2 SAMUELI 12:8 - Biblía Axweesantá Hhohho' ar Mungú 2004

⁸ Doó aakoowók nee tlaawaywose ngina dirógí haniís tawa kók, slám múk Israeli nee oo Yudawo nguna haniís kuwa sawaawuti'iin. Barnaxes adoorí ana hheerít, geera ngi doók sagaá wa tsár, laqaá adoosíng ba/a.

2 SAMUELI 12:8 Iomraidhean Croise

2 SAMUELI 12:11

Iia qaaseek, AAKOÓ MUNGÚ i kaahi, ‹Qaytsiít, kángw tlákw ngu tleéhh baraá múk do'óguú kilá'. Tlaawaywók unar tláw dír ilaawók wa ale, nee nguri dír inslaawmoowók haniís. Inós nee tlaawaywók tari fuquus dír ilaá múk wa alé.

2 SAMUELI 12:2

Daqarmoodá' bee/ángw yaariír gu kón nee hikwaá yaariire.

2 SAMUELI 2:4

Múk Yuda tari daqáy ay Hebroni, amór Daudi, kuri iimbalaáx ar di/i kuwa waawutmooín wa qaasi. Daudi ngiwa axaás adór Saulo kura foól nee múk Yabesh-gileadi,

2 SAMUELI 5:5

Baraá Hebroniro inós múk Yuda guna sawaawuti'ii'ín kureeri faanqw nee slahheraá lahhoó'. Nee baraá Yerusalemuwo múk Israeli nee múk Yudawo gina sawawiti'ii'ín kureeri mibeeri tám nee tám.

2 SAMUELI 7:19

Aá Aakoó MUNGÚ! Slám gár adór tí a gár niina dír ilawoge, Aakoó MUNGÚ. Gár tí ga baa/ a al'axweesantidár muruú urén, ar taa ó' dír múk dooeé', ar kureeraá yaariir awa hi'iitá', nee adór muruú qari sleémeero ar aluú wá hi'iit ngura aníngí xu'utís.

2 SAMUELI 9:7

Daudi guri báy, «Ma da'ayumiitaar. Aníng kuúng u hhoeemií tleéhh, as Yonatan baabuúwók. Yaamuudá' sleémeero awa aakoowók Saulo ngi amoorogí ki/ís. Aníng nee kuúng an dinkwár wa al/ayimaán daqisleém.»

1 WAAWITÁ 2:22

Waawutmo Solomon aayiírós gari mu/aywaáts, gari báy, «Gár Abishagidár yaamaá Shunami kas Adoniár sla'? Ahaá ala waawuti'iima ngi firiín sleeme as inós? Asma inós a hhiyaaeé' oo úr, nee inós a dinkwa nee kaahamusmo Abiatari nee Yoabu garmoó Seruya.»

WARA'AMI 84:11

Asma AAKOÓ Munguúrén an gwa/aateema nee an adór gaamboót, AAKOÓ MUNGÚ gurhhooa nee xirif gi kón. Inós ku hhoó' dír mukdaáduú gan'amuú kooma.

WARA'AMI 86:15

Ala Aáko, kuúng an Munguú gurtleemu nee oo qeemu, tu inslaahheeká buhhtaawo, a háts sla'aarír warqawaakahe nee inkihhimuwo.

Rumi 8:32

Mungú tam Garmaawós gwa ilaa/iiká, ala nguri haniís iwa gwaai as atén sleémeero. Munguúwí mura' sleémeero ngu aténí haniísiíke dinkwa nee inós?

1 SAMUELI 15:19

Ahaá a milá ala afór AAKOÓ MUNGÚ masa ilaiwa/iká? Waáy gár taa hara/akút mas haasaáng, tlakweema kiri tléhh dír geeraá AAKOÓ MUNGUHE?»