2 SAMUELI 10:12 - Biblía Axweesantá Hhohho' ar Mungú 2004

¹² Ala /atláng, hhawaati'isáng, tawa slaqwaan as mukrén nee as gixsadaá Munguúrén, AAKOÓ MUNGÚ adoodá' atén wa qoom ngi tleehhi, adoodá' inós ngira ár.»

2 SAMUELI 10:12 Iomraidhean Croise

2 SAMUELI 10:11

Yoabu, Abishai guri báy, «Gám, barnaxes aníng tir ba/abaa/ /uuruwo, nee múk Aramu, daqaní kuúng haratla/a ngu eér as aníng iwa ale/iisár eer. Ala bar múk Amoni kuúng ur ba/abaa/ /uuruwo, aníng haratla/a ngu áw as kuúng uwa /iis.

2 SAMUELI 15:26

Ala bar AAKOÓ MUNGÚ aníng i slaiiká, naagáy, aníng ti amohhoó', inós umuú gaaro ar inós aa hhoeemaá wa ár bartose, ngi tleehhi.»

1 QOM'I 19:13

Gimáy, pihháng! Tawa migisan baraá slaqwaraaro as mukrén nee gixsadaá Munguúrén. Nee AAKOÓ MUNGÚ tidá' aa ár dirose qoom ngi tleehhi.»

2 QOM'I 32:7

«Ilakaahareesé', mune hhe'eesé', ma da'ayuumitaara', nee ma amooqwaqwadimara' dír geeraá waawutmoó Ashuruwo, laqaá dír slaqwaruuseerós sleémeero, asma kuduú dinkwa nee atén ku úr ta kuduú dinkwa nee Senakeribu.

NEHEMIA 4:14

Ngiwa ár adór muu ir daimiít, múk urén nee geeraharuuse nee muu sleémeero una báw, «Ma da'ayuumitaara' tam adór niiná, Aako na iinslawaak, adór kur úr, nee ir dae tlaáq, ala hhaeehúng na sageslaqwaak nee daaqayhunge nee dasuuhunge nee tlaawayhunge nee marayhunge.»

NEHEMIA 4:8

Nay dinkwár wa axweesiyé', tawa haratlay ay Yerusalemu, as tawa slaqwi nee tlaahhi ngiwa huwiya' baraá gixsarí ale.

ESTA 4:16

«Tláw, múk Yahudi sleémeero oo diirír Susarí dirií' burumbureek, ta gwaawiindá' as aníng. Ma /ayimaara' laqaá ma gaa wahaara' har afiqoomár deelo tame, xweera nee tlaatla/aango. Aníng nee sagadiyuuser'eé' a gwaawimaán sleeme, daqaní niri dáh amór waawutmo adoodá' dabe i sla'aká, ar naa hamat bar gwa'ara ni gwaá'.»

YOBU 1:21

Iri oó', «Nina daanduú yaamií hardáh ar /aankwets, an tláw daanduú yaamuwo ar /aankwets. AAKOÓ MUNGÚ, ngina haniís, nee hamí AAKOÓ MUNGÚ gara tláy, umuú AAKOÓ MUNGÚ i xirfuuti.»

FAARO 13:20

Yaamu xuuxuuaak, xáy i wahhaaría, laqaá yaamaá tawo kaahaar, nee i xaa'aá koná'a' laqaá i kahhiyá'. Kuungá' masók a pihh'uumár koondá', nee birni ki/á' masók mamaá yaamuudá' ngi bahh hubá'.» Qoomaadá' an qoomár mamaá sabiíbu iwa hamnoó slaiya'.

1 Korinto 16:13

Kuungá' dalaaé', sihhitano hhe'eesé' baraá haratlintaaorhunge. Kuungá' masók a gurkwa/á', nee masók a múk /uuruú koóm.

DABE 31:6

Kuungá' /atlé', nee munehhe'eesé'. Mada'ayumiitaara', laqaá munduwa dae tlaaqiyé'. Asma AAKOÓ MUNGÚ, Munguúhúng nee kuungá' tin alkoondá', inós i surukiiká dirhunge nee nu geexayká.»

DABE 31:7

Naagáy Mose Yoshua guri ateét dír geeraá múk Israeli, guri báy, «Gám piíhh, nee ilakaahareés, asma kuúng nee mukwí un geerahát ay baraá yaamuudá' AAKOÓ MUNGÚ aa lo'ór wa /aáy ngiwa haniisi dír baabi'iihúng, nee kuúng ki baraadií dahás ngiwa aaliya'.

Ebrania 11:33

Mukwí a múk haratlintaaór koóm. Inooín waawituú yaamaá hatlá' nguri baaliyé', adór ganaa' ngiri tleehhiyé', ngiri tsaahhiyé' adór al'axweesantá Mungú kara boo/eés. Slám inooín afér direeri ngiri tseegiyé',

Ebrania 13:6

Gawaá adoorihe atén adoorí a aleeslawaán ar haratlintaao ooaro, «Aako an alee/iisusmooeé', a da'ayumiitaaká. Hee gár i aníng i tleehhi a umós?»

YOSHUA 1:18

Heé hara'ayarók gaa aahh, nee oo axweesantók ga iialooeemisaaká, laqaá umuúqo gár kwaa beeri ga axamiisaaká a gaasa. Gimáy muuna hhe'eés nee migís.»

YOSHUA 1:9

Inslawiím adór aníng kuúng ura báw, gimáy piíhh nee ilakaahareés ló' wa ale. Ma da'ayumiitaar laqaá ma amoqwaqwadimaar, asma anuú AAKOÓ MUNGÚ Munguúwók a dinkwa nee kuúng amór taqo keera.»

HAR'OHUUSE 10:15

Ala múk Israeli ina kumiít axweesanto dír AAKOÓ MUNGÚ tawa kaahi, «Atén tlakweema iga tleehhaán. Ala tidá' kuúng ta sla' daandemoorene tleehheek, na'ás, atén laarí ti tu/.»

1 SAMUELI 14:12

Mukuú baraá guruú koo/idá' gawit Yonatan nee garmaadá' xooslarós kooma kiri báy, «Gimsé' qwalaas amoorén tí, daqaní atén garka ngi laqaamaán.» Yonatan garmaadá' xooslár koóm guri báy, «Gimáy án eeharáng, asma AAKOÓ MUNGÚ mukwí ngwa qaroó qaás baraá dabaá xoorór Israeli.»

1 SAMUELI 14:6

Naagáy Yonatan garmaadá' xooslaarós koóm guri báy, «Gimáy qwaláng mukwí taa al/utlinká u harawarahhaán baraá koo/ir'ínií ale, dooqa AAKOÓ MUNGÚ atén ti alee/iis, asma muu bar ku yaariír laqaá bar ku niiná, AAKOÓ MUNGÚ gu baqiiká mukós ba/amisaro.»

1 SAMUELI 17:32

Daudi iri oó', «Hee tumu wák ló' mukuwa de'e tsaát, nee migitá migusmoó múk Filisti. Anuú sagadiyusmoowók, heeqá' nee aníng ti araán.»

1 SAMUELI 3:18

Naagáy Samueli umuúqo /aymuuwo guna oó', oo aa duqún i kaahh. Eli iri oó', «Inós a AAKOÓ MUNGÚ. Inós adór i slai ngi tleehhi.»

1 SAMUELI 4:9

Gimsé', hhawaati'iisé' kuungá' múk Filisti, mutunduwa lawaale tleéhh nee múk Ebrania, adoodá' inooín tar lawaalerhúng, hhawaati'iisé' nee inooín tawa slaqwa'.»