2 SAMUELI 1:3 - Biblía Axweesantá Hhohho' ar Mungú 2004

³ Daudi guri báy, «Kuúng a dáhh?» Inós iri oó', «Aníng nina /akuút baraá kitángw slaqwarár Israeli wa alé.»

2 SAMUELI 1:3 Iomraidhean Croise

2 SAMUELI 1:2

Bál tám iwa xeér, heeko wák oo amoodár kitángw slaqwaruusér Saulo i dirií', ina hardáh dír Daudi. Iri tumbarara'aát geeraá Daudi, guri xirfayeemiís. Heewí tlabaawós kinga feehhamamiís, nee sagós i teerír kón.

2 SAMUELI 1:4

Daudi heedaádá' guri báy, «Adór taa /imiís a adoomá? Dir'eé' ooang.» Heedaádá' guri mu/aywaáts, iri oó', «Muu naa baraá slaqwarár wa goów, slamí múk yaariír kwaa daásl. Saulo nee garmaawós Yonatan sleeme kaa tsuú/.»

2 WAAWITÁ 5:25

Gehasi iri dáh baraá doó Elisha, Elisha Gehasi guri yaahaás, «Amór taa keér a amá?» Gehasi iri oó', «Anuú sagadiyusmoowók amór naa káw i káhh.»

1 SAMUELI 30:13

Daudi heé aáng guri yaahaás, «Kuúng aakoowók a heemá? Nee amór ta dahh a amá?» Inósuudá' iri oó', «Aníng a garmoó Misri, a sagadiyusmoó heé wák oo Amaleki, aakooeé' ina alií geexáy deelo tám aa waaráhh, as aníng niwa tiiq.