2 QOM'I 16:3 - Biblía Axweesantá Hhohho' ar Mungú 2004

³ «Gám qwaláng, a dinku'usaán adoodá' taati'iirén naa tleehhiyé'. Gám qaytsiít, peésa nee sahaábu ngaa haniís as ilaá hho'. Wakaari qaaseek nee waawutmo Ba'asha, daqaní dooqa múk Israeli gila gi máy daandueene.»

2 QOM'I 16:3 Iomraidhean Croise

WARA'AMI 15:4

Heewí tlakuuse gan waaqaqaa', nee múk AAKOÓ MUNGÚ slaá' gun ilaiwawaa/. Gár aa al'axweesantá wa qaás ga warqeesiiká tam bir aleemaá huwahúp dirose.

2 Timoteo 3:3

Slám a múk múk maray'ín sla'aaká, a múk wayduú tlehhitaaká. Nee slám inooín a múk /ayseenuuse, múk slaqooín ila/aamaaká, múk xaraásl, múk hhooeemaá sla'aaká,

2 korinto 6:16

Slám Doó Munguú nee munguaá hatlá', adór tir slaslaya' a adoomá? Asma atén an Doó Munguú kudá' slaáf. Asma Munguú ina oó', «Aníng a baraaín wa hoót, nee nay baraá tla/angw'ín wa hi'iimiít. Aníng tari Munguúín, nee inooín tari muk'eé'.»

2 QOM'I 19:2

Iigu'utusmo Yehu garmoó Hanani, iri tláy, waawutmo Yehoshafati gway al'áy, guri báy, «Kuúng múk tlákw un ale/iisár eéra, nee múk AAKOÓ MUNGÚ ahhiít un slá'a? AAKOÓ MUNGÚ ugwa i buúhh as kaangwí taa tléhh.

2 QOM'I 18:3

Waawutmo Ahabu waawutmo Yehoshafati guri báy, «Gám, a slaqwarár awaána baraá Ramot-gileadi?» Yehoshafati iri oó', «Aníng a dinkwa nee kuúng, nee muk'ee a mukók, atén nee kuúng ti alkoomaán baraá slaqwara.»

2 SAMUELI 21:2

Gawaá adoorihe waawutmo Daudi múk Gibeoni guna ateét. Múk Gibeoni inooín awa tlahhoó Israeliwooká. Inooín a múk naa meet baraá múk Amoriwo. Geera múk Israeli lo'o gana /aáy as kiwa tsu/iiká, ala Saulo sleémeero gina iiár tsu/taaro. Ina ilakaahareés, as múk Israeli nee múk Yuda ngiwa gurií baá/.

HAR'OHUUSE 2:2

nee kuungá' al'axweesani ma tleehhara' nee yaamuloouusér yaamuuká'. Kiteeri'ín awa ilahhooa kawa hanmiisi na fee/aak.› Ala afor'eé' kay axasi'iiká. Xáy, adoosíng gár kasa tlehhé' a milá?

TI'INAANGW 32:21

Mose Aroni guri báy, «Gár mukwí naa kuúngií tleéhh a milá, tlakweemaá ur awa adór kuká' kiri dir'ínií húp?»

1 WAAWITÁ 15:16

Waawutmo Asa oo Yuda nee waawutmo Ba'asha oo Israeli tana slaqwaaqún baraá hootaaín sleémeero awa inooín tawa waawitá.

2 QOM'I 16:2

Naagáy waawutmo Asa oo Yuda peésa nee sahaábuwo, tidár baraá Doó AAKOÓ MUNGÚ nee baraá do'ose gina leéhh, as ngiwa ya/aawi Damasko dír Ben-hadadi, waawutmoó múk Shamu, nee kuwa bay,

2 QOM'I 16:4

Waawutmo Ben-hadadi kangwdá' waawutmo Asa i kaahi guri ya/án, slaqwaruuse gari ya/aáw as gixsadaá yaamaá Israeli kiwa hayoohi. Gixsadaá ta i haraatláy a kuká': Iyoni, nee Dani, nee Abel-maimu nee gixsadu sleémeero, nee maraydá' muurú /ayma kway baabatsi awa baraá yaamaá Naftali.