2 SAMUELI 12:31 - Biblía Axweesantá Hhohho' ar Mungú 2004

³¹ Aluuwo múk gixsadá' guri ar tláy, giri qaás baraá gadiyeé. Xooslaá tar gadiyuusi a kuká': Masmeenadu nee sururuú muqsla, nee tsabuuwo, nee gadiyér matofaáli da/a/aangw kawa tleehhi. Adoorí an adór aa tlehhiít baraá gixsadu sleémeero awa múk Amoniwo. Alhhe'eesaywo Daudi nee muu sleémeero tari kií/ Yerusalemu.

2 SAMUELI 12:31 Iomraidhean Croise

2 SAMUELI 8:2

Daudi múk Moabu guri malé baál, gurí yaamií qaatiís ar hhaay, guri tsaát baraá doqoro tám ar hima. Daqoroó tsár guri tsuú/, ala daqtá tám gari slafíngwí máy. Múk Moabu iri lawaalér Daudi tleehhiít, nguri koodíri hanmisiyé'.

1 QOM'I 20:2

Daudi slamaangwduú Munguúín kudá' ta bay Milkomu guna ar tláy, gway gawaá sagós i dahaás. Slamaangwí iiloeemawo a kílo mibeeri tám nee kooán ar sahaábu. Baraá guruudae tlaa/anoó tlaxo gawíd i deer. Daudi tlaa/anoowí guri slamaangós ar parootuús. Inós baraá gixsarihe muruú yaariír guri haasaáng wa ar tláy.

1 QOM'I 20:3

Inós múk gixsarí guna ar tláy amór do'ós i alé, nay do'ós wa gadiyusiyé' ar musumeéno, nee kureemaá muqsla nee tsabu. Inós gixsadaá Amoni sleémeero gina adoorí laáq. Alhhe'eesaywo Daudi nee muu sleémeero tay kií/ Yerusalemu.

YEREMIA 43:9

«Tláw tlaa/aá uren taatahheek, ki fól nee ki típ, baraá tleeidár baraá afeeni, dír afkú doó Farao, baraá gixsár Tahpanesi qoomár múk Yuda bir xumiis.

AMOS 1:13

AAKOÓ MUNGÚ i kaahi, «Aníng múk Amoni muxtaaro u mawaaká, as tlakweema ngiwa tlehhaahhitiyé'. Asma inooín /ameenár tsiihaawe ar múk Gileadi ngina gur'e feehhamiisiyé', asma iwa digeemaá yaamuuín intlaaxweemisiya'.

AMOS 1:14

Gawaá adoorihe aníng asla a qaás gawaá koo/ír gixsár Raba, asla koo/irós tidá' gawit gari /ák. Deeloodár slaqwaraaro tsimaahhi ka ló'wá ur, nee slaqwara ka ló'wa hhamhhám adór bambaao.

AMOS 1:3

Tí an tidá' AAKOÓ MUNGÚ i kaahi, «Aníng múk Damasko u mawaaká muxtaaro asma tlakweema ngiwa tlehhaahhitiyé'. Asma inooín múk Gileadi nguna muxaaxiné' ar difiitamaá muqsla.

Ebrania 11:37

Kina tlaquút ar tlaa/e, nee kina siiqiít ar masumenadu, kina iiara'ár nee kiri tsuú/ ar paangadu. Inooín tana harweeriirín tawa tlabaá bee/ángw dahamiisi nee tlabaá aara. Inooín a múk liitlakwén oo ta slahh'eemisi nee oo ta muruú tlákw i tlehhiiti.

YOSHUA 10:15

Yoshua nee slaqwaruuseerós múk Amori kuwa baál baraá slaqwaraaro, xoorór Israeli tari kií/ amór xafay'ín kuduú Gilgali.