2 SAMUELI 1:8 - Biblía Axweesantá Hhohho' ar Mungú 2004

⁸ Iri báy, ‹Kuúng a heemá?› Nguri mu/aywaáts, ‹Aníng a heé Amaleki.›

2 SAMUELI 1:8 Iomraidhean Croise

IIMU/UUNGW 14:7

Nina ki/iyé', nay hardihiyé' ay En-mishpati, ar ta bay Kadeshi. Yaamaá múk Amaleki sleémeero kina baál, nee múk Amori kudá' Hasason-tamarír hoót kuri baál sleeme.

2 SAMUELI 1:13

Daudi garmaadá' kaangwí ngwa huuw guri báy, «Kuúng a dáhh?» Garmaadá' iri mu/aywaáts, «Aníng a garmoó xoroór Amaleki.»

2 SAMUELI 1:7

Inós iwa aluuwós i qaytsiít, aníng ina ár, iri ateét. Aníng narí oó', ‹Aníng a diirí.›

2 SAMUELI 1:9

Iri báy, ‹Qwaláng, bihhaaeé' i tsewuwang án alhhe'eesáng gaasaro, asma aníng taa istá gwa'araárí qaás, aníng aga ló'wa slahhaá'.›

FAARO 24:20

Aluuwo Bala'amu múk Amaleki guri i qaytsiít, aarirós tí gari oó', «Amaleki a xoorór /uuruú koom ta xoordaá hatlá' sleémeerowo, ala alhhe'eesaywo kin hhaamiis ay alhhe'eesay wasle.»

1 SAMUELI 15:3

Tláw múk Amaleki tsu/eek, nee muruuín sleémeero oo taqo kona hhaamiiseek, tam panmo sleeme miwa meét, /ameena nee hhawaateewo tsu/eek, mindiwa meetiyé', nee sleeme tam na/ii nee qaweerowo, hikwa nee bee/aango, angamía nee daqwaayeero sleémeero qororo'ooseek.› »

1 SAMUELI 27:8

Baraá afiqoomaadae Daudi nee mukós tana slaqwarár áy amór múk Geshuri, nee múk Girisi nee múk Amaleki. Inooín an yaamuloouusér yaamuudá' iimír aange. Giri haraadáh baraá yaamuuínií ale, ay yaamaá múk Shuri, kudaá digma nee yaamaá Misri.

1 SAMUELI 30:1

Bál tám aluudae, Daudi nee mukós tana kií/ ay Siklagi. Múk Amaleki yaamaá Negebu gaa qaroó i haratláy dinkwa nee gixsadaá Siklagi, kiri daá/ ar asla.

1 SAMUELI 30:13

Daudi heé aáng guri yaahaás, «Kuúng aakoowók a heemá? Nee amór ta dahh a amá?» Inósuudá' iri oó', «Aníng a garmoó Misri, a sagadiyusmoó heé wák oo Amaleki, aakooeé' ina alií geexáy deelo tám aa waaráhh, as aníng niwa tiiq.

1 SAMUELI 30:17

Daudi gina harati'iít matlaatleero, gina laaláy muxtaaro ay tsiindaá bál tsár. Tam hhawaatuú aa /úy i kaahh, aqo har daaqayko tsiire tsiyáhh oo aa tsa/a/an gawaá daandemaá angamía, tari goów.