2 SAMUELI 10:19 - Biblía Axweesantá Hhohho' ar Mungú 2004

¹⁹ Naagáy waawitá sleémeero kuduú sagadiyuusér Hadadeseri kawa tsaáhh adór múk Israeli kura harslaqaát, tari al'axweés tari waydiín dír múk Israeli, inooín tari lawaalér múk Israeli. Gawaá adoorihe múk Aramu aa baloó qiitliiká múk Amoni nguwa ale/iisi.

2 SAMUELI 10:19 Iomraidhean Croise

2 SAMUELI 8:3

Daudi Hadadeseri garmoó Rehobu, waawutmoó Soba, guri malé baál. Daudi ina baalín qoomár Hadadeseri iwa loohírí dirii'i, qoomár iwa yaamuudaá yaaér Eufratír ki/isár ay bartá waawuti'iimarós.

2 SAMUELI 8:6

Naagáy Daudi xafoó múk slaqwara guri tleéhh baraá gixsár Aramu ar Damasko. Múk Aramu tari lawaaleerós, kuna koódirí huwahuúw. AAKOÓ MUNGÚ Daudi guri baalirií haniís umuú dír aqo kayi.

1 WAAWITÁ 20:1

Ben-hadadi waawutmoó múk Siria, slaqwaruuseerós sleémeero gari burumbuúr. Inós kuri alee/iís nee waawituú hatlá' mibeeri tám nee tsár, dinkwa nee farsuuín nee gaardaá ta uuruxun nee faras. Gixsár Samaria gana haraweél tari slaáqw.

1 QOM'I 19:19

Sagadiyuusér Hadadeseri ngiwa aán adór múk Israeli kura harslaaqaát baaliro, inooín nay wayduú ayé' dír Daudi, Daudi giri lawaaleerós wa óh. Ala múk Aramu alee/iisár múk Amoniwo taa baloó ki/iiká.

ISAYA 26:11

Aá AAKOÓ MUNGÚ, dakók ugwa mak gáwtí tlés, ala inooín ngu ara'ariaaká. Ala sla'aarirók tidá' daanduú mukoge u tliw/iim ngi ariye', nee mureekeeseek, asltá wakuuseerók kawa i búhh inooín ngi hhaamis.

DANIELI 2:37

Kuúng waawutámo a waawutmoó waawitá, Munguú doori kuúng ugwa waawuti'iimár i haniís nee aleesleemu nee /uuru nee xirif.

YOSHUA 11:10

Alaá slaqwaraaro qoomár Yoshua niwa watli gixsár Hasori gari hayóh, waawutmoowós kuduú geeraharusmoó wawituú hatlá' guri gaás.

Geehhoeemaá 18:10

Inooín tari amór saáw i sihhiit as tawa da'ayumiiti slahh'eemisuuwós kudae. Tari ooi, «Gixsadá' ur ar Babuloni, gixsadá' /uuruú koom, hhiintluuwók ku gawít, asma ar qoomár niinawe sakwasleemarók ina i hardát.»

HAR'OHUUSE 1:7

Adoni-beseki iri oó', «Waawitaádá' mibeeri faanqw, kudá' aníng naa dugeenaá ya'a' tlaáq nee awa dabaawo, kudá' muruú /aymár aa paahh gawaá meésar'eé' wa ale ngu nuqmamisá', adoodá' aníng naa /imiís, Mungú li/aydá' ngwaa dir'eéní buú'.» Kuri huúw ay Yerusalemu, inós iri amoodií gwaá'.