2 SAMUELI 1:11 - Biblía Axweesantá Hhohho' ar Mungú 2004

¹¹ Daudi tlabaawós giri óh, giri feehhamiís. Mukdá' nee inós dinkwa tlabaaín sleeme ngiri feehhamisiyé'.

2 SAMUELI 1:11 Iomraidhean Croise

IIMU/UUNGW 37:29

Reubeni iwa kií/ amór hhalaangw, laatí Yosefu i kaahh baraá hhalaango. Inós tlabaawós giri feehhamiís as gurhaami.

IIMU/UUNGW 37:34

Yakobo tlabaawós giri feehhamiís, guniyadu giri tsiít, iri tsuunqumiís, garmaawós kudá' guri al/aa/amín deelór yaariire.

IIMU/UUNGW 44:13

Tlabaaín kiri feehhamiís gurhaamiro, huwaaín kiri tsa/aás gawaá daqwaaye, tari kií/ baraá gixsár i alé.

2 SAMUELI 13:19

Naagáy, Tamari da/ara gari slík gawaá sagós, hiyaywós kudá' guri feehhís, dabaawós giri qás gawaá saga, iri tleér i haratseeamiín /aa/eewo.

2 SAMUELI 13:31

Waawutmo Daudi iri sihhiít, gurhamiro tlabaawós giri feehhamiís, iri gwangwara'aát yaamu. Tam sagadiyuuseerós tidá' dír bihhiwós wa sihhmiit, tlabaaín giri feehhamís sleeme.

2 SAMUELI 3:31

Waawutmo Daudi Yoabu nee mukdá' sleémeero dinkwaárií diriiá', giri ádbáy, tlabaaín kiwa feehhamiisi, tlabaá guniyadu kiwa tsiiti, ta tsuunqumiisi as gwa'arár Abneri. Qoomár kuwa foolár ay, waawutmo ina alaá tuuaadá' wa eeharín.

2 WAAWITÁ 5:7

Waawutmoó Israeli barwito'oodá' ngiwa soomuús, tlabaawós giri feehhamiís, iri oó', «Ahaá inós ngi xui aníng an Mungúhe, kudaádá' hee gu gaás nee gu slafís, tam waawutmoowuú Aramu niri amor'eéní ya/abín as heewuú tiqtír tsatmit nguwa hungu/uus. Gám ga/aa/awaak heewí i gilaá leeleehhiit dir'eéní aleeró.»

2 QOM'I 34:27

Asma kuúng muunaáwók kuwa hhoó' nee tiri niinawés dír geeraaeé', nee tlabaawók kiri feehhamís, nee tari /aa/amiín, qoomár axweesanay'eé' kuwa axás daanduú yaamuukae, nee daanduú yaamuloouuser'ine, tiri niinawés dír geeraaeé'. Anuú AAKOÓ MUNGÚ kuúg ugwa axaás.

ESRA 9:3

Aníng adoorí ngiwa axaás tlabaaeé' ngiri karslimiís nee hiyay'eene se'éngw sagw'eé' nguri tu/uúm nee daamor'eene as gurhaami, niri iwiít as dae.

ESTA 4:1

Qoomár Mordekai muruudá' aa tleehharuut nguwa xuú', tlabaawós giri feehhamiís, guniyadu giri tsiít, tari sliík ar da/ara, iri waaraáhh ar baraá tla/ángw gixsa, /aa/eewo iri gáwtí tseé'.

YEREMIA 36:24

Ala tam waawutmo nee sagadiyuuserós axweesanaydá' sleémeero kwaa axaasi, inooín taa da'ayutiiká, nee sleeme tlabaaín kaa feehhamiisiiká as gurhaami.

Yoeli 2:13

Tlabaahúng mi feehhamisaara', ala munerhúng na warqeesaak.» AAKOÓ MUNGÚ, Munguúhúng, na i waya'aak, asma inós ku gurhhoó', slám i gurtleemuú kón, ku inslahheeká buhhtaawo, i haats sla'aarír warqawaakahe. Tam sakwasleemadá' aa oó', ga ya/án meemuwo.

Tlehhema'aá ya/Abuuse 14:14

Qoomár Barnaba nee Paulo kaangwí kuwa axaás, inqwaruuín kuri feehhamiís, tari ta'aaín, tari dáh baraá tla/ángw boo/aydá', ta tsimahhuus, ta kaahi,

Rumi 12:15

Qwalala/é' dinkwa nee mukdá' qwalalaá/. /Aa/amiimé' dinkwa nee mukdá' /aa/amiím.

YOSHUA 7:6

Yoshua nee bariisér Israeli tlabaaín ngina feehhamisiyé' as gurhaami, inooín tari gwangwara'amiít dír geeraá sandakmoó alqadór AAKOÓ MUNGÚ. Nina didá' wa iwaawitiyé' ay tsiindo, slám sager'ín ngaa teerírí qamaaminé'.