2 SAMUELI 1:16 - Biblía Axweesantá Hhohho' ar Mungú 2004

¹⁶ Daudi guri báy, «Dakók oo kilá' kuúng un sakii/, asma afkóguú kilae ana lamabu'uún tawa ó', ‹Heedaádá' AAKOÓ MUNGÚ aa iimbalaáx aníng una gaás.› »

2 SAMUELI 1:16 Iomraidhean Croise

2 SAMUELI 1:10

Gawaá adoorihe aníng nari tseewúw bihhaawós, nguri gaás. Asma aníng a xuú' looeemaá kilae i ya/aandaaká iwa kumiiti slafiingo alaá iwa huú'. Slamangwduú gawaá sagós nee mungayduú gawaá dakós ngiri duúx, nee hamí areeng ngaa huúw dír geeraawók, aakooeé'.»

2 SAMUELI 16:8

AAKOÓ MUNGÚ kuúng ugwa li/áy buú', as tseerduudá' taa ku'umaamís awa múk doó Saulo, kudaádá' hamí kuúng taa waawuti'iima ót. Hamí, AAKOÓ MUNGÚ waawuti'iima gaa haniís dír Absalomu, garmaawók. Qaytsiít kuúng tu hhaamiis, asma kuúng a tsu/uutusmo.»

1 WAAWITÁ 2:37

Asma bál bara ti'ít yaaér Kidroni kay waaráhh, ka xú' a gwá', nee dakuusasíng a tók.»

YOBU 15:6

Axweesantók ar kilá' kuúng una sakí/, a aningeeká, /Aymi'iiwók kuúng un lamaabu'uná'.

AXWEESANOÓ SAGALOOA 6:2

daqaní taa kilók ót ar axweesanaywók, taa kilók nagwáhh ar al'axweesantók.

ESEKIELI 18:13

hee burngwa gaárií haniís, aldaafi gan iinuus, nee slaasláwár yaariir ga leelehhiit, xáy, na/aywí iqo tsuwa hoóti? Aasla'áy i baloó hootiiká. Asma na/aywí muruú aníng ni ahhiit sleémeero guna tleéhh. Ar ló', inós i gwaa', a inós kilós in gwaa'.

ESEKIELI 33:5

Oo afór tarumbeéta gaa axaas, nee gurbua gari waaqaá', slafiingós i gawaá dabaawósií dirii'. Ala barnaxes afoodá' gaa iiaárií qaás, slafiingós gwaa ba/amís.

TLAHHOÓ LAÁWI 20:16

/Ameeni bira tseewuúr dír makiito'o as tawa qaati, gár kawa hariím a gaasa, nee makiito'oodá' sleeme. Tseerduuín i gawaá daandeemooín.

TLAHHOÓ LAÁWI 20:27

«/Ameeni laqaá hhawaata awa giaá duxuumá', laqaá awa da/ariirimá', gár kiwa hariím kin tlaquut ar tlaa/e, kiri tsuu/, tseerer'ín i gawaá daandeemooín.»

TLAHHOÓ LAÁWI 20:9

«Heé baabuúwós laqaá aayoorós gi lu'umís, gár kuwa hariím a gaasa. Heé baabuúwós laqaá aayoorós gaa lu'us, tseereerós i gawaá daanduuwós.

Matayo 27:25

Muu sleémeero iri oó', «Tseereerós atén nee na/iirene ti i ki/.»

Luka 19:22

Aakoodá' iri oó', ‹Kuúng a lawaalmoó tlaákw. Aníng kuúng u sakwasleemuút ar /aymi'iiwók kwisingá'. Ala kuúng bar xú' aníng a /akusmo, nee an leehhihhiím didaádá' gaa ngiwa qaasiiká, slám a bu'uúm didaádá' niwa dahaasiimiiká,

Tlehhema'aá ya/Abuuse 18:6

Múk Yahudi axweesanayduú Paulo guri sií', kuri /ooslislín. Paulo giri teerír baraá tlabaawósí kuukuú', iri oó', «Kuungá' bar aga qwadé', a daandeemoohúng. Gár án i huuw i káhh. Iimír hamí aníng aga tláw amór múk xoordaá hatlá'.»

Tlehhema'aá ya/Abuuse 20:26

Gawaá adoorihe laarí án kuungá' nu baw ar geehhooeema, hee dirhunge bira qwaár, a daanduueeneeká.

Rumi 3:19

Ala a xuaán axweesanaydá' sleémeero hara'aya i kat, kwaa oó' dír mukdá' sleémeero baraá waawuti'iimár hara'ayár wa hoót. Gár axweesanaywí oo hara'aya kusa oó', a umuúqo heewo kuwa xasltisi, nee muu sleémeero kuwa sakwasleemuuti nee Mungú.

DABE 19:10

as heé dakuúsár koomaaká mukuwa gaás baraá ayaahúng kudá' AAKOÓ MUNGÚ, Munguúhúng ni dír kuungá' i haniisi, nee gawaá adoorihe kuungá' nuri dakuúsár tsu/utár áy.

YOSHUA 2:19

Ala barnaxes hee naa tsee/ií ti'iít baraá do'oge, gwa'ararós i baraá dabaawós i dirí', atén a dakuúsár koomanaaká daanduuwose. Ala heéqo baraá do'ók i dirií' nee kiíng aldinkwa burkwa slahh'eés, daqaní dakuúsasíng a toorén.

HAR'OHUUSE 9:24

Adoorí ina tlehharút as tawa bu'utuú li/aydá' Abimeleki daaqoó mibeeri faanqw oo Gideoni nguwa tsuú/ qoomár kuwa alee/iís nee hhaeewós awa yaamaá Shekemu.

1 SAMUELI 25:39

Daudi ngiwa axaás adór Nabali ira gwaá', iri oó', «AAKOÓ MUNGÚ i xirfuuti kudá' marmaádá' gaa buu' dír Nabali, as aníng iwa /oosliislín. AAKOÓ MUNGÚ aníng iga pa/ás gár tlaakw ngiwa tleehh. AAKOÓ MUNGÚ marmá gana buú' gawaá Nabali as tlakweemaawós.» Alaá kaangwí iwa hhooáy Daudi muu guna ya/aáw amór Abigaili kawa lehhtuú ay as Daudi, asma gaa waatlakweés.

1 SAMUELI 26:9

Ala Daudi Abishai guri báy, «Inós mu gaasaar, asma heé taa tsawaár nee AAKOÓ MUNGÚ, guri iimbalaáx ar di/i, heé gu qiítl looloqosaro a heemá iri dakuúsár konká»