2 QOM'I 1:9 - Biblía Axweesantá Hhohho' ar Mungú 2004

⁹ Aá AAKOÓ MUNGÚ, Mungú, gimáy daxta al'axweesantadá' taa ó' dír baabuúeé' Daudi boo/eseek. Asma aníng kuúng iga waawutmoó wa qás oo mukwí yaariír adór hhasaangw oo faarooro ni aleeslawaaká.

2 QOM'I 1:9 Iomraidhean Croise

IIMU/UUNGW 13:16

Aníng xwaylarók a ureés ngari adór teerír yaamu tleéhh. Barnaxes hee teerír yaamu faarooro ga aleesláy, daqaní xwaylarók sleeme ga aleesláy faarooro.

IIMU/UUNGW 22:17

án daxta kuúng u ló'wa tsuúq, nee xwaylarók an ló'wa tlahhás, tari adór tsatse/uú doori nee adór hhasángw afaá tlawi. Nee xwaylarók wakuuser'ín gari bál, nee gari sawaawuti'iín.

IIMU/UUNGW 28:14

Xwaylarók ka yaariir adór teerír yaamu, nee xwaylarók tsee/a gin tsát, kuúng an tsiiyayaaxát ay /uwa, da/aáw, /iya nee basa. Múk yaamu sleémeero ku tsuuq as kuúng nee na/iiwók.

1 QOM'I 28:5

Slamí aníng AAKOÓ MUNGÚ ina daaqoó yaariír i haniís, ala baraá daaqay'eene, garmaaeé' Solomon guri tsawaár as iwa iwiiti gawaá kitangwduú waawuti'iima oo AAKOÓ MUNGÚ, múk Israeli nguwa sawaawuti'in.

FAARO 23:10

Heé amaaqawár doó Yakobo farooro ga aleesláw a heemá, laqaá heé tlaqtá niina ar múk Israeli faaroorós ngi oó' a heemá? Masók aníng an gwaá' ar gwa'arár heé ganaá', alhhe'eesay'eé' masók a adór kooín.»

Matayo 25:16

Kudá' taa talaántár kooán i haniís, iri tláy siiwadár kilae, gari ar halaanuús, talaántár hatlá' kooán gari sláy.