2 SAMUELI 12:7 - Biblía Axweesantá Hhohho' ar Mungú 2004

⁷ Natani Daudi guri báy, «Heé tlehhmuuwí an kuúng! Hám daxta AAKOÓ MUNGÚ, Munguú múk Israeli i kaahi, ‹Aníng kuúng una iimbalaáx ar di/i as tawa waawutmo, uri tuú/ gawaá dabaá Saulowo.

2 SAMUELI 12:7 Iomraidhean Croise

2 SAMUELI 14:13

/Ameenidá' guri beér, «Asma waáy kuúng múk Mungú musa tlakweemár slá'? Adór kwasleemarí kara tsati, kuúng kilók taa sakwasleemút tawa dakuúsár koon. Asma aga ya/aandiiká garmaawók kudaá goow iwa ki/i amór do'.

2 SAMUELI 22:1

Daudi /aymi'iikaá daa'angwí giri oó' dír AAKOÓ MUNGÚ, baalaadá' AAKOÓ MUNGÚ nguwa ba/amís baraá dabaá wakuuseerós sleémeerowo, nee baraá dabaá Saulowo. Iri oó',

2 SAMUELI 22:49

Kuúng iga ba/amís dír wakuuser'eene, iga iia tleerés dír kudá' iga kaángwí si'ii'i, iri amór saáwí amohhe'és dír kudá' sage gawdene.

2 SAMUELI 7:8

«Gawaá adoorihe sagadiyusmooeé' Daudi baweek, AAKOÓ MUNGÚ Aleesleemusmo i kaahi, ‹Una leéhh baraá qawtantá bee/aangw tawa de'een, as uwa uráy haniis daanduú muk'eé' oo Israeliwo.

1 WAAWITÁ 14:7

Tláw Yeroboamu ku beer, AAKOÓ MUNGÚ, Munguú Israeli, i kaahi, ‹Aníng kuúng una tsawaár baraá tla/ángw múk wa alé, uri qaás tawa waawutmoó muk'eé' oo Israeli.

1 WAAWITÁ 18:18

Eliya guri báy, «Múk Israeli heé gwa slahh'amuúr ay a aningeeká, an kuúng nee múk doó baabuúwók, asma kuungá' hara'ayár AAKOÓ MUNGÚ ana sié' nee slaqsi'iidaá munguaá ta bay Ba'ali kiri sluufmisé'.

1 WAAWITÁ 20:40

Ala aníng niwa gadiyuus heedaádá' iri /akuút.» Waawutmoó Israeli iri oó', «Adoosír kilá' an adór hariim sakwasleemaroge, kwasleemarók aga kilók tsát.»

1 WAAWITÁ 20:42

Naagáy aarusmo waawutmo guri báy, «AAKOÓ MUNGÚ i kaahi, ‹Asma kuúng heé aníng niwa oó' ku gás, ugwa slafingwí meér, ala gawaá adoorihe slafiingós un bú' ar kók nee slafíngw mukós, un bú' ar slafíngw mukók.› »

WARA'AMI 18:1

AAKOÓ MUNGÚ, án kuúng u slaá'. Kuúng a /uuruueé'.

YEREMIA 34:6

Naagáy Yeremia kangwdá' guri dír waawutmo Sedekia i oó' baraá Yerusalemúr wa aleeró.

DANIELI 4:22

«Gimáy, xa'anoodá' an kuúng waawutámo, kudá' aa uraaray nee /uuruú koóm. Yangareemaawók naa hardihiyé' ay gawaá doori nee waawuti'iimarók aa iia tleeruúr ay alhhe'eesoó yaamu.

Matayo 14:14

Qoomár Yesu niwa baraá miringamoó wa ti'iít, boo/oó yaariír guri ár, guri gurtleemuú wa ár. Tiqtuuser'ín gari hungu/uumiís.

1 SAMUELI 13:13

Samueli Saulo guri báy, «Adoosá naa tléhh ar barawaslaay, hara'ayár AAKOÓ MUNGÚ, Munguúwók aga otká kudá' ugwa hara'ayin, asma AAKOÓ MUNGÚ geera waawuti'iimarók ga gawdees gawaá daanduú múk Israeliro ay kureerisleém.

1 SAMUELI 15:17

Samueli iri oó', «Tam geera kuúng tiwa ga/eer tu niinawe, xáy, taa ureésiíke tawa geeraharusmoó tlahh'aá múk Israeli. Nee AAKOÓ MUNGÚ uri iimbalaáx ar di/i tawa waawutmoó múk Israeli.

1 SAMUELI 16:13

Samueli xarmooduú di/i guri taataáhh, Daudi guri iimbalaáx dír geeraá hhaeewós wa ale, hamtidár kilae /uuruú qeeruú AAKOÓ MUNGÚ Daudi guri hatsiís. Naagáy Samueli iri kií/ Rama.

1 SAMUELI 18:11

Hamtidár kilae Saulo Daudi guri duquús ar lawaaladií kon ar dakós, ki/ima ngaa hhe'eés tsár inós ngiwa xui geeraawo gun koo/ír haramuut, ala Daudi lawaaladá' gana kwirhhiít ki/ima tsaraawo.

1 SAMUELI 18:21

Saulo baraá inslawaywose ina oó', «Lakiít un dasírií haniís, daqaní kahhó' a loohír ngur oh, án ngi slaá' daqaní kuqo gaas nee múk Filisti.» Gawaá tihe Saulo ki/imaá tsare iri male oó' dír Daudi, «Hám daxta aníng a taatoó hare diroge.»

1 SAMUELI 23:14

Daudi ina baraá xaanxáy meét, baraá koo/ír gawit, iri baraá yaamaá tlom'ií wa hoót, baraá xaanxayduú Sifu. Saulo i Daudi leelehhahhiit daqisleém, ala Mungú Daudi gwaa haniisiiká baraá dabaá Saulo.

1 SAMUELI 23:7

Saulo kuri ádbáy, adór Daudi nira Keilárií hardáh. Saulo iri oó', «Mungú ngwa dabaaeéní qaás, asma ina dáh baraá gixsár afeerós tseegamór koom.»