2 SAMUELI 10:9 - Biblía Axweesantá Hhohho' ar Mungú 2004

⁹ Yoabu ngiwa ár adór slaqwara ila' ngira da/atemís gawaawoósií ale, geera nee aluuwo, miguuse ar slaqwarár ngi baal gina tsawaár baraá mukduú slaqwara oo Israeliro, giri geera kawís, tari haraaganaaiyé' nee múk Aramu.

2 SAMUELI 10:9 Iomraidhean Croise

2 SAMUELI 10:10

Yoabu mukduú hatlá' oo slaqwara guna saayín dír Abishai hhiyaawós, as mukwí nguwa geerahari, Abishai mukwí guri amohhe'eés tiwa haraaganaaiya' nee múk Amoni.

2 SAMUELI 10:8

Múk Amoni tindina ti'iít as slaqwara, tari amohhe'eesiyé' dír afkú slumtá gixsár Rabár wa ale, an gixsar'ín ar ur. Ala múk Aramu inooínaadá' Sobár dahhá' nee oo Rehobúr daáhh, nee mukdá' Tobúr daáhh, nee Ma'aka, tina amohhe'eesiyé' baraá tse/aá /awaák wa ale.

2 SAMUELI 18:2

Daudi slaqwaruuseerós gana qasiís baraá daqooroó tám, giri ya/aáw baraá slaqwara. Daqtá geera geeraharusmooín a Yoabu, daqtá tsár geeraharusmooín a Abishai, garmoó Seruya, hhiyoó Yoabu, nee daqtá tám ar Itai heé Giti. Waawutmo Daudi sleémeero giri báy, «Aníng nee kuungá' tin alkoomaán.»

2 QOM'I 13:14

Múk Yuda tawa alií qaytsiít tari da'ayuút, kawa ár kaa harweér, niri /aa/iyé' dír AAKOÓ MUNGÚ, kaahamuusér Mungú tarumbeetadu giri ufáhh.