2 QOM'I 13:3 - Biblía Axweesantá Hhohho' ar Mungú 2004

³ Abiya slaqwaruusér kume tsiire tsiyáhh ar miguuse gana amohhe'eés, nee Yeroboamu slaqwaruusér kume tsiire dakaát gana amohhe'eés as tiwa tlampa'aasiya'.

2 QOM'I 13:3 Iomraidhean Croise

1 WAAWITÁ 15:7

Tlehhma'aá hatlá' awa Abiya nee tidá' sleémeero aa tleéhh kaa gooín baraá kitaábuú qom'i oo waawituú Yuda. Abiya nee Yeroboamu tana hoót ar slaqwara.

1 QOM'I 21:5

Yoabu faarór múk Israeli sleémeero gari huúw dír Daudi. Baraá Israeliwo múk slaqwarár paangadu ga baál a kume kumuú wák nee kume tsiiruú wák, baraá Yudawo múk slaqwarár paángadu ga baál a kume tsiire tsiyáhh nee mibeeri faanqw.

2 QOM'I 11:1

Rehoboamu iwa Yerusalemúy hardáh, inós slaqwaruusér slaqwara ga ló'wa baal ar tlahhoó Yuda nee Benyamini, gari burumbuúr. Dinkwaaro a kume tsiiruú wák nee mibeeri dakaát. Adoorí gana tleéhh as kahhó' tawa slaqwi nee tlahhi'iidá' mibaangw awa Israeli, nee as waawuti'iima ngiwa amoorós i ki/isi.

2 QOM'I 13:2

Kureeraá tám dír ngiwa waawuti'ín a Yerusalemu. Aayoorós a Ma'aka dasír Urieli kuduú Gibea. Abiya nee Yeroboamu tana slaáqw.

2 QOM'I 13:4

Waawutmo Abiya iri sihhiít gawaá ságw tloomár Semaraimu tidár baraá tla/eeraá tlom'aá Efraimu, Yeroboamu nee múk Israeli giri báy, «Aníng iiarí qaasaré', kuúng Yeroboamu, nee mukók sleémeero oo Israeli!