2 QOM'I 5:2 - Biblía Axweesantá Hhohho' ar Mungú 2004

² Aluuwo Solomon bariisér Israeli nee múk urén oo tlahh'aá Israeli, nee geeraharuusér maraá baabi'i sleémeero gari burumbuúr baraá Yerusalemu, asma sandakmoó alqadór AAKOÓ MUNGÚ nguwa leehhiya' baraá gixsár Daudi tidár Siyoni.

2 QOM'I 5:2 Iomraidhean Croise

2 SAMUELI 5:7

Tam adoorihe, waawutmo Daudi gixsár Siyoni gana hayóh tidá' taa harweér ar koo/ír gawit, tari gixsár Daudi.

2 SAMUELI 6:12

Waawutmo Daudi ngiwa axaás adór AAKOÓ MUNGÚ múk doó Obed-edomu ngura tsuúq nee muruuwós sleémeero oo i kona, asma sandakmoó Mungú, Daudi sandakmoduú alqado guri leéhh dír do'duú Obed-edomu, guri huúw amór gixsár Daudi ar bara/.

1 QOM'I 15:1

Daudi maraywós gina tleéhh baraá gixsár Daudi nee dír Sandakmoó Alqadór Mungú gari amohhe'eés, guri heémárí tleéhh.

1 QOM'I 15:12

Daudi inooín giri báy, «Kuungá' a múk urén dír afér maraá hhay Laáwiwo, ti hheehhe'ese' kuungá' nee hhaeehunge, as kahhó' sandakmoó alqadór AAKOÓ MUNGÚ, Munguú Israeli, nguwa huba' amór kitangwdá' aníng naa amohhe'eés inós wa alé.

1 QOM'I 15:25

Naagáy Daudi nee bariisér múk Israeli nee geeraharuusér slaqwaruusér kume tay tláy as sandakmoó alqado oo AAKOÓ MUNGÚ kuwa leehhi doó Obed-edomu ar bar/uú yaariír.

1 QOM'I 15:3

Daudi múk Israeli sleémeero guna burumbuúr Yerusalemu, as sandakmoó AAKOÓ MUNGÚ kuwa huwi didá' inós aa amohhe'eés sandakmoó wa ale.

1 QOM'I 16:1

Inooín sandakmoó alqado oo Mungú nguna dahaasiyé', ngway qaasiyé' baraá heémadá' Daudi aa amohhe'eés as inós. Inooín ilahhooár da/a nee ar wayduuwo kay haniís dír geeraá Mungú.

1 QOM'I 24:31

Kuká' sleeme kina tsawdoórí tleéhh ar adoodá' tsawdór hhaeeín awa daaqoó Aroni kara tleéhh, dír geeraá waawutmo Daudi wa ale nee Sadoki, nee Ahimeleki nee dír geeraharuusér tlahh'aá kaahamuusér Mungú, nee ar tlahhoó Laáwi.

1 QOM'I 24:6

Goousmo Shemaya garmoó Netaneli oo tlahhoó Laáwi inooín gina dír geeraá waawutmo Daudi wa gooín, nee dír geeraá geeraharuuseerose, nee awa kaahamusmo Sadoki nee awa Ahimeleki garmoó Abiatari, nee geeraharuusér maraá kaahamuuse nee tlahhoó múk Laáwi. Doó Eleasari tsawdór geera guna sleér, nee doó Itamari tsawdór tsár guna sleér.

1 QOM'I 26:26

Shelomotiwí nee hhaeewós kina qaás tawa múk peésár doó Mungú ga amohhe'eemiís, nee xoosladá' sleémeero tidá' waawutmo Daudi aa paraátl as AAKOÓ MUNGÚ, inós nee geeraharuusér tlahhi'i, nee geeraharuusér kume, nee ar tsiire, nee geeraharuusér slaqwaruuse.

1 QOM'I 28:1

Waawutmo Daudi geeraharuuse sleémeero ar múk Israeli gana burumbuúr baraá Yerusalemu, nee múk urén oo tlahhi'i, nee geeraharuusér mukdá' waawutmoó sagadiyuús, nee geeraharuusér slaqwaruusér kume nee ar tsiire, nee mukdá' sleémeero taa daqaari'iimár i saayín nee hikwaá waawutmo nee daaqaywose, nee geeraharuusér do'oduú waawuti'iimaro, nee miguuse sleémeero dinkwa nee slaqwaruuseedá' iiatlere.

2 QOM'I 1:4

[Ala Sandakmoó alqadór Mungú, Daudi gwaa qaroó ar tláy amór Kiriat-yearimu wa alé ay Yerusalemu didá' aa amohhe'eés nee aa heémárí siíhh.]

2 QOM'I 5:1

Solomon doó AAKOÓ MUNGÚ nguwa hhe'eés tleehhamoro, xosluudá' sleémeero baabuuwós Daudi aa paraátl as Mungú gay qaás baraá dó' i alé. Xooslár aa qaás a peésa, nee sahaábu nee xoslaá hatlá' sleémeero, giri baáts baraá doó Mungú.

2 QOM'I 5:12

Mukduú tlahhoó Laáwi kuduú daauuse a Asafu nee Hemani nee Yedutuni nee daaqay'ín nee hhaeeine, inooín tlabaá hhohho' awa kitaáni nga tsiitiyé'. Inooín in mitingiroó koná', nee mariímba nee gidaandori. Inooín tana sihhiít bihhaá da/aáw awa kitangwdá' ta ilahhooárí hanmamisi dinkwa nee kaahamuusér Mungú ar tsiiru nee mibeeri tsár kudá' i tarumbeétadaá ufahhaná'.

WARA'AMI 2:6

«Án waawutmooeé' ngwa qaás gawaá Siyoni, tloomar'eé' tidá' hhoohhoo'.»

WARA'AMI 87:2

AAKOÓ MUNGÚ gixsár Siyoni ga ak slaa', ta yaamu sleémeero awa Israeli.

TLAHHOÓ LAÁWI 9:5

Xoorór Israeli muruuwí sleémeero kuri huúw dír geeraá heémár Mungú, adoodá' Mose ngira hara'ayín. Xooro sleémeero iri tseewuúr, iri sihhít dír geeraá AAKOÓ MUNGÚ.

FAARO 10:33

Naagáy tari tláy didár tloomár AAKOÓ MUNGÚ wa ale, deelo tám ta baraá aai, sandakmoó alqadór AAKOÓ MUNGÚ ku geeraaín wa loohiis deelo tám as dír xafay'ín kuy tleehhi kawa laqan.

FAARO 10:36

Nee umuú daqto bar sandakmo aa sihhiít, Mose in ooi, «Aá AAKOÓ MUNGÚ, mukók kwí oo Israeli oo kumér yaariir i ki/eek.»