2 QOM'I 1:11 - Biblía Axweesantá Hhohho' ar Mungú 2004

¹¹ Mungú Solomon guri mu/aywaáts, nguri báy, «Kuúng tsawdór taa tléhh i ganá'. Asma tí taa firiín iwa baraá muunaáwók i diri', ala daqaari'ima aga firindiiká, laqaá diihhooa, laqaá ilaiwa/ame, laqaá wakuuseerók kawa hhaamis, laqaá hotaá tleer, ala kuúng gár taa firiín a sagalooa nee xu'uti as muk'eé' kuwa sawaawuti'iin, mukdá' aníng kuúng uwa waawutmooín wa qaás.

2 QOM'I 1:11 Iomraidhean Croise

1 WAAWITÁ 10:24

Múk baraá yaamu sleémeero Solomon kuna artá wa slaá' as sagalooarós tidá' Mungú aa haniís kawa axaasi.

1 WAAWITÁ 3:28

Múk Israeli sleémeero kángw kwasleemarír waawutmo aa tsaát, kuri axaás, inós kuri ló'wa daimiít, asma adór sagalooár Mungú ir baraawós kana ár, asma qaa/aay nguwa tlaaqi ar gan'amu.

1 WAAWITÁ 8:18

Ala AAKOÓ MUNGÚ baabuúeé' Daudi guna báy, ‹Adoosíng tara tsabiín baraá muunaáwoge dooeé' nguwa tleehh i qoón.

1 QOM'I 28:2

Naagáy Daudi iri sihhiít, iri oó', «Hháe, muk'eé', aníng iiárií qaasaré', aníng aáng geeraawo ana tsabiím baraá muunaáeene doó sandakmoduú alqadór AAKOÓ MUNGÚ nguwa tleehh, nee kitángw Munguúrén ya'aawós ngi qaasi, nee xooslaá tlehhma ina amohhe'eés.

2 QOM'I 1:12

Aníng sagalooa nee xu'utiro ngi haniís, nee aníng sleeme daqaari'iimár ur ngi haniís, nee diihhooaro, nee ilaiwa/amér ur tidá' handá' waawutmoó geerawoge gaa slay i kaahh, laqaá oo sleeme aluuwoge ga sangw sláw i kaahh.»

AXWEESANOÓ SAGALOOA 14:8

Sagalooár heé daharuú koóm a hotaawós gin aldakuut, Ala heé daktani daktu'uumarós gun al/agiín.

AXWEESANOÓ SAGALOOA 23:7

Asma baraá muunaáwose muruú /aymaadá' kuúng ta /ak gun fadiit, Inós i amoorók i kaahi, «/Ayimáng, wáh sleeme.» Ala baraá muunaáwose kuúng u ga/ayká.

AXWEESANOÓ SAGALOOA 8:15

Waawitá in waawuti'ii'ín as aníng, múk urén kwasleemár ganaa' kan tleehh as alee/isay'eé'.

Tlehhema'aá ya/Abuuse 5:4

Ahaá, qoomár iwa baraá dabaawók i diri' a togekáhe? Nee qoomár weerisaro kawa hhe'és, i baraá aleesleemuuwogekáhe? Ahaá, adór /aymuuwí pa/aangw ngura sláy baraá muunaáwoge a adoomá? Heé kuúng taa al/ák a heewooká, ala a Mungú.»

Ebrania 4:12

Asma axweesantá Mungú i sláf. Nee slám i /uuruú koón. Nee i xarásl ló'wa ale tam paángár afe tsár ga bá/. Axweesantá Mungú in dát baraá heé i alé, qeeru nee muuná giri parátl, tam fadu nee waeemoowós giri parátl sleeme. Nee slám axweesantá Mungú inslawoó hee gu sakwasleemút, nee umuúqo gár i slai baraá muunaáwose.

Yakobo 3:13

Baraá tla/angwhunge heé sagalooár koóm nee oo xu'utír koóm i deéro? Ala bir deer, inós gár kuwa hariím in hoot ar hotaá hhohho', nee sagalooarós ngi laqan ar tlehhemi'i, ar tsatsa'areemaadá' baraá sagalooár dahhá'.

Yakobo 3:17

Ala sagalooadá' gawaá dooraá daahh a adoorí, gár geera ka hhoohhoo'. Slám i wayduú koón, nee ka tsatsa'aar. Nee slám axweesanoó muu gu huwaahúp. Nee slám fola i kaahh dirose, laqaá hhaahhafiingw.

1 SAMUELI 16:7

Ala AAKOÓ MUNGÚ Samueli guri báy, «Gitsee/awós laqaá tlenaangós mi i qaytaar, asma aníng ugwa sií'. AAKOÓ MUNGÚ adór ir xumiisi a adór mukoká, asma muu gár i ga/ay a gitsee/a, ala AAKOÓ MUNGÚ gár i ga/ay a muuná.»