2 SAMUELI 11:16 - Biblía Axweesantá Hhohho' ar Mungú 2004

¹⁶ Naagáy, Yoabu qoomár iwa gixsár harweerár áy, Uria guri qaás didií xui ar miguuse slaqwarár baal.

2 SAMUELI 11:16 Iomraidhean Croise

2 SAMUELI 11:15

Baraá slambare/idae Daudi gár aa gooín a tí, «Uria hhayuú geera ti qase', didá' slaqwara iwa tsimaamíhh, kuungá' ni alií ki/á', as kahhó' inós kuwa didií gaasi.»

2 SAMUELI 11:17

Yaamuloousér gixsarí nina fi'ít baraá gixsadá' wa ale, as tawa slaqwi nee Yoabu, sagadiyuusér Daudi kari tsuú/. Uria kuduú xoorór Hiti kuri gaás sleeme.

2 SAMUELI 11:21

Ahaá, heé Abimeleki garmoó Yerubesheti gwaa gaas a heemá? A /ameenír wák ar baraá gixsároóke, tidá' ta bay Tebesi, tlaa/ár xoosliingw ngiwa gawaá koo/ír wa kwáhh, tlaa/adá' Abimeleki guri gás? Asma milá masa tseewuuré' dír bihhaá koo/i?› Daqaní kuúng ku beer, ‹Tam sagadiyusmoowók Uria kuduú xoorór Hiti, inós sleeme aa gwaá'.› »

2 SAMUELI 3:27

Abneri niwa kií/ Hebroni, Yoabu guna ar bihhií suruúk dír afkú do' kuwa áy adór kwaáo' axweesantá tar suufi in deer. Nee inós tawa didií sihhiít, Yoabu guruú Abneri guri muút. Abneri iri gwaá', asma Abneri Asaheli, hhiyoó Yoabu, guna gaás.

1 WAAWITÁ 2:5

«Tam adoorihe, kuúng a xú' adoodá' Yoabu aníng iga laáq, garmoó Seruya, adór geeraharuusér tsár ar slaqwaruusér Israeli ngaa laáq, Abneri garmoó Neri nee Amasa garmoó Yeteri. Inós tseere gana ku'uús qoomár wayduuwo as marmá ngiwa bui ar qoomaadár slaqwara. Inós múk dakuús wásl guna tsuú/, án afkós nguri /aáy, asma tlehhimi'iiwós kudá' aa tleéhh iga slahh'eesiyé'.

2 WAAWITÁ 10:6

Yehu gina malé barwito'ór hatlá' i gooín, iwa kaahi, «Kuungá' barqo tsuwa bartaeé' diriá', nee tidá' aníng naa oó' a tlehhá', gimsé' matlo qoomár adór tihe sagér daaqoó waawutmo Ahabu huwaare'.» Daaqoó mibeeri faanqw oo waawutmo Ahabu dír i hooti a baraá maraá geeraharuusér múk gixsár Samaria. Inooín an múk na/iidá' gaa ureemiis.

AXWEESANOÓ SAGALOOA 29:12

Geeraharusmo bar i lameemaá axamiis Alee/isuuseerós sleémeero tlakweema gin i xupú'.

HOSEA 5:11

Múk Israeli kwaa baramaanuús baraá kwasleemaro, asma inooín taa tsabín loohír qwanaay eeharto.

Tlehhema'aá ya/Abuuse 5:29

Petro nee ya/abuuse tari oó', «Gár atén tiwa hariím a Mungú un iialooeemisaán ta múk aleesleemuú kooma.