2 SAMUELI 11:1 - Biblía Axweesantá Hhohho' ar Mungú 2004

¹ Umuúqo iimu/úngw kurkú /abene an qoomár waawitá iwa baraá slaqwaraárí tlaatlay. Daudi Yoabu guna ya/aáw nee geeraharuusero dinkwa nee múk Israeli sleémeero tawa slaqwarár ay. Inooín múk Amoni kuri baál, kuri barti'íni óh, nee gixsár Raba kari harweér. Ala Daudi iri meét Yerusalemu.

2 SAMUELI 11:1 Iomraidhean Croise

2 SAMUELI 10:14

Múk Amoni ngiwa ár adór múk Aramu ira goów, inooín sleeme tari goów geeraá Abishai wa ale, tari dáh baraá gixsa. Yoabu slaqwarár nee múk Amoni gari máy, iri kií/ ay Yerusalemu.

1 WAAWITÁ 20:22

Naagáy aarusmoodá' iri amór waawutmoó Israeli káy iri oó', «Gimáy ti amohhe'es ló' wa alé, asma qoomár tsaaqwaaro waawutmoó Aramu slaqwaraaro i malé kii/.»

1 WAAWITÁ 20:26

Ala qoomár tsaaqwa waawutmo Ben-hadadi mukós guna burumbuúr, tari tláy ay gixsár Afeki as tawa slaqwi nee múk Israeli.

1 QOM'I 20:1

Qoomár kurkú /abén bir iimu/uu/ún, waawitá in slaqwarár aa'áy. Qoomaarihe Yoabu múk slaqwara guna geerahaár as yaamaá múk Amoni ngiwa hayohiya', nee gixsár Raba gari harweér. Ala waawutmo Daudi ina meét baraá Yerusalemu. Yoabu gixsár Raba gari i haratláy gari hhitín.

2 QOM'I 36:10

Alaá kurkú wák iwa waaraáhh waawutmo Nebukadnesa mukós guna ya/aáw Yehoyakini kuwa huwi baraá yaamaá Babuloni dinkwa nee xosluudá' tlaxo uren ar Doó AAKOÓ MUNGÚ. Sedekia hhiyoó Yehoyakini guri waawutmoó Yuda nee oo Yerusalemúr wa qaás.

WARA'AMI 60:9

A heemá heé aníng i huúw dír gixsár koo/irós taa gawdeés? A heemá heé aníng i geeraahaár tay Edomu?

DAHARUSMO 3:8

Qoomár sla'aari nee qoomár aahhi. Qoomár slaqwara nee qoomár wayda.

YEREMIA 49:2

Gawaá adoorihe, AAKOÓ MUNGÚ i kaahi, «Ga/aawaak, deelo ni hardát ar aníng slaqwara ngiwa tlees, /aa/e kiri axaas baraá Rabár Amoniro, inós tari ufuú xwaansláy, nee ayeemaá iisaapaywós kiri daa/ ar asla, aluuwo mukdá' múk Israeli gwaa aal, kuri aal nee múk Israeli.

YEREMIA 49:3

«Múk Heshboni, tsuunqumisé', asma gixsár Ai ka hhaamiis. Ala kuungá' dasuú Raba, /aa/amiimé', guniyadu siinootaak. Tsuunqumisé' nee tii'iimé' amorqá' nee tiqae baraá afeenarhunge. Asma munguú dá' ta bay Milkomu ku huuw baraá loohaay dinkwa nee kaahamuuseerose nee sagadiyuuseerós.

ESEKIELI 21:20

Lohduudá' paánga ir waarahh laqameek, ar wák tidá' hardáh dír gixsár Raba tidár múk Amoni, nee ar hatlá' laqameek ar amór gixsadár Yerusalemúr kaw, tidár yaamaá Yuda tidár koo/i gawit.

AMOS 1:14

Gawaá adoorihe aníng asla a qaás gawaá koo/ír gixsár Raba, asla koo/irós tidá' gawit gari /ák. Deeloodár slaqwaraaro tsimaahhi ka ló'wá ur, nee slaqwara ka ló'wa hhamhhám adór bambaao.

SEKARIA 14:3

Diirí an dír AAKOÓ MUNGÚ niwa ti'iiti, inós nee xoorduuká' tiri muxiyá' adór /iisí ir slaqwaaqun.

DABE 3:11

«Waawutmo Ogu an heé alhhe'eesáy oo múk Refai. Sandakmoowós kuna tleéhh ar muqsli, tlenaangós a miíta tsiyáhh, nee bihheero a tsaxwaá miíta tsár, qoomoó alhotaariro. Sandakmoodá' tam ay hamí i deer baraá gixsár Raba ar múk Amoni.

1 SAMUELI 18:30

Slaqwaruusér Filisti iri slaqwarár eér amór múk Israeli, ala umuúqo qoomár tawa slaqwi, Daudi in baalaalín, sagadiyuusér Saulo ba/a, gawaá adoorihe umuú Daudi iri iia tleerúy.