2 Petro 3:9 - Biblía Axweesantá Hhohho' ar Mungú 2004

⁹ Muu bahh'alé i kaahi, Aako al'axweesantós boo/eesaro i tligatliik. Ala a adoosingeeká. A inós kuungá' nun sageeqiqtlín. Asma tam heé wák iwa qwaari ga slaiiká. Ala masók sleémeero tlakweemaaín ngin hhu'u'uná'.

Ya/abtór hho' 1977

⁹ Muu bahh'alé i kaahi, Aako al'axweesantós boo/eesaro i tligatliik. Ala a adoosingeeká. Ala inós kuungá' nun sageeqiqtlín. Asma gu slaiiká tam heé wák iwa qwaari. Ala masók sleémeero tlakweemaaín ngiwa hhu'u'una'.

2 Petro 3:9 Iomraidhean Croise

WARA'AMI 77:8

Sla'ariirók ar warqawaaká aa fáki ay alhhe'eesay wasle? Al'axweesantók tidár qari sleémeero aa warqeéri?

WARA'AMI 86:15

Ala Aáko, kuúng an Munguú gurtleemu nee oo qeemu, tu inslaahheeká buhhtaawo, a háts sla'aarír warqawaakahe nee inkihhimuwo.

TI'INAANGW 18:23

Adoorí bar aga tléhh, nee bar Mungú gaa slaá' sleeme, daqaní kuúng nee mukwí a alhotá', nee inooín nin watliyá' amór maray'ín qaa/ay'ín aa faák.»

TI'INAANGW 32:32

Na'ás, tlakweemaaín gurtlaweek, ala barnaxes i gurtleeraaká, umuueé' fiitseek baraá kitaábuudá' umér mukók ki gooiindi.»

TI'INAANGW 33:11

Adoorí an adór AAKOÓ MUNGÚ nee Mose tar axweemaamisi ar afe, adór hee nee heewós tar axweemaamisi. Aluuwo Mose iri kii/ baraá xafaay. Ala alee/isusmoowós Yoshua garmoó Nuni a masoomo, ina meét baraá heémadár Mungú.

TI'INAANGW 34:6

AAKOÓ MUNGÚ iri waaraáhh ar dír geeraá Mose, iri malé oó', «Aníng a AAKOÓ MUNGÚ, a AAKOÓ MUNGÚ, a Munguú gurtleemuuwo haáts nee oo gurhhoó', aníng ti inslahheeká buhhtaawo, nee a haáts sla'aarír warqawaakahe nee inkihhimuwo.

DAHARUSMO 8:11

Gár muu is kumamiti tlakweema tlehhtuwo, asma tlakweema ki gaanslár sakwasleemutiiká.

ISAYA 30:18

Gawaá adoorihe AAKOÓ MUNGÚ kuungá' nu daamaarán, as nuwa gurtlay. Inós ni tláy as kuungá' nuwa gurtláy. Asma AAKOÓ MUNGÚ a Mungú sakwasleemár ganaa' ga tlehhahhiít. Múk amohhoó' a kudá' inós gu daamaraám.

ISAYA 46:13

Deelór nuwa ba/amis ngi tseeweés. Ka saweeká. Deelór nuwa ba/amis i tligká. Gixsár Siyoni an ba/amís as múk Israeli kuduú xirfuueé'.»

ESEKIELI 33:11

Mukwí baweek, ‹Adoodá' anuú Aakoó MUNGÚ nir hotaatima, gwa'arár heé tlaákw aníng a saqwalala/aaká, ala gár ni slaa' masók heé tlaákw tlehhma'aá tlakw gin máy, as iwa hooti. Tlakweemaahúng hhu'uu'umaak, nee muruudá' tlákw mawaak tlehhtuwo. Múk Israeli, ahaá waáy, mas qatlór slá'?›

DANIELI 4:29

Alaá slahheeraá mibaá nee tsár niwa waaraahhiyé', looarka wake waawutmo Nebukadnesa i hi'iimiit gawaá daanduú do'ós kuduú waawuti'imár wa alé oo Babuloni.

HABAKUKI 2:3

Asma iigu'utuuwí qoomár kus hariím i deer, a kángw ló' oo alhhe'eesaydá' gaanslár hardáh. Barnaxes i tligatliik, kuúng daameek, asma looeemawo niqo hardah, i tligiiká.

Rumi 13:11

Adoorí tleehhaak ar ilakaahara, asma kuungá' qoomaarí ta koomaan a xuá'. Slám a xuá' kuungá' gár tunduwa hariím, hamí an tleerá' baraá gu'uteero. Asma ba/ama hamí naa diréní naká/, ta ak qoomaadá' atén haratlintaao kawa iimu/uumani.

Rumi 13:12

Xweera naa harafaakiyé', tlaatla/aangw naa haranakaá/. Gawaá adoorihe tlehhmi'iidá' ki mawaán, nee xosluudaá slaqwara awa gwa/aateema ki oohaán.

Rumi 2:4

Laqaá kuúng hhooeemaá Mungú kudá' yaariir nee qiqtliingós nee daamaaraangós, in waqaaqá'a? A xu'ukáhe adór hhooeemaá Mungú kuúng ur uuruxuná' as tawa hhu'u'uun?

Rumi 9:22

Mungú xaraasleemawós gi laqaamár wa slaa', nee aleesleemuuwós nguwa laqan. Ala Mungú xaraasleemawós gaa ala alqiítl, nee xooslaadá' taa qwanáy wa tleéhh, gana ala máy ar qitluú yaariír, as mingiwa hhitín.

1 Timoteo 1:16

Gawaá adoorihe gaarí an gár án gurtleemu ngusa sláw, as Yesu Kristo qiqtliingós nguwa laqán dir'eé' alé, aniíduú tlakusmoó úr, as aníng niwa slaqsaay tleehhiit dír mukduú hatlá' oo aluú wa haratlintiia, nee slafíngw alhhe'eesay wásl kuwa slay.

1 Timoteo 2:4

Inós muu sleémeero gu slaa' iwa ba/an nee looeema ngiwa xuiya'.

Ebrania 10:37

Asma Gooi i kat, «Alaá deelór niinawe kudá' hardáh niqo hardah, inós i kwahhaasiiká.

1 Petro 3:20

Mukwí an kudá' Mungú gwa sii' qoomár de'emaá Noawo. Qoomaadaádae Mungú ina daamarán ar qiqtliingw qoomár miringamoó úr kuwa tlehhiiti. Baraá miringamoodae múk niiná ina ba/án ar baraá ma'aay, inooín a dakaát kilós.

2 Petro 1:4

Gawaá adoorihe tam al'axweesanoó urén nee oo afhhamít ugwa slawaán ar xirfuuwós nee /uuruuwós. Kuungá' al'axweesanaywí bura haratlintié', hhitiru'uumár baraaká' yaamu daqaní ilagowto a aleesleerá', nee tlehhmuú munguiima u sleerá'.

2 Petro 3:15

Nee kuungá' xuaak adoorí Aako iwa qiqtlin a pa/ángw ba/ama ngu dirhúngií hanmiis. Tam hhiyaarén, kuduú sla'aarusmo, Paulo, adoorí sleeme ngaa gooín amorhúng i alé. Inós kuna geeraharahaár nee sagalooadá' aa dír Mungú wa sláy.

Geehhoeemaá 2:21

Aníng pa/aangw una haniís dirós i alé as iwa hhu'u'uun. Ala fuqtós tidá' gaa sí' hhu'u'uungo.