2 QOM'I 12:3 - Biblía Axweesantá Hhohho' ar Mungú 2004

³ Gaardu ngi kon a kumuú wák nee tsiire tsár, nee múk faras gwaa i tsa/an a kume mibeeri lahhoó'. Slaqwaruuse ka yaariir, faarooro ka aleeslayká, tidá' yaamaá Misrír daahh dinkwa nee inós: Múk Libya, nee oo Suki, nee oo Kushi.

2 QOM'I 12:3 Iomraidhean Croise

2 SAMUELI 10:18

Ala múk Aramu kuri baál, iri goów geeraá múk Israeli wa ale. Daudi múk Aramu oo tsiire faanqw guri tsuú/, kudaadá' gaardaá slaqwarár madiitá'. Nee kudá' faras ngwa tsa/ane' a kume mibeeri tsiyáhh oo aa tsuú/. Sleeme geeraharusmooín kudá' úr oo slawtá slaqwara, kudá' ta bay Shobaki, guri muút iri slahhaá', iri didár kilií gwaá'.

2 WAAWITÁ 7:6

Asma AAKOÓ MUNGÚ xweeraawo slaqwaruusér múk Aramu gana naáxw ar afór ur ar slaqwaruusér yaariir, nee ar faras nee ar gaardu. Múk Aramu ngiwa xui a múk Israeli, slaqwaruusér taa tlaaxw ar múk Hiti nee múk Misri nina haraatleér.

2 QOM'I 14:12

Naagáy AAKOÓ MUNGÚ múk yaamaá Kushi guri baál geeraá Asa nee múk Yuda. Múk Kushi iri goów.

2 QOM'I 14:8

Waawutmo Asa slaqwaruusér gaambaá koom nee ar lawlaá koom ngi kon a kume tsiire tám baraá múk Yudawo, nee baraá múk Benyaminiwo a muu kume tsiire tsár nee mibeeri dakaát, oo gaambaá koóm nee oo lawlaá koóm. Kuká' sleémeero an miguusér slaqwara.

2 QOM'I 14:9

Sera heé yaamaá Kushi yaamaá Yuda gina i haratláy ar slaqwaruusér kume kumuú wák nee gaardaá tsiire tám, iri geerií kumiít ay Maresha.

2 QOM'I 16:8

Xáy, múk Kushi nee oo Libyawo slaqwaruuser'ín ka ureéke? Nee gaarduuín nee múk faras ngwaa i tsa/ani ki yaariíreéke? Ala kuúng qoomaadae AAKOÓ MUNGÚ una haraahhíf, nee inós inooín ngay haniís gawaá dabaawók i alé.

ISAYA 43:3

Asma aníng a AAKOÓ MUNGÚ, Munguúhúng, Kudá' Hhoohhoó' oo Israeli, ba/amusmoohúng. Yaamaá Misri afkuhúng nguna /ayiyé', yaamaá Kushi nee Seba ina kuungár waa'aláh.

ESEKIELI 30:5

«Muu sleémeero kudá' taa dabe oohiye' nee múk Misri, adór múk Kushi, nee oo Puti, nee oo Ludi nee oo Ma/arabu sleémeero nee oo Libya kiri dinkwaárí hhaamiís.

DANIELI 11:43

Inós sahaábu yaariír gu aal, nee peésa nee tlaa/aá tlaxo uren awa yaamaá Misri. Múk Libya nee múk Kushi sleeme giri harahuuw.

NAHUMU 3:9

Yaamaá Kushi an /uuruuwós, nee Misri sleeme taa baabaqaasiiká. Yaamaá Puti nee awa Libya an alee/isuuseerós.

Geehhoeemaá 9:16

Aníng faarór askaáridá' aa tsa/aan gawaá faras ngiwa axaás, faaror'ín a kume mibeeri tsár sagaáwa kume mibaangw.

HAR'OHUUSE 4:13

garduuwós sleémeero, kudaá muqsla awa tsiire gwaleél, nee mukós sleémeero kuduú dinkwa nee inós baraá Harosheti-hagoimuro guri burumbuúr dír yaaér Kishoni.

HAR'OHUUSE 6:5

Mukwí ina intsahhán daqaaqango, inooín ki ló'wa yaariir adór ingigi nee hikwaaine, nee angamíaro nee heemaduwo, niri hotaá ayé' yaamaá múk Israeli, yaamaá múk Israeli ngiri hhitaatiné'.

1 SAMUELI 13:5

Xoorór Filisti tana burumburiít tawa slaqwi nee xoorór Israeli, slaqwaruusér faras gwa i tsa/aan a kume lahhoó', nee slaqwaruusér gaardaá faras gaa i tsa/aan a kume mibeeri tám, nee slaqwaruusér ya'ár hi'iit yaaremaawo a adór hhasángw afaá tlawi. Tari waatláy gáwtí ale, xafay'ín kuri tleéhh baraá Mikmashi bihhaá da/aáw awa Bet-afeni.