2 QOM'I 1:4 - Biblía Axweesantá Hhohho' ar Mungú 2004

⁴ [Ala Sandakmoó alqadór Mungú, Daudi gwaa qaroó ar tláy amór Kiriat-yearimu wa alé ay Yerusalemu didá' aa amohhe'eés nee aa heémárí siíhh.]

2 QOM'I 1:4 Iomraidhean Croise

2 SAMUELI 6:17

Naagáy sandakmoó AAKOÓ MUNGÚ kuri dahaás baraá heéma tidá' Daudi aa siíhh. Daudi ilahhooár da/a nee ilahhooár wayda gari haniís dír geeraá AAKOÓ MUNGÚ.

2 SAMUELI 6:2

Daudi iri tláy dinkwa nee mukós sleémeero, múk aáng nee inós aldinkwa amoodár Ba'ala ar baraá Yuda, tindina amoodá' wa tláy as tawa sandakmoó Mungú leehhi, Munguúdá' umuuwós ta bay AAKOÓ MUNGÚ Aleesleemusmo, kudá' aa iwiit gawaá kitangwduú aleesleemu kudá' gáwtí dirií', dír keruúbi.

1 QOM'I 15:1

Daudi maraywós gina tleéhh baraá gixsár Daudi nee dír Sandakmoó Alqadór Mungú gari amohhe'eés, guri heémárí tleéhh.

1 QOM'I 15:12

Daudi inooín giri báy, «Kuungá' a múk urén dír afér maraá hhay Laáwiwo, ti hheehhe'ese' kuungá' nee hhaeehunge, as kahhó' sandakmoó alqadór AAKOÓ MUNGÚ, Munguú Israeli, nguwa huba' amór kitangwdá' aníng naa amohhe'eés inós wa alé.

1 QOM'I 15:3

Daudi múk Israeli sleémeero guna burumbuúr Yerusalemu, as sandakmoó AAKOÓ MUNGÚ kuwa huwi didá' inós aa amohhe'eés sandakmoó wa ale.

1 QOM'I 16:1

Inooín sandakmoó alqado oo Mungú nguna dahaasiyé', ngway qaasiyé' baraá heémadá' Daudi aa amohhe'eés as inós. Inooín ilahhooár da/a nee ar wayduuwo kay haniís dír geeraá Mungú.

2 QOM'I 5:2

Aluuwo Solomon bariisér Israeli nee múk urén oo tlahh'aá Israeli, nee geeraharuusér maraá baabi'i sleémeero gari burumbuúr baraá Yerusalemu, asma sandakmoó alqadór AAKOÓ MUNGÚ nguwa leehhiya' baraá gixsár Daudi tidár Siyoni.

2 QOM'I 6:2

Aníng hám daxta kuúng ugwa doó xiríf i tleéhh, dír tawa hot kureerisleeme.»

YOSHUA 9:17

Bál tám múk Israeli tana tláy dír xafay'ín wa alé, tay hardáh ay dír gixsadudaá múk Gibeoni. Gixsaduín a Gibeoni nee Kefira, nee Be'eroti nee Kiriat-yearimu.