2 QOM'I 4:1 - Biblía Axweesantá Hhohho' ar Mungú 2004

¹ Waawutmo Solomon kitángw ilahhooa guna tleéhh ar muqslír sirdaa/aat, tlenaangw a miíta gwaleél, bihheero a miíta gwaleél, nee tlenángw gawa a miíta tsiyáhh nee tlaqi.

2 QOM'I 4:1 Iomraidhean Croise

1 WAAWITÁ 8:22

Aluuwo Solomon iri sihhiít geeraá kitangwdá' AAKOÓ MUNGÚ kuwa ilahhooárí hanmamisi, dabaawós giri gáwtí tleés geeraá boo/oó múk Israelír wa ale.

1 WAAWITÁ 8:64

Baalaadár kilae waawutmo matla/angwdú tla/ángw i dirií' amór lak geeraá doó AAKOÓ MUNGÚ guna aldafín, asma diirí an didá' ilahhooadá' ta da/aa/an kawa hanmiisi, nee ilahhooár balaangw nee ar di/i nee ilahhooár wayda ar muruú ta tsu/i, asma kitangwduú ilahhooa oo taa tleéhh ar muqslír sirdaa/aat i bu'utiiká ilahhooa sleémeerowo.

1 WAAWITÁ 9:25

Solomon do' tlehhmuuwo nguwa hhe'eés, umuú kurko ilahhooár da/a gan hamaamiis sagaáwa tám, nee ilahhooár wayduuwo, gawaá kitangw ilahhooa, kudá' inós aa tleéhh as AAKOÓ MUNGÚ. Ilahhooa gari daá/ gawaá kitangwdá' dír geeraá AAKOÓ MUNGÚ i dirií'.

2 QOM'I 1:5

Kitangwduú ilahhooa oo muqslír sirdaa/aat, kudá' Besaleli garmoó Uri, garmoó Huri aa tleéhh, i dír geeraá heémár AAKOÓ MUNGÚ, Solomon nee mukdá' Mungú ngway didá' wa firiné'.

2 QOM'I 15:8

Qoomár Asa axweesanoó aarusmo Asariya, garmoó Odedi, nguwa axaás, dabaá gadiyeé giri sláy. Slaqsi'iidaá munguaá hatlá', kudaá baraá Yuda nee Benyamini giri hingeés, nee kudaá baraá yaamuudá' naa hayóh awa baraá tlom'aá Efraimu aqo gina hingeés sleeme. Inós kitangwduú ilahhooár AAKOÓ MUNGÚ kawa hanmaamisi, kuduú baraá matla/angwduú Doó AAKOÓ MUNGÚ, guri /abeés tleehhamooro.

2 QOM'I 29:18

Aluuwo múk Laáwi tari dír waawutmo Hesekia káy, kuri báy, «Doó AAKOÓ MUNGÚ ugwa qaroó hhe'eesaán fiitsaro, dinkwa nee kitángw ilahhooár da/a kay hanmiisi nee xoosla sleémeero, nee meésadár mikaátér Munguhe nee xooslaarós sleémeerowo.

2 QOM'I 7:7

Slamí waawutmo Solomon didár tla/ángw afeenír do' gana paraátl. Ilahhooár da/a sleémeero gay didií haniís, ilahhooár balaangw nee didá' wahhaar gana ilahhooár waydú wa haniís. Inós adoorí gana tleéhh asma kitangwdá' aa tleéhh ar muqslár sirda/aten oo ilahhooa hanmis i bu'utiiká.

2 QOM'I 8:12

Aluuwo Solomon AAKOÓ MUNGÚ guri ilahhooár dá/tí haniís dír kitangwdá' aa tleéhh dír geeraá matla/ángw Doó Mungú.