2 SAMUELI 12:20 - Biblía Axweesantá Hhohho' ar Mungú 2004

²⁰ Naagáy Daudi adoorí ngiwa axaás, iri sihhiít yaamuú wa ale, iri hamtlín, tari sliík di/ito. Tlabaawós giri warqeés, iri tláy baraá Doó AAKOÓ MUNGÚ, guri sluufiís. Kár, nari kií/ amór do', muruú /ayma guri yaahaás, kuri sláy, inós iri /ayín.

2 SAMUELI 12:20 Iomraidhean Croise

2 SAMUELI 12:19

Daudi ngiwa ár sagadiyuuseerós iwa saasahhaan, gari tsaáhh adór na/aay ira gwaá'. Giri yaahaás, «Na/aay aa kahhuúti?» Inooín kuri mu/aywaáts, «Eeít! Aa kahhuút.»

2 SAMUELI 12:21

Sagadiyuuserós guri yaahás, «Kaangwí a milá taa tléhh? Qoomár na/aay iwa slafi, kuúng ana gwaawiín nee una ale/aa/amamiín. Ala alaá iwa gwaá' tari sihhít muruú /ayma kuri /ák.»

2 SAMUELI 14:2

Gawaá adoorihe muu guna ya/aáw amór Tekoár wa ale, as /ameenír sagaloo' kawa leehhi. /Ameenidá' kingiwa huúw, gari báy, «Ti /ameenír tsuunqumiis ilaqas. Inqwaruú tsunqusmo dahaaseek, di/i ma slikaar, ti ilaqas adór /ameenír tsunqumamiis daqtá yaariire, as mukós iwa faák.

2 SAMUELI 19:24

Mefibosheti, garmoó nángw Saulo, ina daqáy baraá al'awér waawutmo Daudi. Iimír baalaadá' iwa Yerusalemúr wa tláy, ngar wa kií/ ar saxareema, iimidae Mefibosheti ya'aawós gaa baloó hamaatliiká, tam daamoórós gaa deeqwiiká, nee inqwaruwós gwa gaárií xuiiká hhuntsaro.

2 SAMUELI 6:17

Naagáy sandakmoó AAKOÓ MUNGÚ kuri dahaás baraá heéma tidá' Daudi aa siíhh. Daudi ilahhooár da/a nee ilahhooár wayda gari haniís dír geeraá AAKOÓ MUNGÚ.

2 SAMUELI 7:18

Naagáy waawutmo Daudi iri tláy, iri iwiít geeraá AAKOÓ MUNGÚ, iri firín, iri oó', «Aníng a heemá, xáy Aakoó MUNGÚ, nee múk dooeé' a gár milá tam ay diirí án niwa iia tleerúw laarí.

YOBU 1:20

Aluuwo Yobu kaangwí sleémeero nguwa axamaamiís, iri sihhiít, tlabaawós giri feehhamiís, se'eengós nee daamoórose giri deéqw as tsuunqumis, iri yaamií huú' ar gura', Mungú guri sluufiís.

YOBU 2:10

Yobu hareerós gari mu/aywaáts, iri oó', «Kiíng adór tar axwes a adór /ameenár daktana ir axweemaamis. Bar muruú hhó' una dír Mungú wa ilaoohaán, gár muruú tlákw kus ilaoohanaaká a milá?» Baraá muruuwí sleémeero Yobu /aymuú tlaákw afkose gwaa ooiiká.

WARA'AMI 103:1

Muunaáeé', AAKOÓ MUNGÚ diidi'iimiseek! Umuúqo gár baraaeé' i diriia' umuú hhoohhoó' oo AAKOÓ MUNGÚ ngu diidi'iimis!

WARA'AMI 103:8

AAKOÓ MUNGÚ i haats gurtleemu nee hhooeemawo. I gaanslár buhhabuhhiika, nee sla'aarirós i baloó warqeeraaká.

WARA'AMI 39:9

Aga xasliít afkwe'eé' ugwa mutsutsuú'. Asma kuúng an kudá' adoorí gaa tleehh.

WARA'AMI 95:6

Qwalaasé', u diidi'iimisaán nee u i tumbarara'ataán, a tumbarara'ataán dír geeraá AAKOÓ MUNGÚ, kudá' atén taa tleehh.

AXWEESANOÓ SAGALOOA 3:7

Miti kilók xuaar tawa heé sagaloó', AAKOÓ MUNGÚ ilaiwawa/eek, tlakweema ilaguweek.

DAHARUSMO 9:8

Tlabaawók umuú deélooro masók ki /awak, sagók di/tá slikiingw mingiwa dakuús.

Matayo 6:17

Ala kuúng bara gwaawiín, sagók slikeek di/ito, nee gitsee/aawók ki hamátl.

Luka 7:46

Kuúng sagw'eé' ugwa di/tár slikiká, ala /ameenirí ya'aaeé' gina mooyángw ar slík.

RUTI 3:3

Gimáy, tláw, hamtliím, di/i slikeek, tlabaawók awa hhohho' tsiiteek. Daqaní ta tleér ay didá' iwa haritleemisi. Ala inós kiíng miwa ár ay dír inós /ayma nee wahaango i hhe'eesi.

1 SAMUELI 15:25

Ala hamí un firiím tlakweemaaeé' gurtlaweek, qwaláng a alki/aán, as kahhó' aleesleemu nguwa slaw, oo AAKOÓ MUNGÚ nguwa sluufmiis.»

1 SAMUELI 15:31

Naagáy Samueli nee Saulo tari alkií/ ay Gilgali. Saulo AAKOÓ MUNGÚ guri sluufmiís.