2 SAMUELI 13:23 - Biblía Axweesantá Hhohho' ar Mungú 2004

²³ Kureeraá tsár awa ád koomá' niwa waaraahhiyé', Absalomu i baraá kiyangaá se'éngw bee/angós tlaqa, baraá gixsár Ba'al-hasori, iisaapoó Efraimu. Daaqoó waawutmo sleémeero guri dah'ís.

2 SAMUELI 13:23 Iomraidhean Croise

IIMU/UUNGW 31:19

Qoomaadae Labani aa se'éngw bee/aangós tlaquú áy. Naagáy Raheli pa/aangw guri sleér oo murslaaqatuú munguiidá' baabá i haratlintaati'i ngiwa fis.

2 SAMUELI 13:24

Absalomu iri amór waawutmo Daudí káy, guri báy, «Qaytsiít waawutámo, anuú sagadiyusmoowók múk se'éngw bee/ángw tlaáq u koóm. Án kuúng u firiím, aníng nee kuúng nee sagadiyuuserók ti alkoomaán.»

1 WAAWITÁ 1:19

Slamí hikwa gaa tsuú/, nee muruú wahhaara nee bee/ángw yaariír, nee daaqoó waawutmo sleémeero guri ateét sleeme, nee kaahamusmo Abiatari, nee Yoabu geeraharusmoó slaqwaruuse. Ala Solomon sagadiyusmoowók, kwí gwaa ateetiiká.

1 WAAWITÁ 1:25

Asma laarí aa aweér, hikwa giri tsuú/, nee muruú wahhaara, nee bee/ángw yaariír, nee inós slám daaqoó waawutmo sleémeero guna ateét, nee geeraharuusér slaqwaruuse nee kaahamusmo Abiatari, hám daxta i /ayná' nee i wahaná' geeraawós wa ale, i kaahiya', ‹Waawutmo Adonia i hotaatin.›

1 WAAWITÁ 1:9

Adonia bee/aangw nee hikwaawo, nee muruú wahhaara gina ilahhooár wa tsuú/ bihha Tlaa/ár Dayshamo, tidár dír kutltá Enrogeli. Hhaeewós sleémeero giri didaádá' i ateét, daaqoó waawutmo nee múk urén sleémeero oo Yuda.

2 WAAWITÁ 3:4

Waawutmo Mesha oo Moabu, inós a de'eemusmoó bee/aangw, nee umuú kurko ohme gana bu'ún dír waawutmoó múk Israeli ar deeloó bee/aangw kume tsiiru, nee se'éngw bee/ángw kume tsiiru.

2 QOM'I 26:10

Inós sleeme baraá darmuuwo /aampu giri tleéhh, tlahheesaá yaariir giri foól, asma inós hikwaá yaariir gi kón baraá yaamaá goongoama nee baraá xatsowo. Inós doosla ga ló'wa slaa', muu guri qaás oo qamuuwós xuúm baraá yaamaá goongoamawo nee yaamuudá' wahhaara'a.

NEHEMIA 11:33

nee Hasori, nee Rama nee Gitaimu,

1 SAMUELI 25:2

Nee heeko wák i deer amoodár Maoniro. Heewí in halaanu'uumár tlehhahhiit Karmelír wa ale. A daqaarmo ló'wa ale, bee/ángw kume tám nee aaraá kumuú wák gi kón, inós i se'éngw bee/aangós tlaqaqaat gawaá tloomár Karmelír wa ale.

1 SAMUELI 25:36

Abigaili iri wátl amór do', iwa hardát dír do'ose Nabali taa amohhe'eés muruú /aymár úr gwaa tleéhh oo hariímár doó waawutmoó wa ale, Nabali a kuqá' yaanda hhoó', asma aa qaroó ooniít. Gawaá adoorihe gár ngwaa beér i káhh tam ar wák, ay matlaatle iimi iwa /awaakuúr.

1 SAMUELI 25:4

Daudi iwa baraá xaanxáy dirii'i, gana axaás adór Nabali ir baraá se'éngw bee/aangós tlaqa.

1 SAMUELI 25:7

Aníng aga axaás adór mukók kudá' ir se'éngw bee/aangók tlaaqi, aníng aga slaá' kawa xu' adór nee de'eemuuseerók tara alde'emaán, ala atén inooín iga gaa /iisaniiká. Slám qooma sleémeero ana alhootaán gixsár Karmelí wa ale, gár naa dakuusiyé' i káhh.