2 SAMUELI 11:11 - Biblía Axweesantá Hhohho' ar Mungú 2004

¹¹ Uria Daudi guri báy, «Sandakmoó alqado dinkwa nee múk slaqwara sleémeero oo Israeli nee oo Yudawo ta baraá xafáy dirii' as slaqwara. Aakooeé' Yoabu nee sagadiyuuserós sleémeero xafaay kwa tleéhh baraá darma. Xáy, i qoónda aníng niwa waatl amór doo'eé' niwa iwtanángw aw, nee wahaangw nee /ayma, niri qaát nee harer'eé'? Aníng adoosíng a tleehhaaká, bara tleéhh tam ni gwaá'.»

2 SAMUELI 11:11 Iomraidhean Croise

2 SAMUELI 11:10

Daudi kuwa kaangwí báy adór Uria ira watliiká amór do'ós, Daudi Uria guri yaahaás, «Kuúng a baraá aa'aá dahhkáhe, masa watlká amór do'ók?»

2 SAMUELI 14:19

Waawutmo gari yaahaás, «Xáy Yoabu i baraá kaangwí dirií'i?» /Ameenidá' iri ó', «Ar ló', aakooeé' waawutámo, ar adoodá' kuúng tar slafafiinda, heé kwirhhita ga aleesláw, bihhaá doó /iyáy, laqaá bihhaá doó basáy, i kaahh, gawaá daanduú kangwsíng taa oi, aakooeé' waawutámo. An inós heé axweesantí sleémeero nga aníng bay, tí aníng ar sagadiyuso'oorók naa dirógi oó'.

2 SAMUELI 20:6

Daudi Abishai guri báy, «Hamí, Sheba garmoó Bikri, atén ti slahh'ees Absalomu ba/a. Sagadiyuuser'eé' huweek, Sheba leelehheek, miwa dáh baraá gixsadaá koo/i gawden, iri kotsqoot, kuri aranaaká male ale.»

2 SAMUELI 7:2

Waawutmo Daudi iri oó' dír Natani, kuduú aarusmo, «Áx qayteek, aníng dír ni hoot a baraá doó taa tleéhh ar xaa'aá sahhta, ala sandakmoó Mungú dír i hooti a baraá heéma.»

2 SAMUELI 7:6

Iimír múk Israeli nguwa baraá yaamaá Misrír wa tuú/ ay laarí aga baraá dó'wa hootiiká. Ana hi'iimiít, umuú diiro hotangw'eé' a baraá heémár Mungú.

FAARO 32:6

Mose mukuú tlahhoó Gadi nee oo Reubeni giri mu/aywaáts, iri oó', «Xáy a sla'á'a kuungá' tawa diirií meta', nee múk Israeli, hhaeehúng, tawa tlay baraá slaqwara?

Yohana 13:14

Ala bar anuúwí oo Aako nee Intsaahhatusmo ya'aahúng ngina hamtliít, gár kuungá' tunduwa hariím a tin ya'a' hamtlitá'.

2 Timoteo 2:12

Atén bar aga qiitlaán, a alwaawuti'iimaán dinkwa nee inós sleeme. Atén inós bura sa tlaankaán, inós sleeme atén ti sa tlaank.

1 SAMUELI 1:26

Hana Eli guri beér, «Aá aakooeé', adoodá' kuúng tar slafa, aníng an /ameenidá' naa dirók i tseewuur qoomár niwa sihhmiit, AAKOÓ MUNGÚ nguri firiím.

1 SAMUELI 14:18

Naagáy Saulo Ahiya guri báy, «Sandakmooduú alqadór Mungú diirií huwang.» Asma sandakmooduú Mungú qoomaadae i dír múk Israelirí dirii'.

1 SAMUELI 17:55

Saulo Daudi nguwa ár iwa amór Goliati kay, Abneri geeraharusmooduú slaqwaruuseerós guna yaahaás, «Garmaawí oo heemá?» Abneri guri báy, «Ar adoodá' kuúng tar hotatiinda aníng u xuaaká.»

1 SAMUELI 20:3

Daudi iri oó', «Baabuúwók ga xuu', adór kuúng aníng ir slá', iri baraá muunaáwósí oó', ‹Kaangwí Yonatan munguwa xuú', miwa gurhamuút.› Looeemaawo adoodá' AAKOÓ MUNGÚ ir daadeér, nee adoodá' kuúng tar slaf, gwa'ara naa tseewuúr dir'eene.»

1 SAMUELI 25:26

Hamí aakooeé', adór AAKOÓ MUNGÚ slaáf ir daadeér, nee adór slafiingók i dirii'i, hamaá ga/eéra adór AAKOÓ MUNGÚ dakók ngura ilaá/, marmá aga bu'ká tseerdu kiwa ku'us, nee kuúng tari dakús. Wakuuseerók maweek, nee kudá' sleémeero kuúng u ar tlaákwí sla'á', i daktana tleehhitiye' adór Nabali wa ale.

1 SAMUELI 4:4

Naagáy muu kuri ya/aáw ay Shilo, sandakmooduú alqadór AAKOÓ MUNGÚ Aleesleemusmo kunguri huúw, Munguúdá' hotaawós gáwtií diriiá' dír keruúbiro. Daaqaydá' tsár oo Eli, Hofni nee Finehasiwo, ta baraadií dirii' dinkwa nee sandakmoduú alqadór MUNGUHE.