2 QOM'I 11:3 - Biblía Axweesantá Hhohho' ar Mungú 2004

³ «Rehoboamu garmoó Solomon, waawutmoó Yuda, nee múk Israeli kudá' sleémeero baraá Yuda hoót, nee oo Benyaminír hoót, ki beer,

2 QOM'I 11:3 Iomraidhean Croise

IIMU/UUNGW 49:28

Kuká' an tlahh'aá mibaá nee tsár awa múk Israeli, nee gaarí an /aymi'iidá' baabuúín aa káh qoomár ngiwa tsuúq. Umuú heewo ar adoodá' inós wa hariim.

2 WAAWITÁ 17:34

Tam hamí tlehhmi'ii'ín kudaá qaro kin alkón tlehhtuwo. Inooín Mungú ngu sluufmiisiaaká, laqaá adoodá' AAKOÓ MUNGÚ i slai ngi eeharahariaaká nee dabeerose nee kaahirose. Hara'ayarí an tidá' AAKOÓ MUNGÚ aa haniís dír na/aá Yakobo, kudá' aluuwo umuuwós aa báy, «Israeli.»

2 QOM'I 10:17

Ala Rehoboamu múk Israeli kudá' baraá gixsadaá Yuda hoót guna sawaawuti'ín kilós.

2 QOM'I 11:2

Ala Shemaya, heé Mungú, axweesantá AAKOÓ MUNGÚ gari axaás, iwa kat,

2 QOM'I 11:4

‹Anuú AAKOÓ MUNGÚ a kah, Ma slaqwarár awaara' amór hhaeehúng, umuú heewo i amór do'ós i watli, asma gaarí amór i dahh a amor'eé'.› » Naagáy inooín axweesantadár AAKOÓ MUNGÚ ngay iialooeesiyé', tari waátl, slaqwarár nee Yeroboamu ngay mayé'.

TI'INAANGW 24:4

Mose axweesanaydá' sleémeero oo AAKOÓ MUNGÚ guri gooín. Matlaatlér boo/e iri ti'iít, kitángw ilahhooa ngiwa haniisi guri tleéhh dír afaá tlooma, uheemaá mibaá nee tsár giri siíhh ar harqoomoó tlahh'aá mibaá nee tsár awa xoorór Israeli.

Filipi 3:5

Aníng tina al/uútl bál dakaate, alaá tiwa xwaylúy. Aníng a heé xoorór Israeli, heé tlahhoó Benyamini, aníng a heé Ebrania, tam xwayliitér'eé' a múk Ebrania. Kángw hara'aya ooharo aníng a heé Farisayo.