2 QOM'I 1:2 - Biblía Axweesantá Hhohho' ar Mungú 2004

² Waawutmo Solomon múk Israeli sleémeero guri ateét dinkwa nee geeraharuusér slaqwaruusér kume nee ar tsiire, nee geeraharuusér Israeli sleeme nee har'ohuusero nee múk urén oo tlahhi'i.

2 QOM'I 1:2 Iomraidhean Croise

1 WAAWITÁ 3:4

Waawutmo iri Gibeonirí tláy as ilahhooár muruú ta tsu/i ngiwa amoodá' wa haniisi, asma didá' an ak gongoamoó xu'utiít. Solomon ilahhooár da/a ar kume gari didá' wa haniís.

1 QOM'I 13:1

Daudi tari axweés nee geeraharuusér slaqwara tidár daqoroó kume, nee oo tsiire, nee umuúqo geeraharusmoowo.

1 QOM'I 15:12

Daudi inooín giri báy, «Kuungá' a múk urén dír afér maraá hhay Laáwiwo, ti hheehhe'ese' kuungá' nee hhaeehunge, as kahhó' sandakmoó alqadór AAKOÓ MUNGÚ, Munguú Israeli, nguwa huba' amór kitangwdá' aníng naa amohhe'eés inós wa alé.

1 QOM'I 15:3

Daudi múk Israeli sleémeero guna burumbuúr Yerusalemu, as sandakmoó AAKOÓ MUNGÚ kuwa huwi didá' inós aa amohhe'eés sandakmoó wa ale.

1 QOM'I 24:31

Kuká' sleeme kina tsawdoórí tleéhh ar adoodá' tsawdór hhaeeín awa daaqoó Aroni kara tleéhh, dír geeraá waawutmo Daudi wa ale nee Sadoki, nee Ahimeleki nee dír geeraharuusér tlahh'aá kaahamuusér Mungú, nee ar tlahhoó Laáwi.

1 QOM'I 24:4

As geeraharuusér yaariir ar hhawaate kawa sláy baraá xwaylár Eleasariwo, xwaylár Eleasari ka ló'wa ur, kana qasiís baraá geeraharuuse mibaá nee lahhoó', nee xwaylár Itamari kana qasiís baraá geeraharuuse dakaát.

1 QOM'I 27:1

Gaarí an faarór múk Israeli, kuduú geeraharuusér tlahhi'i, nee geeraharuusér slaqwaruusér kume nee ar tsiire, nee geeraharuuseedá' waawutmo Daudi gwaa sagadiyus, daanduú bohhuudá' ti baalaqamiimá' niwa hardarahiya', niwa tlatlaya' umuú slahhaango, boohhár wák a kume mibeeri tsár nee tsiyáhh:

1 QOM'I 28:1

Waawutmo Daudi geeraharuuse sleémeero ar múk Israeli gana burumbuúr baraá Yerusalemu, nee múk urén oo tlahhi'i, nee geeraharuusér mukdá' waawutmoó sagadiyuús, nee geeraharuusér slaqwaruusér kume nee ar tsiire, nee mukdá' sleémeero taa daqaari'iimár i saayín nee hikwaá waawutmo nee daaqaywose, nee geeraharuusér do'oduú waawuti'iimaro, nee miguuse sleémeero dinkwa nee slaqwaruuseedá' iiatlere.

1 QOM'I 29:1

Waawutmo Daudi mukdá' sleémeero aa burumburiit guri báy, «Garmaaeé' Solomon an heé taa tsawaár nee Mungú, ala inós ku niiná, aa kwa/iiká baraá gadiyeérihe. Gadiyeérí ka ló'wa ur, asma doó ta tlehhitaan a doó heewooká, ala a Doó AAKOÓ MUNGÚ.

2 QOM'I 1:3

Naagáy Solomon nee inooín tari alkoné' tari sluufmisuú áy didár gaawaá gongoamo ar sluufmis ar baraá Gibeoni. Tana amoodá' káy, asma heémaadár Mungú i amoodá', tidá' aáng Mose sagadiyusmoó AAKOÓ MUNGÚ aa tleéhh baraá xaanxáy wa ale.

2 QOM'I 29:20

Matlaatlér bál tsare waawutmo Hesekia geeraharuusér gixsár Yerusalemu gana burumbuúr, tay tláy, tay dáh baraá Doó AAKOÓ MUNGÚ.

2 QOM'I 30:2

Waawutmo nee geeraharuusér muu, nee muu sleémeero oo gixsár Yerusalemu tiri kaahi slayé' daanduú deeloorí ur ar Pasaáka ar ta tleehhi slahhángw tsare.