2 SAMUELI 10:8 - Biblía Axweesantá Hhohho' ar Mungú 2004

⁸ Múk Amoni tindina ti'iít as slaqwara, tari amohhe'eesiyé' dír afkú slumtá gixsár Rabár wa ale, an gixsar'ín ar ur. Ala múk Aramu inooínaadá' Sobár dahhá' nee oo Rehobúr daáhh, nee mukdá' Tobúr daáhh, nee Ma'aka, tina amohhe'eesiyé' baraá tse/aá /awaák wa ale.

2 SAMUELI 10:8 Iomraidhean Croise

2 SAMUELI 10:6

Múk Amoni kawa tsaáhh adór Daudi kura buhhtís, múk slaqwara oo ya'ár hi'iít oo kume mibeeri tsár kuna tlaáxw amór múk Aramu wa ale, inooín a múk yaamaá Bet-rehobu, nee yaamaá Sobaro. Nee múk slaqwara oo kume mibaá nee tsár guri tlaaxw oo yaamaá Tobu, nee múk kumuú wák oo waawutmoó yaamaá Ma'aka.

2 SAMUELI 10:7

Daudi kaangwí nguwa axaás, Yoabu guna ya/aáw tiwa kona' nee slaqwaruuse dinkwa nee miguuse.

2 SAMUELI 10:9

Yoabu ngiwa ár adór slaqwara ila' ngira da/atemís gawaawoósií ale, geera nee aluuwo, miguuse ar slaqwarár ngi baal gina tsawaár baraá mukduú slaqwara oo Israeliro, giri geera kawís, tari haraaganaaiyé' nee múk Aramu.

2 SAMUELI 23:34

nee Elifeleti, garmoó Ahasbai, oo múk Ma'aka, nee Eliamu, garmoó Ahitofeli, oo múk Giloni,

1 WAAWITÁ 11:24

Alaá Daudi múk Soba nguwa tsuú/, Resoni malguuse gana burumbuúr, inós nguri geeraharusmooín wa qaasiyé'. Naagáy Resoni nee mukós tari tláy ay Damasko, tari amoodá' wa hoót, Resoni kuri waawutmoó Damasko wa qaás.

1 QOM'I 19:7

Inooín gaardaá kume mibeeri tám nee tsár awa slaqwara ngina leehhiyé', waawutmoó Ma'aka nee slaqwaruuseerose xafay ngway tleehhiyé' iisapoó Medeba. Múk Amoni tiri burumbúr baraá gixsaduine, tay amohhe'eesiyé' slaqwaraaro.

1 QOM'I 19:9

Múk Amoni tiri amohhe'eés slaqwaraaro dír afkú dahamaá gixsa, waawitaádá' naa hardah as alee/isaay tana sihhiít dír yaamaá tlapa.

YEREMIA 40:8

inooín niri tlayé' ay dír Gedalia baraá Mispa. Mukwí inooín an xwaylár Ishmaeli garmoó Netania, nee Yohanani nee Yonatan daaqoó Karea, nee Seraya garmoó Tanhumeti, nee garmoó Efai kuduú Netofa, nee Yesania garmoó Ma'akati, inooín nee muk'ine tina alkoné'.

FAARO 13:21

Naagáy, mukdá' iri tláy, yaamuudá' kiri tsawtsawuusár áy iimír xaanxoó Sinír wa tleemu ay Rehobu, isaapoó loohír dahmuú aw Hamati.

YOSHUA 19:28

ay Ebroni ay Rehobu ay Hamoni ay Kana, iri hardáh ay gixsadá' ur ar Sidoni.

HAR'OHUUSE 1:31

Tlahhoó Asheri sleeme múk gixsár Akko ngwa guusi'iiká, tam kudá' Sidonír hoota'a, nee oo Alabúr hoota, tam oo Aksibúr hoota nee oo Helbár hoota nee oo Afekár hoota, tam oo Rehobúr hoót sleeme.

HAR'OHUUSE 11:3

Ala Yefta hhaeewós kuká' giri ilagoów, iri hotaá áy yaamaá Toburí ale, amoodae múk barawaslén guna i burumburiít, tari alkoomaakoné' qoomár barta gauú áy.

HAR'OHUUSE 11:5

Qoomár slaqwara iwa búhh, bariisér Gileadi tana tláy, Yefta kuri leéhh amór yaamaá Tobu,