraakaá yaamu, deeloodár alhhe'eesaay munduwa hhaawís adór tsaaxweeli ir ohaahiin.

Tlehhema'aá ya/Abuuse 5:29

Petro nee ya/abuuse tari oó', «Gár atén tiwa hariím a Mungú un iialooeemisaán ta múk aleesleemuú kooma.

YOSHUA 1:9

Inslawiím adór aníng kuúng ura báw, gimáy piíhh nee ilakaahareés ló' wa ale. Ma da'ayumiitaar laqaá ma amoqwaqwadimaar, asma anuú AAKOÓ MUNGÚ Munguúwók a dinkwa nee kuúng amór taqo keera.»

HAR'OHUUSE 19:22

Qoomár tawa qwalaala/i, múk gixsadá' oo barawaslén doó heedaádá' nguna harweeriyé' bihhe sleémeero, nay ateetiyé' baraá do', tay axweés nee aakoó do' loó', kway báy, «Heedaádá' naa do'ógií qatuú ay, tsee/í duuxang as kahhó' nee atén tawa fuquusaan.»

HAR'OHUUSE 19:6

Inooín tsaraawo tay /ayín, tay wahán dinkwár wa ale, baabuú /ameenidá' guri báy, «Na'ás, masók tu amohhoó' xweerakaá laarihe tawa deelaan, ma gurboo/awaar.»

HAR'OHUUSE 19:9

Heedaádá' iwa sihhiít as iwa tlay nee /ameenidá' nee sagadiyusmoowós, baabuú /ameenidá' guri báy, «Qaytsiít, looa aa dát, iimi a tsiindo, kuúng diirí i deelang, ma gurboo/awaar, matlaatleero ta tseewa tleér as tawa hardat amór doohúng.»

RUTI 3:7

Boasi /ayma nee wahaango iwa hhe'eés, muunaáwós iri qwalaá/, iri qatuú áy dír bihhaá ufuú angaánoó shayiíri kudá' taa haritleemiís. Ruti iri tseegís ay didá' Boasi i qaát, inqwaari gay waatlés, inós iri qát dír ya'aawós i alé.

1 SAMUELI 18:22

Aluuwo Saulo sagadiyuuseerós gari kuútl iri oó, «Áx Daudi i saasahhaak nee ku beera', ‹Waawutmo kuúng ugwa slaá' ta sagadiyuuseerós sleémeero, kuúng una waatlakweés.› Gawaá adoorihe kuúng ma siaar tawa hhawaatuú dasír waawutmo.»

1 SAMUELI 28:10

Saulo lo'o gari /aáy, ar umuú AAKOÓ MUNGÚ, iri oó', «Ar adór AAKOÓ MUNGÚ ir daadeér, kiíng slahhtá ta sleer as daanduú kaangwí i káhh.»

1 SAMUELI 28:13

Waawutmo gari báy, «Ma da'ayumiitaar, maga aán?» /Ameenidá' guri beér, «Gár naa ár a mungú nin baraá yaamuú wa ti'imiit.»