2 SAMUELI 12:3 - Biblía Axweesantá Hhohho' ar Mungú 2004

³ Ala heedaáduú narkutmo daremirós tookar bee/i ga kón, ar aa tlaáxw. Gari amohhe'eemiís, inós iri ureér dír do'ós wa ale dinkwa nee na/iiwós. Deelmoowuú bee/i guri /aymiís ar muruú /aymarós, tam slooqoó ira wahaán a kós, inós gan gawaá da/ewawósí ohaahín. Heewuú narkutmoowo deelmowuú bee/i a adór dasiirós.

2 SAMUELI 12:3 Iomraidhean Croise

2 SAMUELI 11:3

Daudi hee guri ya/aáw, /ameenidá' ngiwa yaahasi, axáy a harér heemá? Heedaádá' Daudi guri báy, «/Ameenirí a Bat-sheba, dasír Eliabu, nee a harér Uria heé xoorór Hiti.»

2 SAMUELI 12:2

Daqarmoodá' bee/ángw yaariír gu kón nee hikwaá yaariire.

2 SAMUELI 12:4

Baalarka wake dahaaymoó heedaáduú daqarmo nina xáy. Naagáy daqarmoowí deelmoowós oo bee/i, laqaá sleerós, ngiwa gaasi as muruú /aymár dahaymoowós gaa slaiiká. Ala ina tláy, deelmooduú bee/i oo narkutmoodá' nguna hayóh, guri gaás as dahaymoowós.»

MIKA 7:5

Inslaawmoowók mu harahhiifaar, nee mulqumoowók mu harahhiifaar. Afkók de'eemeek tam dír hareeroge, tidá' ta sla' nee kuúng alguaaimá'.

DABE 13:6

«Barnaxes hhiyaawók oo kilá', laqaá garmaawók, laqaá dasiirók, laqaá hareerók tidá' handá' ta ló'wa sla', laqaá mulqumoowók kudá' ta ló'wa sla', un mihaayín ar baraá naaqo, iwa ooin, ‹Qwaláng, munguaá hatlá' i sluufmisuú awaán.› Kudá' handá' kuungá' ta xu'uká, laqaá baabi'iihúng sleeme,