2 QOM'I 2:4 - Biblía Axweesantá Hhohho' ar Mungú 2004

⁴ Ga/aaweek hám daxta aníng a doó AAKOÓ MUNGÚ, Munguúeé', tleehhamór wa slaá', ngway paraátl as inós tawa dír ilahhooár mooyángw tsuú' kawa da/aa/an dír geeraawós wa ale, nee tawa dír mikaáte kay qamin dír geeraawós, nee dír ilahhooár da/a/aangw kawa hanmiisi matlaatle nee tsiindoowo nee deelór Sabaátoro, nee deelór slahhángw /aben niwa ti'iít, nee deelór uren ar AAKOÓ MUNGÚ, Munguúrén, adoodá' ngira oó' dír múk Israeli ay kureeraá kureér.

2 QOM'I 2:4 Iomraidhean Croise

1 WAAWITÁ 5:5

Ga/aaweek, aníng do' u tleehhamór wa slaá' as umuú AAKOÓ MUNGÚ, Munguúeé' adór AAKOÓ MUNGÚ, baabuúeé' Daudi ngwaa báy, iwa kaahi, ‹Garmaawók kwí ni qaas gawaá kitaangók an heé do' gu tleéhh as umuueé'.›

1 WAAWITÁ 8:18

Ala AAKOÓ MUNGÚ baabuúeé' Daudi guna báy, ‹Adoosíng tara tsabiín baraá muunaáwoge dooeé' nguwa tleehh i qoón.

1 WAAWITÁ 8:63

Solomon AAKOÓ MUNGÚ guri ilahhooár waydií haniís ar muruú ta tsu/i, awe kume mibeeri tsár nee tsár, nee bee/ángw kume tsiiru nee mibeeri tsár. Adoorí an adór Solomon nee muu sleémeero oo Israeli Doó Aakoó Mungú kura aldafín.

1 QOM'I 22:5

Daudi iri baraá muunaáwós i oó', «Doó AAKOÓ MUNGÚ kudá' garmaaeé' Solomon i tleehhi, masók ku hhoohhoó', nee masók xirfuuwós ku iia tleér baraá yaamuwo. Ala inós ku niiná, aa kwa/iiká, gawaá adoorihe aníng xooslár tlehhma a amohhe'eés.» Daudi tiri amohhe'eés, xooslár yaariir gari sláy dír ira gwaiiká.

2 QOM'I 13:11

Umuú matlaatle nee tsiindoowo kaahamuusér Mungú ilahhooár da/a/aangw kan AAKOÓ MUNGÚ i hanmaamiis, nee mooyángw tsuua, nee mikaátér Mungú tidá' taa qaás gawaá meésaadá' taa tleéhh ar sahaábú hhohhó', nee kitángw tsaa'aso kay qamin ngun amohhe'eemisiyá', kudá' taa tleéhh ar sahaábu, as tsaa'aso kawa oohamiisi umuú tsiindoowo. Atén adoodá' AAKOÓ MUNGÚ, Munguúrén, i slai an tlehhiitaán, ala kuungá' inós ugwa geexeeré'.

2 QOM'I 2:1

Waawutmo Solomon gana istií tsaát Doó AAKOÓ MUNGÚ nguwa tleehhi as tawa dír Mungú kuwa sluufmiis, nee do'ós oo waawuti'iima nguwa tleehhi sleeme.

NEHEMIA 10:33

Nee as mikaáteedá' taa qaás as Mungú nee ilahhooár balaangw, nee ilahhooár da/a, nee ilahhooár deelór Sabaáto, nee ilahhooár Slahhángw /Abén, nee deelór uren ar hatlae, nee muruú hatlá' oo hhohhó', nee ilahhooa as hingeemisuú tlakweema as múk Israeli kuwa haraki/isi, nee gadiyedaá hatlá' sleémeero awa doó Munguúrén.

WARA'AMI 86:8

Baraá yaamuwo Munguú adór kuúng i kaahh, Aáko, tam tlehhma'aá adór tlehhmi'iiwók i kahhiyá'.

WARA'AMI 96:4

Asma AAKOÓ MUNGÚ ku úr nee uraywós ku xirfayeemisi ló'wa ale, inós ku ilaiwawa/i taa mungui sleémeero.

TI'INAANGW 25:30

Kuúng mikaátér Mungú ka qás umuú daqto gawaá meésaadá' dír geeraaeé' dirii'.»

TI'INAANGW 30:7

Umuúqo matlaatleero qoomár Aroni bir tsaa'asór da/tá áy, ilahhooár mooyángw tsuú' gan gawaá kitaángwí da/tá áy.

AXWEESANOÓ SAGALOOA 7:20

Peésaarós gara tláy, ni adaá watliiká baraá aaiwo.»