2 QOM'I 2:3 - Biblía Axweesantá Hhohho' ar Mungú 2004

³ Solomon afo gari haniís amór waawutmo Hiramu oo Tiro, ar iwa kaahi, «Adoodá' taa baabuúeé' Daudi tléhh kuwa sahhtaárí weerís qoomár iwa tlehhiti, gimáy adoodá' aníng i tleehhang.

2 QOM'I 2:3 Iomraidhean Croise

2 SAMUELI 5:11

Naagáy waawutmo Hiramu oo Tiro, muu guna ya/aáw amór Daudi, xaa'aá mieresi kina huúw, nee múk gadiyér peehháy nee oo maraay tlehhit, as doó waawutmo kuwa tleehhi.

1 QOM'I 14:1

Waawutmo Hiramu oo Tiro afo gana ya/aáw amór Daudi alé dinkwa nee xaa'aá sahhta, nee múk maraay tlehhit nee múk peehháy dakut, as doó waawutmo kuwa tleehhi.

2 QOM'I 13:11

Umuú matlaatle nee tsiindoowo kaahamuusér Mungú ilahhooár da/a/aangw kan AAKOÓ MUNGÚ i hanmaamiis, nee mooyángw tsuua, nee mikaátér Mungú tidá' taa qaás gawaá meésaadá' taa tleéhh ar sahaábú hhohhó', nee kitángw tsaa'aso kay qamin ngun amohhe'eemisiyá', kudá' taa tleéhh ar sahaábu, as tsaa'aso kawa oohamiisi umuú tsiindoowo. Atén adoodá' AAKOÓ MUNGÚ, Munguúrén, i slai an tlehhiitaán, ala kuungá' inós ugwa geexeeré'.

2 QOM'I 24:14

Do' tleehharo kuwa hhe'eés, sahaábu nee muqsladár peésa aa meti kay huúw dír waawutmo nee Yehoyada. Xooslár Doó AAKOÓ MUNGÚ kay tleéhh ar muqslaadár peésa. Xooslaarí kana gadiyér Doó AAKOÓ MUNGÚ tleéhh. Xooslaá taa tleéhh a búklaay oo ta mooyángwí da/aa/an, nee xooslaá hatlá' awa ilahhooár da/a kar hanmiisi, nee xooslaá sahaábu nee awa peésaaro. Qoomár Yehoyada iwa slafi ilahhooa da/a kana hanmiís ar adoodá' kar hariím baraá DOÓ AAKOÓ MUNGUHE.

2 QOM'I 4:19

Naagáy Solomon xooslaarí sleémeero ar doó Mungú gana tleéhh: Kitángw ilahhooa guri tleéhh ar sahaábu, nee sleeme meésár ta mikaátér Mungú i qamin.

2 QOM'I 8:13

Ilahhooarí gana haniís adoodá' hara'ayár Mose i kat, deelór Sabaáto, nee deelór slahhángw /abén birna ti'iít, nee deeloodá' uren tám baraá kurko: Deelór mikaátér taa sluuftisiiká, nee deelór uren ar fiiqit, nee deelór ur ar isleeri.

ESRA 6:3

«Kurkú geera oo waawuti'iimár waawutmo Koreshi, waawutmo Koreshi hara'aya gana oó' ar doó Mungú kuduú baraá yaamaá Yerusalemu kuwa /abeesi tlehhmuuwo dír ilahhooár muruú ta tsu/i kawa hanmiisi nee ilahhooa da/a/aangw kawa hanmiisi. Tlenaango a miíta mibeeri tsár nee faanqw, nee uroó bihheero a miíta mibeeri tsár nee faanqw sleeme.

NEHEMIA 10:34

Atén sleémeero, nee muu sleémeero, nee kaahamuuseero nee múk tlahhoó Laáwi, umuú kurko tsawdo an tleehhaán as tlahhoó migír ngu huúw, oo ilahhooa da/a dír kitángw ilahhooa oo AAKOÓ MUNGÚ, Munguúrén, ar adoodá' dabe i diri'.

TI'INAANGW 25:30

Kuúng mikaátér Mungú ka qás umuú daqto gawaá meésaadá' dír geeraaeé' dirii'.»

TI'INAANGW 29:38

«De'emaá hi'iita'a umuú daqto ilahhooár ta hanmisa' dír kitángw ilahhooaro a tí: Deeloó tsár oo bee/aangw oo kurkú wák.

TI'INAANGW 29:39

Oo wák matlaatleero un gás nee oo tsár qoomár tsiindo.

TI'INAANGW 29:41

Sleeme deelmooduú tsár un gás qoomár tsiindoowo, kuri ilahhooár wa hanís dinkwa nee ilahhooár balaangw nee ar wahaangw, adór kuduú matlaatle, ku dá/ baraá asla, slaahhareeraá ilahhooasíng anuú AAKOÓ MUNGÚ iri sla'atisiyá'.

TI'INAANGW 30:7

Umuúqo matlaatleero qoomár Aroni bir tsaa'asór da/tá áy, ilahhooár mooyángw tsuú' gan gawaá kitaángwí da/tá áy.

TLAHHOÓ LAÁWI 23:2

«Xoorór Israeli kabeeto, deeloorí an deelór uren ar AAKOÓ MUNGÚ, tidá' taa qoomeés, dinku'uumár hhoohhoo' an tlehhá'. Deelór ur ar naa qoomeés an tí:

TLAHHOÓ LAÁWI 9:17

Ilahhooár balaangw gari huúw dír geera, tsa/oó wák guri dalaá/, guri daá/ gawaá kitángw ilahhooa dinkwa nee ilahhooár da/a ar umuúqo matlaatle.

FAARO 28:11

«Umuúqo iimu/úngw slahhaango, AAKOÓ MUNGÚ ilahhooár da/a/aangw ti hanmise', awér tsár ar batlaay, nee gwaanduú wák, nee gwaandaawér ninakw faanqw ar kurkú wák, ar xaslxaansli wasl.

FAARO 28:9

«Ilahhooár ta hanisa' bál deelór Sabaátoro a deeloó tsár oo gwaandaawe oo kurkú wák oo xaslxaansli wásl, nee ilahhooár balaangw oo kílo tsár ar puuruú natsaatsaá' oo taa aleedoók nee di/i, nee ilahhooár muruú wahaangw.