2 QOM'I 1:1 - Biblía Axweesantá Hhohho' ar Mungú 2004

¹ Solomon garmoó waawutmo Daudi waawuti'iimarós gana gawdeés. AAKOÓ MUNGÚ Munguúwós i dinkwa nee inós, inós kuri iiatleereés nee Mungú.

2 QOM'I 1:1 Iomraidhean Croise

IIMU/UUNGW 21:22

Qoomaadae Abimeleki nee Fikoli, heedaádá' úr oo slaqwaruuseerós gaa geerahaar, Abrahamu guna báy, «Mungú nee kuúng a dinkwa baraá umuúqo gár ta tlehha.

IIMU/UUNGW 39:2

Ala AAKOÓ MUNGÚ a dinkwa nee Yosefu, nee guri harmagagaáhh, tam Yosefu aa waasla'amuutiiká. Yosefu ina hoót baraá doó aakoowós Potifa, kuduú Misri.

IIMU/UUNGW 39:21

Ala tam baraá doó tseegmuuwo AAKOÓ MUNGÚ i dinkwa nee Yosefu, AAKOÓ MUNGÚ Yosefu guri tsuúq, tam geeraharusmooduú doó tsegma guri gurií baá/.

IIMU/UUNGW 39:3

Potifa gari tsaáhh adór AAKOÓ MUNGÚ tar dinkwa nee Yosefu, nee adór gadiyér dabaawós sleémeero ngira tsuúq.

1 WAAWITÁ 2:12

Naagáy Solomon iri iwiít gawaá kitángw baabuúwós Daudi, waawuti'iimarós iri ló'wa gawduúr.

1 WAAWITÁ 2:46

Naagáy waawutmo hara'aya gari oó' dír Benaya garmoó Yehoyada. Inós iri tláy Shimei guri slaáhh, guri gaás. Waawuti'iimár Solomon iri gawduúr.

1 QOM'I 17:8

Umuú amór taa qo keeri aníng aqo dinkwa nee kuúng, nee wakuuseerók ana dír geeraawók wa hhaamiís. Aníng kuúng u iia tleereés adór múk hatlá' oo urén baraá daanduú yaamuwo.

1 QOM'I 22:11

«Daxta garmaaeé', AAKOÓ MUNGÚ, Munguúwók, masók a dinkwa nee kuúng, as kahhó' Doó AAKOÓ MUNGÚ, Munguúwók, kuwa aleesleér tleehhamooro ar adoodá' ngira oó' daanduuwoge.

1 QOM'I 22:16

awa sahaábu kwahhooro ngu aleeslawá', nee muqslár peésaaro, nee tidá' sirda/atene nee muqslár hatlae. Gimáy gadiyeé iimu/umeek, AAKOÓ MUNGÚ masók a dinkwa nee kuúng.»

1 QOM'I 29:23

Aluuwo Solomon kitangwduú waawuti'iima oo AAKOÓ MUNGÚ gway óh daanduú baabuúwós Daudi wa alé. Inós an waawutmoó ado gaa aleeslay nee múk Israeli sleémeero iri iialooeés dirose.

1 QOM'I 29:25

AAKOÓ MUNGÚ Solomon gway iia tleereés ta waawituú hatlá' aa giirin ba/a baraá yaamaá Israeliro, gway diihhooárií haniís waawituú hatlá' ba/a kudá' tlahh'aá Israeli gaa sawaawuti'ini.

1 QOM'I 29:30

Kitaabi'iidá' kángw waawuti'iimarós ngu kaahiyá' nee /uuruuwose, nee muruú inós gwaa slayi nee xoorór Israeliro, nee waawuti'iima sleémeero baraá yaamuwo.

2 QOM'I 32:23

Múk yaariír AAKOÓ MUNGÚ ngway sluufáy huúw baraá Yerusalemu, tam sleeme qeemuú yaariír kway huúw dír waawutmo Hesekia. Iimír qoomaadae waawutmo Hesekia kuri ló'wa xirfayeemiís nee xoordaá hatlá' sleémeero.

TI'INAANGW 3:12

Mungú iri oó', «Aníng a dinkwa nee kuúng, layár ga laqaqaam adór aníng nee kuúng tar dinkwa a tí: Qoomár bar múk Israeli ngwa baraá yaamaá Misrír wa dúx, anuú Mungú iri gawaá tloomarí wa sluufmisá'.»

Matayo 28:20

Muruudá' sleémeero naa kuungií intsaahhatimís, dir'ínií intsaahhatisak ku oohi. Ga/aawaak aníng a dinkwa nee kuungá' deelo sleémeero ay alhhe'eesoó yaamu.»

YOSHUA 3:7

AAKOÓ MUNGÚ Yoshua guna báy, «Laarí u iimu/uúm xirfayeesaro dír geeraá xoorór Israeli sleémeeró wá ale, as kahhó' muu ngiwa xui adór aníng tar dinkwa nee kuúng, ar adoodá' aníng nee Mose tara dinku'uusaán.